فتحت عيونها بعد ليله امس السعيدة عليهم تشوفه قدامها على نفس الوساده ابتسمت بواسع ثغرها تناظره وماهي الا دقايق من سرحانها فيه فتح عيونه يناظرها قدامه ابتسم وهو يناظرها ونطق : كاني بديت ادرك اللي انا فيه !
ضحكت ضحى تنطق : توه بدري على الادراك امداك !
ضحك نهار يرفع يده لخصلات شعرها النازله على ملامح وجها ومناعته يشوف غمازاتها ونطق : تقدرين تقولين من صرتي معي وامسيت على وجهك واصبحت عليه ادركت ."
ابتسمت ضحى تنطق : بس يانهاري احنا صرنا مساء
ضحك يرفع نفسه ويسند ظهره على السرير ونطق : صدقيني ماتفرق كله نهار ولا حتى ليل صباح ولا مساء الفارق هو وجودك وضيحي
عضت شفتها من حست انها تتراقص من داخلها عقب كلامه ونطقت : ياحلوك انت وكلامك وياحلو يوم يبتدي فيك ."
تنهد نهار ينطق : وضيح خفي علي ترا ماعندي الا قلب واحد احبك فيه
ابتسمت وقبل تنطق بحرف سكتت من سمعت جواله يدق ورفع يده ياشر لها على الجوال ونطق : برد
هزت براسها له ونطقت : اي رد لانه هاذي المره العاشره اللي يدق فيها
ولف ياخذ جواله ونطق : اوووف ابوي يدق عز الله امسينا رفع الجوال له يرد وقامت ضحى للحمام وابعد الجوال عن اذنه يسمع هواشه ونطق : يايبه صل على النبي وش فيك ؟
ونطق فيصل بحده : وينك فيه جعلك ماني بقايل ؟
تنهد نهار ينطق : وش اللي وينك في الفندق نايم كان زواجي امس كانك ناسي يالغالي وبعدين بدل ماتدعي لي بتدعي علي ؟
فيصل : نايم يالحيوان احد ينام الحين انت شايف الساعه كم ؟
ابعد الجوال عنه يناظر الساعه وعض شفته يشوف الساعه تشير لساعه ٤:٣٠عصرا ورجع ينطق : يايبه الله يخليك فكنا من الهواش وش فيك امر وش كنت تبي مني ؟
فيصل : قوم تحرك تعالو عندنا انت وزوجتك ومر على اخوك نايف الحمار مايرد من امس وهو فاقع مرارتي تسمع وش انا قايل لك !
فرك عيونه ونطق : سامع يلا ابشر
قفل فيصل ونطق نهار لذاته : يالله هذا وشو توي قايل حياتي تغيرت ماامداني الا وانا راجع للواقع المر ..."
<<بيت تركي غرفه كنوز وعزام تحديدا >>
جالس جنبها وماسك كفها ونطق : خوفتيني كنوز
ابتسمت كنوز ونطقت: معليك وضعي تمام الحين
ميل راسه وهز براسه ينطق : متاكده !
هزت براسها له ونطقت: بعمري عنك ماكان ودي اخوفك والله
قرب لها عزام ينطق : بعمرك العافيه يا حياتي انتي ودامك زينه الحين خلاص هذا المهم
نزلت راسها على صدره واحتضنها عزام له وهو يقبل كتفها ابعد عنها من دق الباب رفعت راسها وقام عزام يفتح الباب وابتسم من شاف امه ونطق : حيا الله فطومه تعالي حياك
ابتسمت تدخل وبيدها كوب اعشاب لكنوز دخلت ومشت تجلس جنبها
ونطقت : كيف الحلوين اليوم ؟
ابتسمت كنوز تهز براسها : ابشرك بخير
فاطمه : بسم الله عليك والله يسهل لك يارب ونفرح بتركي صح ان كان ودنا تكون فاطمه بس يلا
ضحك عزام من كان واقف يناظرهم ونطق : معليك بتجي فاطمه بعد تركي
تلاشت ضحكه كنوز ورفعت عيونها له وضحكت فاطمه وهي تنطق : امزح معكم كلهم خير وبركه اهم شيء يجي بصحة وعافيه هذا المهم
نزلت راسها ترفع المشروب لكنوز ورفع يده عزام ياشر لها ويضحك عليها من استحت واحمرت وجنتيها ولفت على فاطمه من مدت لها المشروب وهي تنطق : امسكي يمه كنوز هذا اعشاب مره حلوه تريح اشربي منها وفيها العافيه ان شاء الله
مدت يدها كنوز تاخذها منها ونطقت : جعلك سالمه
ابتسمت فاطمه وقامت تنطق : يسلمك يلا انا استاذن بروح اتجهز اهلك ينتظرونا على العشاء
هزت براسها كنوز وطلعت فاطمه ورفعت انظارها لعزام وضحك بعلو صوته ينطق : شفيك ؟ وش انا قايل !
رفعت حاجبها تنطق : لا والله وشو له تحرجني !
ونطق وسط ضحكته: هذا الصدق طيب عندك مانع !
تغيرت ملامحها بغضب : لاترفع ضغطي عزام
هز براسه وهو عاجز يوقف ضحك على احمرار ملامحها ونطق : ابشري خلاص بسكت
صدت بعيونها عنه تشرب من الكوب اللي بيدها وابتسمت بطرف ثغرها وهي تحس بنظراته عليها .."
لبس نهار ولف على ضحى اللي واقفه عند المرايا وحاطه اللفافات بشعرها وتردد مع الاغنيه اللي مشغلتها بجوالها وتسوي ميكبها ضحك نهار ولف من سمع الباب يدق مشى يفتح وياخذ الماتشا سكر الباب ومشى لها ونطق : روقانك هذا مايكمل الا بالكوب ذا
لفت عليه وهي تعض راس اصبعها بحماس : ياحلو نهاري يالعالم
كانك تدري ان خاطري فيها
ابتسم نهار ينطق وسط ابتسامته: افا مايصير خاطرك فيها وانا موجود
وقفت وهي ترفع رجولها وتقبل خده ونطقت : شكرا بيبي
ابعدت عنه وضحك نهار بعلو صوته ينطق : بيبي وشو بعد !
ضحكت تبادله الضحكه ونطقت : ادلع عليك عندك مانع !
ونطق وهو يضحك على كلمتها : ابد خذي راحتك نهار تحت امرك انتي ودلعك
ابتسمت ورجعت تجلس تكمل ميكبها وتشرب من كوبها
رفع يده يخلل شعره من الخلف ويناظر فيها ونطق: شوفي انا بروح اشوف نايف لانه من الواضح انهم قلبوها غيبوبة وارجع لك خلصي زين
رفعت يدها تاشر على عيونها وابتسم نهار ينطق : عمري والله
ومشى يطلع من الغرفه لغرفه نايف يطق الباب وتافف من ماسمع رد ونطق يتحلطم: ياربي وش اسوي فيه ذا مدري مين المعرس فينا
تحركت بانزعاج من دق الباب المستمر تاففت وهي تفتح عيونها تشوفه نايم ونطقت تناديه : نايف ياهووووو نايييف نايفففففففففف
همهم لها ونطقت : قوم شوف من اللي عند الباب
ونطق وسط نومه وبثقل صوته : خليه يدق
تاففت من رجع يدق الباب وقامت تنطق من خلف الباب : مين !
تنهد نهار بتعب ونطق : يام زهر نادي رجالك ابيه
عقدت حاجبينها تنطق باستغراب : نهار ! زين طيب
ورجعت عند نايف تنطق : نايف هذا نهار يبيك قوم
مارد عليها من كان غارق بنومه وصرخت تناديه : ننااااااااااايييييييييييفففففففف
فز من مكانه ينطق : يادافع البلاء شفييههههههه !
ونطقت بنفس رفعة صوتها : قققوووممم نهار عند الباب يبيك
عقد حاجبينه ينطق باستغراب : نهار ! وش يبي ؟
رفعت اكتافها بعد معرفه : مدري قوم روح شوفه
تاففف ووقف يطلع من الغرفه له ونطق من شافه : الله يشغلك ياشيخ وش عندك !
نهار : بسم الله وش العيون المفقعه ذي
رفع يده نايف يفرك عيونه ونطق : اخلصصص وش تبي !
نهار : ابوي ينتظرنا على العشاء وتراه يتحلف فيك بسرعه اعجلو مافي وقت
ومشى نهار ورجع يدخل نايف الغرفه ومشى ياخذ جواله وبقق عيونه من شاف ان باقي ساعه على اذان المغرب ونطق : لا اله الا الله هذا وشو هذا !
لفت عليه تنطق : شفيك وش صار !
رفع الجوال لها تشوف الساعه ونطقت بصدمه من كل الوقت اللي راح وهم نايمين : يمه منجدك مستحيل
ونطق بعجله : قومي قومي الله يرحمني ابوي بيلعن وجه
وجهي اخلصي بسرعه يالله ..."
<<<بعد ساعه ونص تقريبا ببيت فيصل >>>
اجتمعو اغلبهم ودخل نهار وضحى ماعدا نايف وهيام للحين ماوصلو
جت الجوهره وكنوز وشروق عند مدخل الرجال يسلمون على نهار
ونطق نهار من شاف امه : يالله انك تحييها
ابتسمت وتقدم لها نهار يسلم على راسها ويدها ونطقت : تبقى
ضحكو البنات من شافو نهار ونطقت شروق : ماشاءالله الوجه منور
ضحك نهار يرفع حاجبه والضحكه مرسومه على ثغره : شايفه كيف الراحه تسوي
ضحكو كلهم وعلى راسهم الجوهره : استح على وجهك اللي يسمعك يقول كنت في اتعس ايام عمرك قبل لاتعرس
ضحك نهار يحتضن اكتافها ونطق : وانا صادق كنت بموت عشان يتم هالزواج
ضربته على صدره واعتلت ضحكاتهم ونطقت كنوز : الله يوفقك يارب
ابتسم لها ينطق : وياك ياعيني
الجوهره : وين نايف ماجاء ؟
هز براسه نهار ينطق : ولدك نايم للمغرب تخيلي شوفي يدي جلست ساعه عند الباب ادق يالله فتحو لي
كنوز : ياعمري ترا مانامو الا الفجر
لفت عليها الجوهره تنطق : ليه وش عندهم !
كنوز : كنت تعبانه وعزام ناد لي هيام وجت عندي
مشت الجوهره لها تنطق : وليش ماقلتي لي تعبانه من وشو ؟
كنوز : مافيني شيء يمه شوفيني قدامك
نهار : سلامتك والله
كنوز : الله يسلمك يارب
شروق : كنوز حملك يخوف والله احس التعب واضح على وجهك
الجوهره : بروحي ياحبيبتي انتي هانت ياروح امك هانت الله ييسر لك يارب
رفعو يدينهم شروق ونهار ينطقون بصوت واحد : اااممميييننن
كنوز : مجاره ياعيوني ان شاء الله يارب
مشى نهار يرجع للمجلس ودخلو الجوهره والبنات الصاله ."
<<الفندق >>>
لف عليها ينطق : هيام مو طبيعيه انتي اول مره تروحين عند اهلي ولا وشو !
نطقت وهي تلف خصل شعرها على الفير ونطقت : انتظر شويه خلاص اخر خصله تافف وهو يناظر ساعته والوقت اللي جالس يروح منهم وقف
ينطق : اعجلي يابنتي اعجلي خلاص حلوه والله حلوه امشي
لفت عليه بعد مانتهت وهي تنطق : يالله يانايف يالله منك خلاص يلا
وقف يرفع زهر وهي تلبس عبايتها وياخذون اغراضهم ويطلعون نزلو يركبون السياره ومد نايف زهر لها ونطقت : خلها معك شوي بكمل مكياجي
توسعت عيونه من نزلت المرايا وطلعت شنطة الميكب تكمل مابقي من ميكبها بلل شفايفه بغيض وحرك من عند الفندق ولفت عليه من حست انها مو قادره تسوي شيء من سرعته ونطقت : نايف خير شفيك وش مستعجل عليه شوي شوي ماعرفت اسوي الايلاينر ممكن توقف على جنب علشان اسويه
لف عليها بصدمه ينطق : انتي صاحيه ولا تمزحين اقولك ابوي بيخلي القاصي والداني يلحق علي وانتي تقولين وقف عشان ذا مدري وش اسمه
مدت الايلاينر له ونطقت : اسمه ايلاينر ا ي ل ا ي ن ر قولها اشوف
تنهد نايف ينطق : وش علي باسمه انا
لفت تتربع ونطقت :شوف على مانوصل بسالك وانت تجاوب زين !
لف لها يناظرها ونطقت وهي تطلع ماسكرا ونطقت : هاذي وش اسمها !
ضحك نايف من الروقان اللي هي تعيشه بهالحظه ونطقت : هيام قالو لك نايفه قدامك وش دراني انا بالاشياء ذي
تاففت بغيض منه ونطقت : اعرف انك ماتعرف بس خمن شيء نحطه بالعيون
رفع حاجبينه ينطق: شوفي اعرف انك نمتي نوم مو طبيعي وهالنوم بندفع ثمنه بعد شوي يرحم لي ام من جابتك سكري هاللي بيدك مو وقته خلينا نروح واذا رجعنا اساليني لبكره زين
ميلت شفايفها ونطقت بعناد : نايف انا مسكت معي تجاوب ودخلت يدها تحوس بالشنطه وتطلع منها وتساله :يلا هاذي وش اسمها
لف لها وابتسم يشوف عنادها ونطق : يابنت ! اخو من طاع الله صدق
هزت راسها بتحدي : بتقول ولا وشلون يعني ؟
وراح نص الطريق وهي تهدد فيه وه ورافض الفكره وتنهد من بدات تفصل عليه ونطق بصوت واطي : وش عثرت فيه يانايف
رفعت حاجبها تنطق : وش قلت !
رفع يده ياشر على الطريق ونطق : اقول شوفي البيت قربنا
لفت راسها تناظر ونطقت له : يعني ماراح تقول مو طيب لك ترا !
رفع حاجبينه بنفي ونطق : حاشا وكلا وبعدين وشلون تبيني اقول شيء ماعرفه وش فيك قاعد اقولك مااعرف من وين اجيب اسمه ذا
هزت راسها بوعيد وعض شفته يكتم ضحكته ورفعت شعرها تدخله وتلبس طرحتها وقفو عند البيت ولف عليها يمد لها زهر: امسكي يالزعوله انتي
لف تاخذ زهر منه ونزلت تاركه الباب مفتوح ضحك بعلو صوته ينطق: ياربي استغفر الله كل هالدوشة والزعل عشان ماعرفنا نقول اسم اللي كان بيدها الله يخارجنا في ذا الليل نزل ومشى للباب اللي تركته مفتوح من خلفها يسكره ويعدل شماغه ودخل المجلس ينطق اول مادخل بصوته الجهوري المعتاد عليه :سلام عليكم وشحالكم جميع !
الكل : وعليكم السلام ارحب يابو الزهر
مشى يسلم عليهم ووقف عند ابوه ينطق : جعلني فداك والله انها راحت علي نومه ورفع يده يمسك شعر دقن ابوه وينطق : انا طالبك تعذرني
فيصل : يصير خير اجلس وان مابردت خاطري فيك الليله ماني برجال
نايف : اي معليه لاصرت انا وياك وحدنا وقتها تمون على رقبتي
ومشى يجلس جنبه وتنهد براحه ...."
<<<عند البنات >>>
كانت سواليف ليله امس للحين مستمره ونطقت الجوهره : بس الحمدلله الزواج كان على اجمل مايكون ."
فاطمه : اي والله الحمدلله عقبال الباقي ولفت تناظر البنات
لفت هيام تناظر ايمان وهي تضحك ولفت ايمان عليها من حست بنظراتها ونطقت بهدوء وبصوت مسموع لهم ثنتينهم : عارفه وش بتقولين بس من الحين اقولك مافي شيء من اللي في بالك حطي على قلبك مويه بارده
غمزت هيام لها بعيونها تنطق : اي صح شفتي كيف الدنيا دواره الحمدلله ياربي
ضحكت ايمان من تذكرت وش كانت تسوي فيها ونطقت : الفرق بينا ان اللي كان ببالي صح لكن انتي كل تفكيرك غلط بغلط وهذا الفرق ياحلوه
زمت شفايفها ورجعت تنطق: اي زين الا اقولك عسى زهر ماشافت شيء
ضحكت ايمان وهي تقرصها وضحكت هيام بعلو صوتها ونطقت ايمان : وجع ياحيوانه خير وبعدين بنتك شافت لين قالت امين منك انتي ونايفك
لفت ضحى عليهم تنطق : وش عندك انتي وياها
غمزت هيام لايمان : وش رايك وش عندنا !
بلعت ريقها ايمان ولفت على ضحى : ولاشيء نسولف
هزت براسها ضحى :ماني مرتاحه لكم بس يلا بحاول اصدق ان مافي شيء
ونطقت جود لشروق : شروق ابي شاحن جوالي بيطفي
شروق : اسمعي اطلعي فوق خذيه بروح اساعد امي بالعشاء البيت بيتك
هزت براسها وقامت تطلع فوق وهي تدخل غرفه شروق تدور لشاحن ومن لقته اخذته تشبكه وتشحن جوالها ورفعت جوالها تتصور فيه ابتسمت تاخذ الوضعيات لفت بعجله من لمحته معها بالصوره وشهقت من سمعته
ينطق : شروق ابي ....بلع ريقه من شافها قدامه توترت من نظراته المنبهرة بحسنها وجمالها المستحيل اللي خطف نفسه يضيع كله فيها ونطق من حس ان الدنيا مو قادره تشيله وانه بدا يتركها تخاف من نظراته مادرا ان الموضوع اكبر من خوف بالنسبه لها : اعتذر جدا منك عبالي شروق
رفعت يدينها على طرف التسريحه تتسمك فيها وتلامست كفوفها طرف زجاجه العطر اللي طاحت بالارض وفاحت ريحتها وتفتتت اجزاء صغيره انتشرت ريحه المسك تشهد على هاللقاء على هالنظرات منهم اثنينهم نظرات خوف وانبهار توتر واستكان مشت الريحه بارجاء الغرفه ومن حس انها مو قادره توقف على رجولها مشى يطلع من الغرفه مسرع ناسي وش كان يبي ولا حتى وش جاء لاجله وده يرجع يتامل لين يمل التامل منه تجمدت بارضها عاجزه تتحرك او تخطي خطوه من رجفتها وخوفها اللي عاشته وجلست على ركبها وهي تحاول تتمالك نفسها تخفي توترها اللي تسبب فيه فهد
ركض يطلع من الباب الخلفي وقف يسند ظهره على الباب ونطق : ياويلي ويلاه هذا وشو اللي شفته رفع يده يخلخل يده بشعره وكل اللي يسمعه حاليا صوت نبضات قلبه وكل اللي يشوفه بهالحظه هي جود ملامح جود برائة جود عيون جود وقفه جود بتفاصيلها من اقصاها الى ادناها توتر وهو يفتح ازرار ثوبه العلويه ويترك نفسه يلقط نفس ومشى يرجع المجلس بجسده
بينما قلبه فوق عندها .."
بنهايه الليله طلعت من عندهم بعد ماراحو كلهم ومن طلعت شافت عمها واقف معه وقفت تناظرهم وابتسمت بواسع ثغرها ونطقت لنفسها : قلت له الف مره لاعاد تعاندني بس الدلخ دلخ لين يموت ومشت لهم ولف فيصل عليها وهو يسلم عليها ونطق لها : يا اهلا وسهلا يالله حي بنتنا
ابتسمت هيام تنطق له : الله يسلمك
مد يده ياخذ زهر من يدها ويرفعها له وهو يسلم عليها : ياماشاء الله بسم الله عليك ورفعت عيونها له وغمز لها بعيونه وسط انشغال ابوه بزهر رفعت اكتافها ونطقت لفيصل : اقول ياعمي !
ولف عليها فيصل يناظرها : سمي
ابتسمت تنطق : سم الله عدوك كنت بعتذر منك على تاخير الليله بس لك ان تتخيل ان طول اليوم اقوم في نايف وانبح صوتي وكل شوي يقول لي عادي مافيها شيء لو تاخرنا تو الناس عاد انا حز بخاطري انك طول اليوم تدق وقلت اتعذر منك وعضت شفتها من حست انها بتضحك بس حاولت تتمالك نفسها
بقق عيونه بذهول يناظرها ونطق فيصل : ايا ******
صدت بعيونها عنه وهي تضحك
وتغيرت ملامح نايف من كلام ابوه ونطق : يايبه اسمعني
مد فيصل زهر لهيام ونطق : لابارك الله فيك من ولد اطول مني وعندك بنت وتكذب بعد زين يانايف شغلك عندي ان شاء الله اجل راحت عليك نومه انا اوريك النومه على اصولها اذلف يلا الشرهه موب عليك على اللي يدق عليك ومشى فيصل يدخل ابتسمت ولف عليها بصدمه من تصرفها تنحنحت ومشت تركب السياره سحب شماغه من على راسه وركب وهو ينطق : عشان اذا قلت انك ورعه تصدقين خير يعني كذا انتي خذتي حقك راسك هذا وش اللي داخله
ميلت راسها تمتنع عن الرد هز براسه وحرك من عند البيت وهو ساكت طول الطريق من اللي خلاها تتوتر وقف عند البيت ونزلت بخطوات مسرعه ودخل وراها طلعت الغرفه وهي تحط زهر على سريرها ومشت تسكر باب الغرفه بس سبقها يحط رجله على حافه الباب ونطق : كانك قدها افتحي وشو له تخافين
شدت على الباب بكل قوتها تنطق : اي قدها انت السبب محد قالك ترفع ضغطي
دفع الباب وهو يدخل وصرخت وهي تطلع على السرير ونطقت : نايف اعقل
وقف مكانه واشر بيده تنزل له ونطق : تعالي هنا ان طلعت لك ماهو بطيب لك سويتي شيء خليك قده وتعالي معتوهه انتي وش حركات الاطفال ذي وياليت شيء يسوى عشان مكياج وش عرف ابو من جابني انا عن ابوه نسيت والله ماخذ لي دورات مكياج تستهبلين انتي علي انزلي هيام انزلي
زفرت بربكه تنطق : اوعدني ماتسوي لي شيء وانزل !!
مسح على دقنه ونطق بغيض : ياربي اني في وجهك اي انزلي ماراح
اسوي شي بس انزلي
ميلت شفايفها تنطق: احلف !
مشى لها وصرخت بعلو صوتها وجت بتركض بس لقطها مع خصرها وطاح على الارض وهي تعتليه غمضت عيونها وهمهم بآلم في ظهره وفتحت نص عيونها تناظره ورفع راسه يناظرها ونطق : صار غلطين يابنت العناد يابنت وحده بوحده يابنت الانتقام انتي
تغيرت ملامحها من رفع يدينه الثنتين يشد على خصرها ونطقت : نايف !
تصلب عمودها من صارت يده تمشي على ظهرها وخصرها
أبتسمت بوسع ثغرها تنطق : وش اسوي احب العناد وخصوصا في اني اعنادك هذا بذات عشقي بس تدري المشكله وين في اللي بعد هالعناد نايف خلاص لاتتحداني وماراح اعنادك الموضوع ايزي .
ونطق وهو يناظرها ومستمتع يشوف قربها منه بس صامد قدامها : وتزعلين ابوي علي يعني عادي عندك ينام وهو زعلان علي في سبيل انك تاخذين حقكك مني !
زمت شفايفها تنطق بزعل : شوف مو قصدي ازعله وانت تعرف غلاته عندي بس هذا اللي جاء ببالي بس خلاص براضيه لاتخاف واراضي ولده زين كذا شفيك سكت ماتبيني اراضيك !
رفع حاجبه بعدم معرفه ينطق : مدري عنك وش تشوفين انتي !
رفعت يدها لحاجبه تنزله ونطقت : اعرفك دلوع وتحبني ولا راح تزعل بس اعرف بعد انك تكابر بس سبق وقلت لك كبريائك مو عندي براضيك ماعندي مشكله بس بشرط قبل اخليك ترضى !
وضحك نايف ينطق وسط ضحكته من هالثقه : لا بالله تصدقين انك مستحيلة غلطانه وتتشرطين بعد !
ضحكت من شافت ضحكته تنطق : اسمع الشرط قبل يتصلب ظهري
همهم لها وهو يضحك ونطقت : اعطيك دوره بانواع الميكب
تلاشت ضحكته من شرطها ونطق : عز الله ان عقلك ودع يابنت ! أستحي وش هالكلام احترمي الشعر اللي بوجهي على الاقل
نزلت راسها تقابل وجهه ويلامس طرف خشمه أرنبتها
ونطقت تاكد له : بتسويه نايف بتسويه
نزل انظاره لثغرها ونطق : وان ماصار !
ابتسمت تنطق بثقه : للاسف لايوجد أحتمال لكلمة "ما " انا الدنيا كلها ترضخ لي وانت اولهم واخرهم ."
سكتت من لاحظت إبتسامه عريضة زينت ثغره احترق وتجمد وهو يناظر ثغرها ويسمع كلامها وثقتها بعمرها وثقتها فيه بانه ماراح يرضى تزعل عليه او حتى يزعل عليها ونطق وهو متخدر فيها : اعرفك قوية باس تدللي وش ورانا غير اننا نعيش لك ولدلاك ونرضى هالكتلة الهائلة من غرورك ."
فلت يده من على خصرها يرفعها فوق راسها يقربها ويقطع كل المسافات البسيطه خفق قلبها من تلامس ثغرها بثغره وغمضت عيونها تبادله القُبلة .."
وقف عند الكوفي ولف عليها ينطق : يلا انزلي
وضحكت تنزل وراه اخذ المفتاح من جيبه يفتح الباب ودخلو الكوفي ونطق لها : ماتشا !
ابتسمت تهز براسها ونطقت من راح يسوي لهم : حلو المكان وهو فاضي
همهم لها يوافقها الفكره ونطق : كل ليله واحنا هنا انا اقدم لك ماتشا وانتي تسمعيني عزفك اتفقنا ؟
هزت براسها تنطق : اوكيه بيب
رفع عيونه لها وضحك من الكلمه ومشت تجلس على الكرسي المقابل للبيانو خلص الماتشا ومشى يسحب كرسي ويجلس جنبها ونطق: يلا مرري اناملك نبي نسمع
ابتسمت ترفع يدها تعزف تعيش وتعيشه معها بانغام ولا اروع من عزف احترافي لدرجه مو عاديه شيء يفوق الخيال ولفت عليه من خلصت
تنطق : نهار !
همهم لها وسحبها هي وكرسيها يقربها منه ونطق : روحه !
ابتسمت تبان غمازاتها ونطقت : ودك تتعلم ونصير نسهر على انغامنا
ابتسم بوسع ثغره ونطق وسط هالابتسامة : قولك اقدر !
ميلت راسها على كتفه تنطق : تقدر ولا نسيت انك متزوج البيانو بحد ذاتها
امتلى الكوفي بضحكاته ونطق: لا والله اجل يلا علميني
ابعدت عنه وهي تنطق : اغنيه !
رفع عيونه يفكر باغنيه ونطق : اممممم انسان اكثر ودي فيها
صرخت بحماس وضحك نهار ونطقت : ايييي ااييي مرره حلوه يلا تعال
قرب من البيانو وضحى فوقه تعلمه شلون يمرر انامله على البيانو ..."""
نزل راسه على الارض بعد ماارتوى منها ومن ثغرها ينطق : ضريبة العناد والتهديد
ابعدت عنه وهي ترفع نفسها وتوقف مدت يدها له وضحك نايف ينطق وسط ضحكته: بترفعيني ؟
ميلت شفايفها تنطق له : أي مستهين فيني كذا ليه !
رفع حاجبينه ينطق: اعقب استهين فيك بس ماجازت لي الفكره انك بتقوميني
نزلت له تسحبه رفع ظهره يجلس وصرخت من حست انها موقادره
ونطقت : معك حق تستهين فيني
ضحك نايف بعلو صوته ونطقت هيام بغيض منه : ياحيوان يا نااااييففففف ساعدني فيك
رفع يدينه ونزلت له تدخل بحضنه لاجل ترفعه ووقف معها ينطق :شايفه كيف مافي شيء صعب عليك
مشت تدخل غرفه الملابس وتنطق : شايفه يلا وراك كورس
تنهد نايف بقلة حيله ومسح على وجهه ينطق : عنيدة وش اسوي انا ؟!!
ورفع صوته لها ينطق : انا بنزل تحت تعالي
ونطقت وسط حوستها : يلا جايتك
مشى يطلع من الغرفه ينزل تحت فتح الباب واخذ زقارته يولعها ويسحب منها
جت من وراه وهي تنطق : تعال نجلس برا
مشى وراها وجلس على الكرسي وجلست قدامه على الطاوله ونطقت : يلا نبدا
هز براسه وهو يولع زقارته الثانيه ونطقت : طييببب شوف ركز تمام اخذت كم قطعة ميكب وهي ترفعها وتنطق : نايف شوف انتبه لي
مسح على وجهه وهو يشوفها فعلا صامله ونطق : اي اشوف كملي
اعتدلت تتربع على الطاوله ونطقت : زين وصارت ترفع له مره ماسكرا مره روج ورفعت القطعه الثانيه ونطق نايف قبل تنطق : ايلاينر
ضحكت بعلو صوتها وابتسم يشوف ضحكتها ونطقت وسط ضحكتها: صح عليك شاطر شعرفك فيه !
رفع حاجبه بثقه ينطق : شايفه كيف اني كفو
رفعت حاجبها وتلاشت ضحكتها تنطق بحده : نايف وش عرفك فيه !
نفث دخانه ينطق بذهول من فهم مقصدها : هووووب يابنت ! بعدين انتي دلخه ترا انتي اللي قلتي لي كانك ناسيه
تنهدت براحه تنطق : اي زين عبالي بعد يلا نرجع لدرسنا
وبعد مده طويله انتهت وتنهد نايف ينطق : هيام الساعه ٣ عندي دوام خلاص
هزت براسها تنطق : اي خلاص يلا كفو عليك خلاص رضيت لو انك مجاوب بالسياره ماكان وصلنا للمرحله ذي
زفر من ناظر يده اللي ما كانت تخلى من ولا لون كانت تشرح له وتخط على كفه ونطق : اجل الله لايهينك يا روحي جيبي اي شيء امسحي كل هالخرائط اللي انتي مسويتها بيدي
ابتسمت تنزل رجولها ونطقت : ابشر بس تعال نطلع وامسحه لك فوق
دخلت ووقف من انتهت زقارته وهو يطلع الغرفه دخل لسرير يمد ظهره
مشت له بمزيل الميكب والقطن وجلست على طرف السرير جنبه تمسح يده ابتسم بواسع ثغره وهو يشوف فرحتها من صار اللي هي تبيه ونطق وسط ابتسامته: هياموه سوينا اللي انتي تبينه ؟
هزت براسها تنطق : اي نعم واكتشفت ان عقلك براسك لانك لو ماسويته كان الحين انت خامد تحت بالصاله
ضحك بذهول ينطق وسطه : لا ياشيخه حلوه ذي ؟
هزت براسها تاكد كلامها : اي نعم ليه عندك شك ان ممكن مااسويها
سحبها من كتفها يبعد شعرها عن عنقها ويقبل ترقوتها ابتسمت ورفعت يدها تخلخل اصابعها بشعره ونطق وراسه بوسط عنقها : يالذة كل شيء ينعاش فيك والله اني عاجز اشبعك ."
هربت من ثغرها إبتسامة خجل ونطقت : حقك لاتشبع
ابتسم يرجع ينطق بهدوء نبرته : ابي رضاوتي وحالا لو سمحتي
لانت ملامحها وهي تعيش بهالحظه الحب والود تعشقه من يعطيها فرحتها من حشى جوفه بدون قصور ومنه تحبه وتحب حبه لها سعيده ان كل مافيها راضي راضيه شعور وراضيه غرور و راضيه استثناء كل مافيها في اتم رضى تحس إنها حيه معه وروحها بخير كن الأرض مافيها دفى من بعده تنهدت من فرط شعورها تنطق : وش رضاوتك ياعيني !
ابعد عنها يقابل وجها وينطق بهدوء نبرته : ابيك انتي
عضت على شفتها بخجل وتنهد من جوف صدره من استقرت في ذرى حضنه تستريح فيه ورفع ذراعينه يحاوط ظهرها ويشدها لحضنه رفعت يدينها حوالين رقبته تلبي طلبه فيها وتنهي هالليله برضاهم ..."""
<<صباح يوم جديد الساعه ٩ ونص صباحا >>
وسط حوسته وشغله اللي ماوقف دق باب مكتبه ونطق بدون مايرفع
راسه : تفضل
دخلت توقف قدام المكتب ورفع عيونه لها وانفكت عقدة حاجبينه يوقف
بلعت ريقها وهي تنطق له : سلام عليكم
رفع حاجبه ينطق بذهول : وعليكم السلام واشر لها تجلس
مشت تجلس على الكرسي المقابل له وجلس على كرسيه وينتظر تنطق باسباب جيتها اخذ قلمه يطق فيه بطاولة المكتب ماتنكر انها توترت من نظراته واصوات القلم اللي تتردد باذنها صدت بعيونها عنه تناظر الكرسي اللي امامها فركت بكفوفها تنطق وفزت من مكانها من ضرب بالقلم لاجل تنطق وتفك عقدتها ونطق بحده وثقل صوته : انطقي وش اللي جابك !
استمرت في بلع ريقها وهي عاجزه تنطق رجع ظهره على الكرسي ونطق بنفس النبرة : عندك شيء ولا سكري الباب وراك
شدت على شنطتها تنطق : انا ....
قطعها ينطق بمعرفتها : مرام زوجه الواطي عارفك وخابرك اخلصي وش عندك ؟
نزلت عيونها ونطقت : ابي اشوفه انا كلمت العسكر اللي برا بس رفضو قبل ادخل عندك
مسح طرف انفه ينطق : ممنوع الزياره قبل ننتهي من الاجراء المناسب عن اخر افعاله
مرام : تكفى طلبتك لو بس عشر دقايق بس ابي اشوفه للمره الاخيره
عقد حاجبينه ينطق بعدم فهم: للمره الاخيره وش قصدك !
بللت شفايفها تنطق : بطلع من المنطقه وماني راجعه لها
وابي الطلاق قبل اطلع لان حياتي انتهت وانا انتظر اليوم اللي بيطلع فيه
رفع يده يحك دقنه ونطق بعلو صوته ينادي : ياعسكري
انفتح الباب ودخل العسكري ونطق نايف : قومي
قام معها ومشت مرام قدامه لعند نمر ونطق عند باب الزنزانه: عندك عشر دقايق مافي غيرها
هزت براسها له وفتح العسكري الباب ونطق نايف : يلا
دخلت مرام ووقف نمر من شافها وعضت شفتها من شافته من شافت تغير احواله تغير ملامح وجه نحف وهزل جسمه ومشى لها يحضنها وصد نايف
ونطق لها وهو حاضنها : مرام اخيرا شفتك وينك طول الفتره اللي راحت ليش ماجيتي تشوفيني مرام انا تعبان تعبت تكفين مرام ساعديني والله اني ندمان على كل شيء ابعدت تدفعه عنها ونطقت بحده : ندمان ! اي واضح لي ندمك ندمان على ايش بالضبط على الحياه اللي وفرتها لي ولعيالك ولا على الضعف اللي خليتني فيه ولا على السنوات اللي راحت من عمري وانا انتظرك ولا على الناس اللي خليتهم يتفضلون علي ولا على الذل لللي عشته بسببك ولا على عيالك اللي كل يوم يسالوني عنك وانا مايكون عندي اجابه اقولها لهم ولا على على انانيتك ولا على ايش بالضبط نمر انا لو اعد من اليوم لين عشر سنين قدام
مابرد خاطري عليك وعمره ماراح يبرد
سكت نمر ودمعت عيونها وهو يسمعها ونطق نايف من كان ساند كتفه على الباب : الوقت باقي ٥دقايق اعجلي انتي ونمرك
هزت براسها مرام ونطقت : انا جايه نمر مو لاجل اتطمن عليك ولا حتى اسال عن احوالك جايه ابي الطلاق
وصرخ نمر ينطق : وش تقوووليينن انتي ! مرام تكفين لاتخلين النار نارين
دمعت عيونها ونطقت : طلق نمر طلق انا ماعندي استعداد انتظر اكثر من كذا انا اليوم بالذات انتهت كل معاني الصبر عندي طلق
رفع يده نمر يخنقها وصرخت مرام وركض نايف والعسكري يسحبه ونطق نايف بحده : فكها نمر فكها لاوريك النار على اصولها فكها نززل يددك
ابعد نمر عنها وهي ترجف وسط انفاسها العاليه ونطق وسط انهياره وخوفه من خسارتها : حلم ابليس بالجنه والله مااطلق مرام ماراح اطلق تسمعين شده نايف خلفه واشر للعسكري يجي يمسكه ونطق نايف لمرام : امشي
هزت براسها وبكت تترجاه : تكفى طلبتك تخيل اني بمكانة وحده من خواتك انا طلبتك تكفى انا بوجهك خله يطلقني انا ماعاد اقدر اتحمله ماعاد ابي شيء يجمعني فيه لو انها وحده من اهلك بترضى تكون بنفس المكان بنفس الوقفه !
مد يده ياشر لها تمشي قدامه وطلعت بقلة حيله وسط صراخ نمر بالممرات ولفت عليه من صارو عند باب الخروج وهي تترجاه بنظراتها ودموعها
نايف : عندك حل اذا رفض يطلقك اسمعيني بالحرف الواحد زين
هزت براسها له وهي تنتظر كلامه ونطق لها بكل شيء من المفروض انها تسويه ومشت تطلع بعد ماانتهى نايف من تعليماته لها ورجع لمكتبه .."
بحديقه مقابله للمستشفى كانو يمشون ايمان وهيام وكانت هيام ماسكه ذراع ايمان وايمان تسولف لها ونطقت هيام : انا مو فاهمه ليش التعقيد هذا خلاص يختي تزوجي وش المشكله يعني انا مو عارفه وش قاعده تقولين الصراحه !
تاففت ايمان تنطق : تكفين هيام لا تصيرين زي سند انتي الوحيده اللي ممكن انها تفهمني مايمدي وش بعد شهر اجهز فستاني ولا اختار القاعه ولا الشنط والميكب ارتست ووووووو اشياء كثيرة يوووه مو قادره ارتبها بس لو نجي لسند مافي الا ثوب وغتره وبشت افهميني تكفين شهر مره قريب مره
تنهدت هيام وسحبتها يجلسون على احد الكراسي ونطقت : انا فاهمتك بس بيمديك وانا بساعدك والبنات كمان ماراح يقصرون والله كل شيء بيعدي وبيكون نفس ماانتي تبين واكثر لا تشيلين هم
ميلت شفايفها تنطق: اعرف والله ولا عندي شك في مساعدتكم لي بس مدري احس مابي كل شيء يصير بهالسرعه
هيام : ايمان حبيبي انتي سوا الحين او بعد شهرين مايفرق الموضوع
ايمان : لو انك مكاني وش كنتي راح تسوين
هيام : انا اشوف انه عادي شهر شوفي كنوز كانت زيك وماجاء يوم زواجها الا كل شيء كامل ابدي جهزي من اليوم امشي نروح الحين البريك قرب ينتهي اذا خلص دوامنا رحنا السوق ضحكت هيام وسط كلامها تكمل كلامها : يابنت الناس خلاص من الزعل شوفي وجهك كيف من الهم
وقفت ايمان تنطق : باقي يوم الزواج بتشوفين تحت عيوني هالات اللي ركبي من الهم
ضحكت هيام تسحبها وتنطق : مافي هالات ولا شيء خلك رواء الحقي على نفسك قبل يسير عليك بالغرف
شهقت ايمان تضربها على راسها وصرخت هيام : حيوانه خير وش اليد ذي اه راسي
ايمان : لانك قليله ادب وش الكلام ذا !
ضحكت هيام وهي تركض وتنطق : وانا صادقه الله يستر لاتكونين حامل
تغيرت ملامح ايمان لاحمرار من حياها وهي تنطق : الله لايبارك بعدوك اه ياربي كيف اسكتها ذي لحقتها يدخلون المستشفى ويكملون يومهم ...."
بممرات الجامعه انتهت من محاضراتها وهي ميته من تعبها طلعت تجلس على احد الكراسي واخذت جوالها تدق عليه ورد عليها ونطقت وسط انهيارها : نهار انا بموت تعب وش العروسه ذي خير مداومه ثاني يوم زواج ماامداني اتنفس الى رجعت للواقع خلاص وش ذا
ضحك نهار ينطق وسط شغله : معليك نخلص اختباراتك هالشهر ومنها انا اقدر اطلب اجازه ونسافر تحملي يابيبي تحملي
ضحكت ضحى ونطقت وسط ضحكتها: صرت تقولها !
ونطق يبادلها الضحكه : اي ايش رايك فيها !
ابتسمت تنطق له : حلووووههه زي نهاري
نهار : عمري انتي والله
تنهدت تنطق : طيب اسمع شرايك تجي تاخذني خلصت ترا
رفع يده يناظر الساعه ونطق : وضيحي مقدر اطلع الحين دوامي ماانتهى
تغيرت ملامحها من قوة الشمس ونطقت : نهار خير تصرف بموت حر جالسه انطبخ تعرف شمس الرياض ولا ماتعرفها الحق علي خلاص بموت
ضحك ينطق :هدي ياحبيبي هدي شروق راحت ولا !
ضحى : مدري ماشفتها من طلعت
نهار : شوفي لها اذا ماراحت روحي معها واذا راحت دقي علي
ضحى : يلا قفل انا اوريك خليني بس اشوفك
ضحك نهار وقفل ورجعت تدق على شروق وثواني ووصلها صوت شروق تنطق : هلا ضحى
رفعت يدها تعزل الشمس عن وجها ونطقت: شروق وينك !
شروق : سادحه في بيتنا
تغيرت ملامح وجها ونطقت بنبره بكاء : لا شروق تكفين لاتقولينها قاعده انشوي وربي
ضحكت شروق بسخريه تنطق : وزوجك وينه !
غمضت عيونها تنطق : انطمي وش يضحك اخوك الحيوان في دوامه.
انفجرت تضحك شروق وتنطق : قلت لك من زمان انه حيوان وانتي ميته عليه يلا القمي
ونطقت ضحى وسط انهيارها : اذلفي شروق اذلفي دقيقه دقيقه كنوز هنا ؟!!
شروق : كنوز عندها اوف اليوم
تاففت وهي تنطق : انا اوريك فيه يلا باي
ونطقت شروق قبل تقفل ضحى : ضحى تخيلي اني سادحه والتكييف علي ومسحت الميكب وتغديت والحين بتجي احلى نومه
صرخت ضحى وهي تنطق : الله ياخذك ياحماره
قفلت بوجها ورفعت يدها تهف على وجها وتدق عليه ..."
خلص وهو يطلع من دوامه بعد يوم شاق ركب سيارته واخذ جواله يدق عليها وردت عليه تنطق : اهلا يا اهلا
ابتسم نايف ينطق : تبقين وش اخبار حلوتي !
اتسع ثغرها تنطق : تعبانه وجوعانه بنفس الوقت تخيل اني ماجلست من اصبحت
نايف : افا يخسي الجوع والله خلصتي طيب !
هيام : اي توي الحين
نايف : يلا بجيك نطلع نتغدى
هيام : اي بس انا قلت لايمان بطلع معها
نايف : قولي لها بالليل تطلعون ومنها ناخذ زهر من عند اهلك
هيام : زين يلا اذا وصلت قول لي وقفلت منه
ومشت لايمان تنطق لها : ايمان انا بطلع نايف بيجي ياخذني نطلع
بعد المغرب تمام
ايمان : ههههياامممم خيرررر
هيام : يابنت الحلال مايفرق الحين عن المغرب الحين تعبانين الصدق خليها بالليل واحنا رايقين
اخذت شنطتها وقامت تنطق : المغرب اشوفك يلا باي
ايمان : اذلفي حيوانه
ضحكت هيام تطلع من ارسل لها نايف ومشت تركب من شافته ونطقت : هااي
ابتسم يقرب لها يقبل خدها وينطق : هلا والله
ونزلت عيونها لشنطتها تاخذ جوالها ونطقت قبل ترد : هاذي ضحى !
ردت عليها ونطقت ضحى بغيض : هيام تكفين الحقي علي بموت
خفق قلبها بخوف تنطق : شفيك ! وش اللي صاير !
ونطقت وسط حراره تسري بجسمها : نهار الزفت في الدوام وانا في الجامعه من ساعتين وعليها بموت من الحر وشروق راحت وحتى كنوز عندها اوف دقيت على امي تقول ابوي اخذ السواق معه مافي احد واخوانك مو موجودين
تنهدت هيام براحه : ياحماره خوفتيني احسب مصيبه ابعدت عنها الجوال من صرخت ضحى ونطقت وسط صرخاتها : اقولك حر حر تفهمين انتي ولا لا الحين اخلصي بتجين ولا لا
عضت على شفتها تكتم ضحكتها ونطقت: طيب بجيك يلا
ولفت على نايف وهي تضحك ونطقت : اخوك جايب العيد في بنتنا من ثاني يوم
عقد حاجبينه نايف ونطق: وش هو مسوي !
ونطقت هيام تقول له ونطق نايف : يالله ترا والله حر مو طبيعي
هيام : عشان كذا بسرعه بتنهار علينا نوصلها ونروح نتغدا
هز براسه وحركو عند الجامعه وكم دقيقه وصلو ودقت عليها تقول لها تطلع
مشت ضحى تلبس عبايتها وتلف طرحتها وتطلع ركبت وهي تسكر الباب بكل قوتها غمض عيونها نايف من صوت الباب ولفت هيام عليها تنطق : يمه شفيه وجهك كذا !
وانفعلت ضحى تنطق : اهاه هيام بذبحه بذبحه شوفي كيف انحرقت ماخلوني ادخل داخل المباني عشان الاختبارات امانه هاذي عروسه وجهي احترق
عضت شفتها هيام تكتم ضحكتها وصد نايف يخفي ملامح الضحكه اللي انرسمت على وجهه ونطقت ضحى له : شوف يانايف الله ياخذني من خذت اخوك نهار اليوم كله لاشوف وجهه لاني بذبحه
حط يده على المكيف يرفعه وحرك من عند الجامعه ونطق : وين اروح الحين !
ونطقت ضحى : بيتنا ودني بيتنا
اشرت له هيام وناظر فيها وضحكو عليها وعلى انهيارها ووصلها نايف ونزلت ضحى تدخل البيت
ونطقت هيام : باخذ زهر واجيك
هز براسه لها ونزلت تدخل البيت قامت فاطمه تنطق: شفيها ضحى !
ضحكت هيام تنطق وسط ضحكتها: بالشمس كانت
فاطمه : اي قالت لي بس ليه جت هنا
هيام : مريت خذتها انا ونايف وقالت ودوني بيتنا
ضحكت فاطمه وهيام معها ونطقت هيام : يلا يمه انا بروح نايف برا زهر وينها
فاطمه : فوق تعالي خذيها طلعت مع امها تاخذ زهر
ونطقت وهي بحضنها : ياروحي ياماما وحشتيني رفعت عيونها لفاطمة
تنطق : يلا يمه يعطيك العافية ماقصرتي ادري تعبتي بس وش اسوي في هالدوام
فاطمه : يعافيك لا تعبت ولا شيء بالعكس طول اليوم كنت فاضيه وجت اللي تملي صباحي قربت لزهر تقبل خدها ونطقت : بكره اشوفك
ابتسمت هيام و سلمت على امها وطلعت لنايف ركبت ومد يده ياخذ زهر ابتسم يقبلها ونطق لهيام : هاه وش صار !
هزت راسها بولا شيء تنطق : ولا شيء طلعت غرفتها خله يستاهل نهار
حرك من عند البيت ينطق لها : تصدقين نسخه منك نفس الاسلوب
ضحكت هيام تنطق : اي كفو عليها خليها تعدله من البدايه
ميل راسه يمين شمال ونطق : انا استسلم صراحه ..."
خلص دوامه وطلع يركب سيارته وهو للحين يدق عليها ومافي تجاوب منها تنهد ينطق : يالله ياضحى اووف ورجع يدق على شروق وكم ثانيه ووصله صوتها ونطق لها: شروق ضحى جت البيت ؟
شروق : لا ليكون ماطلعت من الجامعه للحين يمه نهار حرام عليك
نهار : كيف ماجت يلا يلا قفلي خفق قلبه وتوتر وهو يعاود الاتصالات عليها بس ماردت عليه ابدا ورجع يدق على سعود ونطق نهار اول
مارد عليه : سعود ضحى عندكم ؟
سعود : ضحى ؟ ليه !
نهار : يخوي جاوب اعجل علي
سعود : وش انت مسوي لاختي ياملعون الرقبه !
نهار : انت بتهرج ولا افصل عليك اعجل مو وقتك
سعود : مدري ماني في البيت اصبر ادق على امي اشوف
نهار : بسرعه استعجل
قفل منه سعود وهو يدق على امه وينتظر ردها ونطق من ردت : يمه وضيح عندنا ؟
فاطمه : اي جت من ساعه كذا ليه وش عندك !
سعود : نهار يسال عنها
فاطمه : ليه مايدري وينها منجده
سعود : وش اللي صاير
وسردت له فاطمه اللي صار ونطق سعود : ياويل قلبي صدق بس تبين الصدق بنتك دراما شوي وذاك اللي اسمه زوجها كمخه وقدر ولقى غطاه
فاطمه: وش اللي دراما جالسه بالشمس في ذا الحر تقول دراما اذلف لا افصل عليك يلا وترا شوي وبحط الغدا لاتتاخر يلا
سعود : زين شوي وجاي قفل وهو يدق على نهار يعلمه
وتنهد نهار ينطق براحه : الحمدلله يلا جاي قفل
ومشى لعند البيت ومن وصل شاف سعود عند الباب مشى لعنده ولف سعود عليه : هذا زواجكم اللي اشغلتو خلق الله عليه مزعلها من ثاني يوم يويلك من ابوي ادع ان الله يرحمك ويحسن خاتمتك ماعنده الا نظام عسكريه وخصوصا ان الموضوع فيه ضحى عز الله رحمك تدري وش بيسوي فيك اقل شيء بيخليك تنسدح في الشمس ثلاث ايام بدل الساعتين اللي احترت فيها وضيح
وضحك سعود بختام كلامه
ورفع يده نهار ينطق : انا اقول سد حلقك وفكنا من كثر هرجك اللي يقطع الرزق وبعدين وش تبيني اسوي المدير كلب زيك بالضبط وش اسوي اذا قرب الدوام ينتهي جمع الشغل كله
سعود : ادخل ادخل بس يلا كذاب صدق
مشو يدخلون داخل دخلو الصاله يجلسون وطلعت فاطمه وقام يسلم عليها ونطقت فاطمه : تراني زعلانه عليك يانهار
ضحك سعود ينطق وسط ضحكته : ياحلوك يايمه شوف وش تقول لك تراني زعلانه عليك ماصنتك بواحد لكن زوجها بيوفي بالغرض
فاطمه : انطم سعود انطم
انسدح على الكنب ينطق : حسافه الصالونات والعيادات اللي قبل ماتتزوج راحت كلها اليوم
عضت على شفتها فاطمه تكتم ضحكتها
ولف نهار لفاطمه ينطق : ياعمه والله اني ماقدرت اطلع حاولت ورجعت ادق عليها ماردت علي
فاطمه : يلا حصل خير
نهار : رجعت مع مين ؟
فاطمه : مع نايف وهيام
هز براسه ينطق : زين بشوفها وينها !
فاطمه : شوف انصحك ماتشوفها
ضحك سعود ينطق : اي انثبر خلنا ناكل وابوها يجي وبعدها شوفها
ابتسمت فاطمه تنطق : يلا بحط الغدا
مشى نهار يجلس جنب سعود ونطق : الله ياخذك انا ابيك عون تصير لي فرعون خير وش الحركات ذي
رفع حاجبه سعود ينطق : ياشيخ احلف بس اصيرلك عون على
اختي هذا اللي ناقص ."
عبس بملامحه ينطق : ماشاءالله صرت تخاف على مشاعرها
التفت سعود ينطق : عض على شحمه انا اقول وبعدين صح انها حيوانه
زيك بس لايغرك ترا عادي افرك وجهك هنا لو تسوي فيها شيء ."
لفو اثنينهم على دخول عزام ونطق : هلا والله هاه اشوف نهار عندنا
مشى له يسلم عليه وجلس ينطق : كيف الحال ياعريس وش العلوم !
ضحك سعود وغرس نهار كوعه ببطن سعود وتاوه بالام ببطنه
ونطق عزام : شفيه ماني مرتاح لوجهك انت وياه وش العلم ؟
ودخل تركي يجلس وسطهم وارتعد نهار من داخله واعتلت ضحكات سعود من قام نهار يسلم عليه ورجع يجلس وهو متوتر من نظراتهم له ونطق تركي : هلا والله ابركها من ساعه اللي شفناك فيها
ابتسم نهار عكس اللي التوتر اللي داخله : ساعتك ابرك
تلتف عزام ينطق : ضحى وين مااشوفها جت معك ؟
مسح على وجهه سعود وهو يضحك ونطق لنهار : تقول لهم ولا اقول لهم انا
رفع حاجبه تركي ينطق: عسى خير ؟
عزام : والله ماتوقع انه خير من وجهه
ونطق سعود : خلاص انا بقولهم هذا الله يسلمكم نهار زوج بنتك اللي طاح ساح عشان نزوجه حرقها في الشمس
تبققت عيون تركي ونطق : نعم ؟ وش تقول انت !
عزام : اهرج ياسعود وش اللي حرقها تكلم
بلع ريقه نهار يشوف ردة الفعل
وقام سعود يوقف ونطق : بروح اغير ملابسي هذا هو اسالوه مع السلامة
بلع ريقه نهار ونطق بداخله : حسبي الله عليك ياسعود
تركي : انطق يانهار بجلس اسحب الكلام منك انت وياه
وجاء بيتكلم بس دخلت فاطمه تنطق : شفيكم على الولد ماصار شيء ماقدر يطلع من الدوام وضحى جلست بالشمس ساعيتن وبعدين جت مع نايف وهيام وبس انتهت السالفه خلصنا يلا الغدا جاهز
تركي : وش اللي ماصار شيء ليش ماتستاذن وتاخذها
نهار : ياعمي والله حاولت بس ماقدرت رفض المدير والشغل كان متراكم
تركي : ووينها الحين !
فاطمه : فوق بغرفتها نايمه
وقف تركي ونطق لنهار : راجع لك
ومشى يطلع لها دق الباب ودخل ومن شافها بنص الكرسي ابتسم ينطق : انا من دخلت حسيت ان نور البيت رجع بعد ماغاب يومين
ابتسمت بطرف ثغرها ونطقت: اهاه يابابا تعبانه ضربه شمس فضيعه
مشى تركي يجلس جنبها ونطق : بسم الله عليك تعالي اشوف راسك
قربت له ورفع يده يتحسس راسها ونطق : مافيك الا كل خير
هزت براسها له وقربت له تحضنه وشد عليها ينطق : وش ودك نسوي فيه
رفعت راسها تنطق : نهار ؟
هز براسه تركي : اي وتراه تحت
ضحى : وش يبي !
ابتسم تركي ينطق : ياخذ عقابه بنفسه
ضحك تركي وابتسمت ضحى ونطقت : امعطه مع اذنه
اعتلت ضحكات تركي وضحكت ضحى معه ورفع يده ياشر على خشمه ونطق : ابشري بعزك بس اول شيء تعالي ننزل نتغدا وبعدها اللي تقولينه بيصير
هزت براسها ونطقت : انزل انت وبجيك انا
قام تركي يطلع من الغرفه وينزل تحت وجلس معهم على الطاوله
لف نهار من شافها تنزل وعيونها تتصدد عنه اشر بمعنى تجي جنبه من التقت عيونهم ببعض
ونطق سعود بضحكه : وضيح وش التان الخيالي هذا
ضحى : سد حلقك وابلع لسانك مو ناقصه اسمع حسك
ونطق تركي بحده : سعود اكرمنا بسكوتك يكون افضل
لفت تناظر نهار وهي ملاحظه ان عيونه مانزلت من عليها
ولفو من دخلت كنوز تنطق : سلام عليكم
الكل : وعليكم السلام
سحبت كرسيها تجلس جنب عزام ولفت عليه تنطق بهدوء: شفيكم !
رفع حاجبه لناحية نهار وعقدت حاجبينها تنطق بعدم فهم: شفيه نهار وبعدين وش جابه
اشر لها عزام تسكت ونطق تركي : اي يانهار ماقلت لي كل يوم بيكون الوضع كذا !
رفع عيونه نهار له ينطق : معليك مالك الا اللي يرضيك انت وضحى بشوف لي حل
رفع حاجبه تركي ينطق: باقي انتظرك تشوف ؟!
سكتت نهار وهو ماعنده رد ابدا ورجع يكمل كلامه تركي : شوف حلين مافي غيرها ياتسوي واحد منهم ياضحى ماهي طالعه من هنا تسمع
هز براسه نهار وسط خوفه من كلامه ونطق تركي : الاول ياانك تجيب لها سواق ياانك تعلمها السواقه
ابتسمت ضحى تناظر ابوها ولفت تناظر نهار تترقب رده ونطق نهار : اللي ودها فيه بيصير لف لضحى ينطق : وش اللي ودك فيه اعتبريه عندك
تنهدت وهي تاخد وقتها بتفكير وهو يترقب ردها ونطقت بعد ماشافت ان هذا القرار المناسب لها : ابي اسوق وابي سياره
هز براسه نهار ينطق : على خشمي ابشري
غمضت عيونها لابوها وابتسم تركي ينطق : هاه لاتنعاد يانهار ترا اللي يزعل بناتي يزعلني
ابتسم نهار ينطق : ابشر بالخير مالك الا اللي يرضيك انت وبنتك
فاطمه : خلصتو يالاب وبنته خلاص يلا تفضلو
ابتسم تركي وقامت فاطمه تغرف لهم بصحونهم
ونطق سعود لعزام : ياعزتي لنا ياعزام انا وياك بنبطي ولا قد سمعنا ترا اللي يزعل عيالي يزعلني
رفع عيونه تركي لسعود : ياكثر الهرج اللي على قلة سنع ..."
<<المطعم >>>
انتهى من غداهم وهو يرجع ظهره على الكرسي وينطق : اه الحمدلله لي فتره ماكلت كذا
ابتسمت تنطق : بالعافيه عليك ياحبيبي
نزل كوب الكولا بعد ماشرب منه ينطق لها : يعافيك
ونزلت راسها من انتهت من اكلها لزهر اللي كانت بيدها وثبت عيونه عليها وهو وده يقول لها عن موقفه اليوم مع مرام بس بنفس الوقت ماوده ماعاد يبي يشوفها متنكده من شيء وجلس يحارب نظراته يحارب وده بما وده لين رفعت عيونها له تنتبه على نظراته لها ونطقت: شفيك تناظرني تبي تقول شيء ؟
سكت لانه يعرف انها تعرفه وتعرف ملامح وجهه من يكون وده يقول لها شيء ورجعت تكرر السوال عليه للمره الثانيه : نايف تكلم وش عندك !
تنهد ياخذ نفس ويسرد لها كل اللي صار من طقت الباب للحظة اللي اخذت هويتها وطلعت ونطقت هيام: نايف ترا هي من زمان ودها يعني مو شيء جديد توقعت انها ماراح تصبر بس الكلام مو هنا الكلام كيف بتطلع من الرياض وهي ماعندها لا وظيفه ولا مبلغ تقدر تكمل حياتها فيه وفي رقبتها ثلاث عيال
رفع حاجبينه بعدم معرفه ينطق : ماادري الصراحه كل اللي قالته قالت انها تبي تتطلق عشان تطلع من المنطقه
تنهدت هيام تشرب من كوب المويه اللي قدامها دفعه وحده ونطقت
من نزلته : نايف يلا !
هز براسه وقام يطلعون ركبو السياره يحركون لبيتهم وبعد مده وصلو ونزلو يدخلون ومشت تطلع لغرفتهم نزلت زهر بسريرها ومشت تنزل لابكوتها وتفك طرحتها وترفع خصل شعرها ومشت تسوي لزهر رضعتها وهي تفكر بمرام وسالفه مرام وتفكر بمرام نفسها اللي مو راضيه تنتهي من حياتها تفكر بهالماضي اللي اجبرها تقرب منها اللي اجبرها تتعرف على نمر وقفت عند سرير زهر تمسك الرضاعه لها وعقلها بمكان ثاني طلع الغرفه
ونطق لها من شافها : اسمعي بنام لين المغرب وبعدين قوميني لاتنسين
رفع حاجبه من ماسمع ردها مشى لها يناظرها ونطق: هيام
ما استجابت له وهي تعيش معمعه داخلها قرب لها يرفع كفوفه لكتوفها ويلفها له ناظرت فيه ونطق نايف : شفيك وش مزعلك ماني فاهم واذا يعني طلبت الطلاق مو انتي بنفسك قلتي لي انها من زمان تبيه تبيه ولا ماتبيه ؟
هزت براسها تنطق : تبيه
رفع يده لخصلات شعرها ونطق : هاه طيب وش اللي صار لك !
رفعت اكتافها بعد معرفه تنطق : ماادري بس كل اللي اعرفه انها متعلقه بالماضي اللي عشته بالماضي اللي كل ماتذكرته ودي اني افقد الذاكره ولا انا وش جابني لها ولنمر وش اللي خلاني انبش بماضي جدك لين صار اللي صار نايف انا ماتخطيت رفعتي للسلاح ولا تخطيت صوت الرصاصه ولا تخطيت الجبروت اللي حسيت فيه بذيك اللحظه ماكملت كلامها من بدات تدخل في تفاصيل كثيرة ونزلت راسها على صدره ونطق نايف : اششش فكينا منها ذيك الايام ماصدقت انها عدت بس في كل شر في خير تدرين وين الخير باني خذيتك باني ملكتك وحبيتك وصرت اشوف الحياه كلها بنظرة عيونك بعيدا عن الاحداث اللي صارت انتصرنا انا ماقلت لك عشان تزعلين قلت لك لاني انا وانتي واحد بنشارك كل شيء نعيشه قلت لك لاني ماعاد ابي شيء ياثر عليك ابيك تتخطين ابيك ماعاد تتاثرين بولا شيء ابي الماضي ينحرق بنارك ينتهي يصير رماد نقطه خلصنا ولا شيء يعكر مزاجك ولاشيء يمحي ضحكتك تدرين ليه لاني احيا واموت عليها .."
رفعت راسها تناظره ورفع يدينه يمسك وجنتيها ويقرب لها يقبل اهدابها يمحي احزانها وضيقتها يعلمها ان الحزن ماانخلق لعيونها يعلمها ان الفرح والسرور مايليق ويزهى الا عيونها على صوت ضحكه تطلع من جوفها نزل راسه يقابل عنقها ونطق وأنفاسه تضرب نحرها : لعنبو الحزن اللي مايخجل وهو يرتسم بعيونك قبل عنقها بعمق وابعد عنها يرجع ينطق لها : لا تظلمين وجهك المليح انا داخل على الله ثم عليك والله اني اضيق من المح
الضيق بهالوجه الحلو هذا ."
تمردت إبتسامه تزيّن ثغرها من حنانه الفائض ونطقت : لاعدمتك
ضحكت ملامح وجهه كلها من كلمتها وهو يرفع يده لخلف عنقها ويقربها له .."
<<بيت تركي الساعه ٧ المغرب >>>
جالسين بالصاله وقام تركي يطلع ونطق : يلا انا استاذن عندي شغل ولازم اطلع لا وصي يانهار زين
نهار : ابشر ياعمي بالحفظ والصون
تركي : هذا العشم
وقفت ضحى تطلع وراه ونطقت : بابا مره شكرا يابابا الله لايحرمني منك
ضحك تركي يرفع يده لشعرها يبعثره ونطق : ماسوينا شيء ياعيوني
قربت له تحضنه وشد عليها تركي قبل راسها وابعد عنها يطلع لفت الا نهار خلفها تكتفت تنطق : نعم ؟ وش تبي !
تنهد نهار ونطق: وش اللي نعم يلا امشي بنروح لمتى بنجلس هنا !
رفعت حاجبها تنطق : وش اللي نروح ! روح وحدك ماني رايحة معك مكان
ميل راسه ينطق : مو تقولين تبين تسوقين امشي نعلمك يلا
صغرت عيونها تنطق له : جيب السياره اول وبعدها نتفاهم
هز براسه ينطق : بجيبها وعدتك انا بس اعلمك بسيارتي اول وبعدين نشتري لك يلا امشي وبعدين تراني اشتقت لك ماامداني اشبع منك الا انتي زعلانه
مشت تتعداه تطلع لغرفتها وضحك نهار يمسح على وجهه ماهي هينه والله هالصغيره ولف من نزلت له ودخلت تودع اهلها وطلعت معه ركبت السياره وهي ساكته ولف نهار عليها ينطق : اي يالدلوعه وش الحركات ذي !
لفت عليه تناظره ونطقت : انا ! دلوعه ؟
هز براسه ياكد كلامه: اي والله دلوعتين مد يده يمسك يدها يقبلها وسرعان ماسحبتها منه ونطقت : انت مايبي لك الا ابوي اخذت شنطتها بتدق عليه
و سحب نهار الجوال من يدها : لا لالالا خلاص انا الدلوع فكينا بس امزح معك
عضت شفتها تكتم ضحكتها ونطقت : اي ادب
ومشى نهار لمكان خالي من الخلق الا منهم ونطق : يلا انزلي
مشت تنزل ونزل معها تركب مكانه ويركب مكانها ونطق : يلا بسم الله وضيح صحصحي معي وركزي تمام
هزت براسها له وهي تسمع له ولتعليماته اللي يقولها لها وهي
مركزه معه فعلا ...."
لبست طرحتها وعباتها واخذت شنطتها ومشت لعنده تنطق: نايف قوم بسرعه المغرب اذن وصلو الناس وانت باقي خامد نااايفف
فتح عيونه بانزعاج يناظر فيها ويسمعها تحوس بالغرفه ونطق بثقل
صوته : وين تبغين ؟
نطقت وهي تدور بالدرج اللي عند راسه : بروح مع ايمان شفيك نسيت واسمع ترا زهر عندك خلاص انتبه للبنت زين واذا تبي شيء دق علي وبعد ساعه كذا اعطيها رضعتها وشوف اغراضها كلها هناك تمام يلا باي
قام يجلس بنص السرير ونطق: تعالي تعالي وش عرفني انا بالاشياء ذي
تاففت تنطق : نايف مايبي لها معرفه عادي تعلم تبي شيء دق وبقولك عليه وانتهينا
نايف : ايوه ومتى بترجعين ؟
هيام : يمكن 11 او 12 ماادري باقي اشوف
نايف : اقول لايجي عشره الا وانتي هنا تسمعين !
هزت براسها تنطق : ان شاء الله بحاول ودقيقه قبل انسى ابي فلوس
نايف : خذي الصرافه في الثوب هزت براسها تمشي لجيب ثوبه وتاخذها وفتحت باب الغرفه ونزلت تطلع من البيت وتركب سيارتها وتدق على ايمان تنطق لها ومن وصلها صوتها نطقت : بنت شوي وانا عندك خليك جاهزه
ايمان : يلا جاهزه اذا وصلتي قولي لي
قام من السرير يدخل الحمام يوضى وطلع يصلي فرضه خلص الصلاه على بكاء زهر وقام لها يرفعها له اخذها واخذ جواله ينزل الصاله ورفع جواله من شاف سند يدق عليه ورد عليه ونطق سند : سلام عليكم وينك فيه !
نايف : وعليكم السلام بالبيت
سند : يلا يلا تعال عندي لك كوفي توه فاتح على كيف كيفك
نايف : ياشيخ ! مااقدر اطلع
سند : وشو ماتقدر خلاص يافله اربع وعشرين ساعه وانت في بيتك اطلع شوف الحياه والناس اطلع طلعت روح العدو اطلع
نايف : سند انكتم ماني فاضي لك زهر عندي
سند : وزوجتك وينها
نايف : طلعت مع معزبتك
سند : شوف الحيوانه ماقالت لي شيء
نايف : اي زين تسوي فيك
سند : طيب اسمع وين اروح الحين طفشان
نايف : تعال عندي وجيب لي قهوه معك راسي بينفجر
سند : يلا جايك قفل نايف منه ينزل انظاره لزهر اخذها يحطها
على صدره ابتسم يقبلها بعمق من وجنتها ..."
صرخ نهار من حس انها بتجيب العيد ونطق بعلو صوته : وقفي وقفي ضحى والله فيك
ضحكت وهي رافضه انها توقف ونطقت : خلك والله لاطلع حرة اليوم كلها من عيونك اجل انا يانهار تسوي فيني كذا انا اعلمك
غمض عيونه وهو ينطق لها وهو متمسك بكل يدينه : ضحى بلا استهبال تراك معي ووووقفففييبيييي والله لا العن خامسك وقفي
ضحكت ونطقت وسط ضحكتها: وتهدد كمان !؟
صرخ ينطق : ماني اهدد يلا وقفي وقفي يلا حبيبي شاطره
ضحكت من حست انها اخذت وقتها في انها تاخذ حقها ووقفت على جنب
وفتح عيونه نهار وهو يلقط انفاسه : انتي مريضه عندك شيء بعقلك كنا بنموت عندك علم
ضحكت تضربه على كتفه : اي صحصح اذا مره ثانيه قلت نهار تعال تجي وانت ساكت سامع
لف عيونه يناظر يدها اللي على كتفه ونطق : انتي متاكده انك عروسه !
قربت له تنطق بالقرب منه : مااعرف انت شرايك ؟!
رجعها على المقعد وهو يقرب لها ينطق : والله مدري اللي اعرفه ان العروسه اول شهر تكون مستحيه ومحترمه اعقلي وضيح اعقلي ماخذ ورعه انا
بققت عيونها تنطق بخوف من قربه : ورعه بعينك خير ان شاء الله بعدين خير وش اللي محترمه ليه وش شايفني ؟
ابتسم ينطق وانفاسه تضرب بوجها : لا والله اجل وش هاللي سويتيه اليوم !
ابتسمت تخفي توترها منه ونطقت : طيب ابعد عشان اتكلم معك باقي شوي وتدخل باحشائي كانك مو ملاحظ
هز راسه ينفي بعده عنها ونطق : تكلمي اسمعك كذا افضل لنا
شتت نظراتها عنه تنطق : نهار اول شيء انا مو ورعه لايغرك اني صغيره
ترا عقلي يوزن بلد وكل من شافني يقول ان عقلي وتفكيري مو على عمري
ضحك نهار ينطق وسط ضحكته: نعرفك ترا
عقدت حاجبينها تنطق بعدم فهم : نعرفك ؟ مين انتو !
ابتسم بوسع ثغره ينطق : انا وقلبي
ابتسمت تبان غمازاتها ونطقت : زين انت وقلبك ممكن تبعد عني
نفسي صار محصور بسببك
ابتسم بخفه ورفع نفسه يبعد عنها ومن جت بتقوم سرعان مانزل عليها يقبلها بعمق يمنع حركتها تصلب عمودها وخفق قلبها وسرعان مارفعت يدينها لخلف عنقه تبادله بشغف توقف جريان الدم بعروق قلبه وابعد عنها من آخذ حاجته
منها ورفعت نفسها تعتدل بجلستها ونزلت راسها على الدركسون تعطيه ظهرها تمنعه يشوفها ويشهد على توترها منه ونطق نهار : ودك نعلمك باقي ولا كنسلتي وضحك من ماسمع ردها وهي متمسكه بالدركسون وراسها عليه فتح الباب من جهته ونزل يمشي لجهتها فتح الباب من عندها وهو ينزل لمستواها ونطق : انزلي يالخجوله انتي خدودك احترقت من كل كثر هالخجل
رفعت راسها تناظره ونطقت : مو حرام عليك تحرقها مرتين بيوم واحد
ضحك نهار ينطق وسط ضحكته: انزلي ونبردك انتي وياها بكوب ماتشا
ضحكت بوسع ثغرها وهي ترفع نفسها للمقعد حقها ضحك نهار يركب ويحركون لاجل يشتري لها كوب ماتشا ..."
واقف امام البيت مو عارف اسباب وقفته امامه وكل عقله وشعور قلبه ونظرات عيونه والريحه اللي تدور بانفه موقفه امس معها نظراتهم لبعض توترها الشديد منه عيونها البريئة له ابتسم ينزل انظاره للعطر اللي بيده رفعه له يستنشقه وهو ماقدر مايشتريه نرجع لبعد لقاء ليله امس بساعه ....
طلع لغرفة شروق بشعور مختلف دخل دق الباب بس ماسمع صوتها ورفع يده لمقبض الباب يفتحه دخل يشوف الغرفه خاليه منها والعطر بالارض وفتات الزجاج حوله والريحه تسيطر على الغرفه بالكامل نزل عيونه يناظر حوله ويتذكر الانسانه اللي كانت واقفه بنفس المكان اللي هو حاليا واقف فيه قطعت حبل افكاره دخلت شروق الغرفه تنطق : فهد ؟ شفيك هنا وش جابك تبي شيء ؟
التفت عليها ونزلت عيونها تشوف العطر بالارض ونطق : دخلت الغرفه ابي شاحن دورت في الادراج وبالغلط طاح العطر مني وانكسر ابشري بالعوض اعطيني اسمه ومن وين !
مشت تجلس حوله ونزلت طرف اصبعها للأرض تتعرف على ريحته عقدت حاجبينها تنطق : هذا مو لي ريحته مسك انا مااحب المسك ولا حتى اشتريه
رفع حاجبه ينطق لها : شلون مو لك !
رفعت اكتافها تنطق : مدري مااعرف صراحه بس مو لي
بلل شفايفه ينطق بتساؤل : احد دخل غرفتك طيب ؟
ميلت شفايفها وهي تتذكر ونطقت من لقت الاجابه : اهاه اي جود يمكن انها نسته هنا وانت ماشاء الله عليك كسرت عطر البنت
ابتسم بطرف ثغره ينطق : ايش اسمه ؟
رفعت اكتافها بعد معرفه ونطقت : ماادري والله بعدين كيف بعرفه وانت مابقيت فيه كسره وحده سليمه ؟!
حاول انه يخفي ابتسامته من هاللقاء اللي كان بمثابة فتح زهور بقلبه : اساليها طيب بس لاتقولين لها اني انا اللي قلت لك ولا حتى ان عطرها انكسر زين !
ضحكت شروق تنطق : ياحياتي الحنون اللي مايرضى يخرب اغراض احد
ابتسم فهد ينطق : اخلصي علي انتظرك يلا
ومشى يطلع من الغرفه لغرفته دخل وهو يضحك بوسع ثغره ويرفع خصلات شعره بشعور غريب يحتضنه وينتظر يعرف وش هالعطر اللي ماكان عادي بالنسبه له عطرها اللي اخذه لعالم بعيد مايجمع فيه الا هم اثنينهم جود وفهد وظل طول اليوم على انتظار بمعرفه العطر لقبل ساعه من دخلت عليه شروق تقوله عن اسم العطر ابتسم من عرف ونطق لها : طيب اسمعي امشي معي ناخذ العطر واوديك لها تعطينها !
ضحكت شروق وهي ماتخفى عليها هالحركات ونطقت : فهد وش عندك اخلص تكلم ؟
تلاشت ابتسامته ينطق : وش اللي وش عندي كسرت عطر البنت وابيك تعطينها بس هذا هو بكل بساطه الحين انتي بتمشين ولا لا !
همهمت له وهي تنطق : زين انزل وبجيك
لف وهويرفع حاجبه بانتصار ومشى ينزل سيارته وكم دقيقه ونزلت له شروق تركب معه وحرك على المحل ومن وصل لف على شروق يتاكد من اسمه وجت بتنزل معه ونطق : وين تبين باخذه واجيك
شروق : بنزل معك يمكن ماتعرفه
هز راسه بنفي ونطق : لا بعرفه اعرفك ان نزلتي ماراح نطلع الا بكره خليك ماني مطول تاففت ونزل فهد يدخل المحل ويسال عن العطر
ونطق للموظف : رش لي منه لو سمحت بتاكد اذا هو ولا لا !
الموظف : حاضر ياباشا
رش له على طرف الكرت وقدمه له اخده فهد يشمه وابتسم من رجعت الريحه تعيد نفسها وهز براسه ونطق: اي هو عطني منه اثنين وكرت لو سمحت
هز براسه الموظف واعطاه الكرت ورفع يده يكتب عليه موقفه اللي عاشه ليله امس معها ومع هالعطر : عطرك اللي ضمني لحظة لقى
للحين اذكره ضيع الدنيا وضيعني معاه .
استخدام العافيه وكل مارشيتي منه تذكريني ..."
اخذ العطر وفتح علبه العطر يدخل الكرت بداخله بحيث ان شروق ماتشوفه
فصل الاكياس عند بعضها واحد لها وواحد له وطلع يركب السياره ويوصل شروق للبيت ونزلت شروق تدخل وظل هو بالسياره امام البيت .."
اخذت شروق الكيس حق العطر تنطق : جود هذا عطرك اللي امس نسيتيه عندنا دخل فهد الغرفه امس يبي شاحن وقلب بالادراج وطاح العطر اللي كان على التسريحه وكان يحسبه عطري بس تعرفيني انا مااحب المسك بالعطر وقلت له انه مو لي وانه حقك وطلب مني اسالك عنه وشراه لك .."
خفق قلبها وتوترت ووقف جريان الدم بعروقها وهي عاجزه تفهم وش اللي خلاه يسال عن العطر ونطقت تخفي ملامح الخوف على
وجها : ماكان له داعي مشكور ماقصر ."
شروق : لا ياشيخه عادي
قامت جود توقف ونطقت : بجيب القهوه
هزت براسها شروق واخذت الكيس معها تدخله غرفتها
<<<امام الباب >>>>
نزل نظراته لجواله من شاف رساله من شروق محتواها : تقول لك جود شكرا
ابتسم ثغره ينطق لنفسه : والله هي اللي مفروض تسمع كلمه شكرا
تنهد يحط عطرها بالدرج ويحرك من امام البيت ...."
لف من شاف الباب الخارجي يدق ونطق : يلا بابا نروح نفتح للقروشه ذا
مشى يفتح الباب وهي بحضنه ونطق نايف : بشويش متى بتترك عندك هالطفاقه ؟!
ضحك سند من شاف زهر تناظره نزل اكواب القهوه على الارض ورفع يده ياخذها من نايف وهو يقبلها ويضحك لها وماهي الاثواني واعتلى صوت بكاها من شالها سند ونطق نايف : الله لايبارك في عدوك يا ملعون الرقبه
ماصدقت تسكت .."
ومدها سند لنايف ينطق : امسك بنتك البكايه هاذي شدعوه ماامداني اشيلها
ضحك نايف ينطق : ماغيرك البكايه ادخل وسكر الباب وراك
اخذ الاكواب ودخلو الصاله ونايف رايح جاي بزهر ونطق : وش اسوي فيك انا
يالله انا وش عرفني كيف اسكتها الحين بس يابابا بس خلاص
ضحك سند يشوف نايف بمنظر غريب عليه ولف نايف عليه ينطق : ماشاء الله وش مؤنسك لذي الدرجه ؟؟
ونطق سند وسط ضحكاته : ياخي شكلك غريب وانت اب كذا وبنتك بيدك صدق ان الايام سريعه
ابتسم نايف وسرعان ما تلاشت ابتسامته من زاد بكاء زهر ومشى لسند
ونطق : خلها معك بروح اجيب اغراضها واجي وجهك لاتشوفه تسمع
ونطق سند وهو ياخذه من نايف : عمى ان شاء الله وش فيه وجهي ؟
مشى يركض للغرفه ياخذ رضاعتها وحليبها ونزل مسرع تحت ياخذ جواله ويدق على هيام ونطق من وصله صوتها : هيام زهر تبكي ماادري وش تبي اسوي لها حليب ولا وش اسوي !
ضحكت تنطق : طيب هدي وش فيك عادي كل الصغار يبكون رضعتها من بعد مارحت ؟
نايف : لا اسوي لها ؟
هيام : اي سو لها حط مويه ل١٨٠وخمس ملاعق حليب بس
اخذ نايف الرضاعه يسوي لها وقفلت هيام وانتهى وهو يعطيها وياخذها من بين يدين سند وتنهد براحه من سكتت وضحك سند ورفسه نايف برجله ياشر له يسكت .."
ضحكت من قفلت منه تنطق : ياحياتي توتر بس معليه خللك تتعود
مشت لايمان تنطق : هاه خلصتي !
هزت براسها ايمان بمعنى لا ونطقت : للحين تكفين اكره ام السوق هاذي اللي تقول بيمديني شايفه كيف لنا ساعه ندور من مكان لثاني ولا انجزنا شيء
تنهدت هيام تنطق : يابنت الحلال بيمديك فكينا من حلطمتك
وسحبتها معها يمشون بالاسواق ويخلصون من الاشياء الاساسيه اللي تحتاجها كل عروس .."
وقف نايف بكل هدوء من شافها نامت ومشى يطلع للغرفه يحطها بسريرها وينزل لسند ونطق سند من شافه : نامت ؟
هز براسه وهو يمشي ياخذ كوب القهوه يشرب منه ونطق : ايوه وش جديدك !
سند : ياشيخ توك تستوعب جديدي !
اخذ زقارته يولعها ونطق : اهرج اسمعك
اعتدل سند بجلسته ينطق : هاه اسمع رضت ابشرك يكون الزواج بعد شهر
نفث دخانه ينطق : صدق والله غريبه ؟ وش صار بالدنيا !
رفع حاجبه يميل راسه ونطق : النية يااخ نايف لاصارت زينه ضبط كل شيء
ضحك نايف ونطق : اي صادق بس حط في بالك بتطلعها من عيونك !
زم شايفه ينطق : عض على شحمه انا اقول
رجع زقارته لثغره ولف راسه من دق جواله اخذه يرد ونطقت : هاه نايف بشر وش سويت نومتها !
نفث دخانه ووقف يدخل المطبخ ونطق : اي نامت لاكان لاعاد تعيدينها يالطيبه
تنهدت تنطق : انا اكتشفت ان عندك مشاكل اذا طلعت من البيت لازم احلها
لف راسه من سمع سند يناديه ونطقت هيام من وصلها صوته : نايف انت في البيت ولا وين يمه لايكون خليت زهر وحدها !
نايف : سند جاء عندي بعدين انتي صاحيه اطلع واخلي زهر وحدها
تنهدت براحه تنطق : يوه خفت يلا زين انبسط مع سند ساعه ساعتين كذا وانا عندك تمام
ونطقت ايمان لهيام : لا مافي رجعه خير وش إللي ساعتين خليه يجلس مع سند ويفكنا منه ومن سند اللي سبب كل شيء انا فيه الحين
زقارته بثغره ويسمع كلام ايمان ونطق : السلقه هاذي اللي عندك متى بتحترم نفسها ؟!
هيام : يلا يلا نايف باي باي باي وقفلت وهي
تنطق لايمان : خير انتي وش له تتكلمين عليه !
تنهدت ايمان تنطق : صدق اشغلنا كل شوي يقولك ارجعي
هيام : ايمان اعقلي وتراني ماارضى عليه
عبست ملامحها تنطق : ويعععع مالت عليك انتي وياه سوا
ضحكت هيام تنطق : مافيك طب الحمدلله والشكر يلا امشي نتعشى وبعدها بروح انا عندي بنت ترا عبالك فاضيه زيك
ايمان : اي خلاص رجلي مااحس فيها
مشو يدخلون احد المطاعم داخل المول واخذتهم السوالف لين تاخر الوقت وصار نايف يرسل لها ونطقت لايمان : يلا ايمان بيحرق الجوال على راسي
تاففت ايمان وقامت معها ونطقت لها : ايمان ماشاء الله عليك ابي الطريقه من جلست معك ماشفت سند يدق وش تسوين ؟
ضحكت ايمان بطرف ثغرها تنطق : اعطيته بلوك عشان يتادب مايغصبني على شيء مره ثانيه
ضحكت هيام بذهول منها ومشو يركبون السياره ونطقت : حرام عليك كل هذا عشان قال لك الزواج بعد شهر
هزت براسها ايمان تنطق : اي وماراح افكه الا قبل الزواج بليله
وضحكت هيام تنطق : الحمدلله والشكر ولفت هيام تحرك من عند المول .."
نزل جواله ينطق : مافي فايده ؟
عقد حاجبينه نايف ينطق : وش فايدته ؟!
ميل راسه على الكنب ينطق : تخيل انها عطتني بلوك
رفع حاجبه نايف ينطق : والله انها ماتستحي
رفع المخده سند يرميها على نايف ونطق : خير ياهو وش ماتستحي
زوجتي ترا لاتفلها
مسك المخده ينطق : صدق وش بلوك من صار يعطي بلوك !
هز براسه بقله حيله ينطق : ماادري زعلت وتدري وش تقول ؟ هز براسه نايف ونطق يكمل كلامه : تقول ماراح افكه الا قبل الزواج بليله
ضحك نايف وهز براسه من طرت على باله فكره ينطق :تبي تشوفها ؟!
هز براسه سند ونطق : اكيد بس وش اسوي عيت ترد علي كيف اتواصل معها
آشر نايف على خشمه ينطق : ابشر بعزك والليله كمان
عقد حاجبينه سند يناظره من اخذ جواله يكتب لهيام بانها ماتنزل ايمان بيتها وتجيبها عندهم وصلت لها الرساله تناظرها وضحكت من شافتها وهي تمشي لبيتها وبنص الطريق نطقت هيام : يوووه البنزين قرب يخلص
لفت ايمان عليها تنطق : منجدك ليش توك تتكلمين ؟
ونطقت وهي تحاول تخفي ضحكتها : ماشفته الا الحين ماراح يوديني لبيتك واذا وداني ماراح اقدر اروح بيتي
ايمان : ماشاء الله عليك وش نسوي الحين ؟
هيام : مافي الا حل واحد نروح بيتي وباخذ مفتاح سياره نايف واوديك
هزت براسها ايمان ونطقت : بس لحظه سند باقي عنده ؟
هيام : لا ياشيخه راح من زمان
ايمان : زين يلا ومره ثانيه تاكدي
تنهدت هيام من ضبطت خطتها وان ايمان ماشافت عداد البنزين وصلو عند البيت ونطقت هيام : يلا انزلي
نزلو واخذت اغراضها ايمان وسندت نفسها على باب السياره ونطقت هيام قبل تدخل : يلا شوي وبجيك
هزت براسها ايمان وهي تناظر حولها وتنتظرها .."
دخلت هيام ومشت تدخل ونطقت لسند : اطلع شوفها برا
لف سند لنايف وغمز له نايف وضحك ومشى سند يطلع لها فتح الباب ومن جت عيونها عليه اعتدلت بوقفتها تنطق : الله ياخدك ياهيام ياحيوانه
سكر الباب ومشى لها ينطق بضحكه : شفتي كيف جابتك رجلك لعندي ؟
صدت بعيونها عنه وضحك سند ينطق : يلا تعالي اوصلك
رجعت تناظره ونطقت: نعم ؟ ماني ماشيه معك
قرب لها يمسك يدها وسرعان ماشالت يدها منه ونطقت : مابي توصلني
ميل راسه للجهه اللي تناظر فيها ونطق : افا والله طيب جنتلك مشتاق لك ممكن تحترمين شوقي لك وتمشين معي
ابتسمت بطرف ثغرها وضحك سند : دام ضحكتي اجل المشاعر متبادلة
رفعت حاجبها تنفي فكره ضحكتها ونطقت : مين ؟ انا! ضحكت ؟ لك ! انت ؟
ضحكت بسخريه وسط كلامها احلامك كثيره
ابتسم سند ينطق وسط ابتسامته: بتمشين الحين ولا وشلون ؟
هزت راسها بنفي تنطق : لا والف لا
هز براسه ونطق : اوكيه يلا باي
مشى يركب سيارته وبلعت ريقها من شافته راح وهي وحدها
كان يناظرها وينتظرها تجي وماهي الا ثواني الا وهي راكبه جنبه عض على شفته يكتم ضحكته وحرك من عند البيت يوصلها .."
<<< بيت تركي غرفه كنوز وعزام تحديدا >>>
لفت من دخل عليها الغرفه ونطق من شافها واقفه وكانها تنتظر
لحظه دخوله : كنوزي مانمتي ؟
مشى لها وهي تنطق له بفرحه تحتويها : عزام مبسوطه ياعزام ابشرك الكتاب صار من الاكثر مبيعا بالمكتبات اللي حول المملكه كلها
ابتسم عزام بوسع ثغره وفرح يحتويه مثل مايحتويها : كنت عارف انه بينجح على البركه ياعيوني انتي والله انك تستاهلين كل نجاحات الدنيا
دمعت عيونها فرحه بنجاحها ورفع يده عزام ونطق : تعالي
حضنته تستقر في حضنه قبل راسها وهو مبسوط لها من كل قلبه
ابعدت عنه بعد ماطال حضنهم لبعض ابعدت عنه تضحك ونطق عزام : يعني السنه ذي بتشهد على اشياء واجده كاتبه لك اسمك وصيتك وام لتركي وخريجه ياكبر فرحتي من الاولى للأخيرة ..."
ابتسمت بوسع ثغرها ووسط دموعها ونطقت : ياروحي انت
رجعت تحتضنه من جديد وشد عليها عزام وابتسمت تغمض عيونها وهي تموت وحيا على حبه وحنانه ...."""""
وقف سند عند باب البيت ولفت بتفتح الباب وامن سند من جهته الابواب
وتاففت تنطق : نعم وشو له تقفل افتح ابي انزل
لف عليها ينطق: بس كذا ؟!
رفعت حاجبها تنطق : وشو اللي بس كذا ؟
سند : اوصلك وتنزلين وبس خلاص أنتهينا ؟؟
هزت براسها تنطق : اي نعم وش تبيني اسوي لك ان شاء الله ؟
قوس شفايفه بعدم معرفه ينطق: ماادري عنك موصل واحد من العيال ولا زوجتي يعني حضن بوسه اي شيء
دفته عنها من قرب لها تنطق : ولا شيء من هاذي يلا افتح اخلص
علي خلني انزل .."
زفر ينطق : وش تبين اسوي خلاص مليت كم شهر وانا خاطبك لمتى بنتظرك ؟
تاففت تنطق : خلص سند قفل على الموضوع صار اللي تبيه ولا ماصار ؟ صار افتح خلني انزل
سند : ماراح اخليك تنزلين وانتي زعلانه لو نجلس هنا لبكره
ايمان : ماني زعلانه افتح يلا
سند : لا ياشيخه حمار عندك انا تلعبين علي ؟
رفعت نفسها له ورجع سند براسه على المقعد ونطقت بالقرب منه : مو زعلانه سند مو زعلانه خلاص تبي اثبت لك اني مو زعلانه
ضحك يهز براسه وقربت له تقبل خده وفتحت تامين الابواب ونزلت مسرعه تدخل البيت ونطق سند : شوف الحيوانه شوف صدق ان كيدهن عظيم
ضحك يرجع ينطق : يلا استفدنا على الاقل
ومشى يحرك من امام البيت ..."
سكرت الباب من خلف شروق وهي ترجع لغرفتها دخلت وهي تشوف الكيس على الطاوله مشت له تفتحه وبلعت ريقها من شافت الكرت رفعته لها تقرا محتواه وهي ترجف من خوفها توترت وهي عاجزه تفهم وش اسباب هالحركات كلها هي موقادره تتخطى وش صار ولا وش حصل فتحت جواله تشوف الصوره اللي تجمعهم مع بعض من رفعت جواله تصور نفسها جاهله لوجوده عضت على شفتها من بدات تتجمع الدموع بعيونها بخوف شديد يحتويها منه ضمت رجولها لها وهي تنزل راسها لركبها
والكرت بيدها وتفكر فيه وبهالقاء اللي جمعهم ..
....."""
انتهى ✅
قراءه ممتعه
لاتنسون ⭐️
