ပုံမှန်အတိုင်း
သွန်း ကျောင်းကို သွားရသည်။
အတန်းထဲတွင်တော့ ဇော်က
မရောက်သေး သွန်းဟာ
သွန်းထိုင်တဲ့ နေရာရယ် သွန်းဘေးက
ဇော် ခုံရယ် သာ ကြည့်သည်။
ကျန်တာတွေ မကြည့်မိသလို
ကြည့်ဖို့လဲ စိတ်မ၀င်စား။
ကိုယ်နေရာ ကိုယ်ထိုင်ရင်း
ဖုန်း ကို လျှောက်ပွတ်နေမိသည်။
"သွန်း "
"ဗျာ "
ထူးရင် မော့ ကြည့်တော့
ဖြူ ဖြစ်နေသည်။
"သွန်းတို့များနော်
လာတာတောင် ဖြူထိုင်တဲ့ ဘက်ကို
တစ်ချက်မှ မကြည့်ဘူး"
"ဟမ် ဖြူက ဒီအတန်းထဲကလား"
"ဟားးးးးးးသွန်းကတော့ကွာ"
ဟုတ်ပါတယ် သွန်း မေးခွန်းဟာ
ဖြူ အတွက် ရယ်ချင်စရာ
ဖြစ်နေမှာ။ သွန်းကလဲ သွန်းပဲ
ကိုယ်အတန်းထဲ
ဘယ်သူရှိလဲ ဆိုတာကို မသိ ။
"ဟဲ" ဖြူက သွန်းတို့ အတန်းကလား"
"ဟုတ်တာပေါ့ ရှင်ရယ်
ဖြူ တင်မဟုတ်ဘူး
ဖြူတို့ တစ်ဖွဲ့လုံး ဒီအတန်းထဲကပဲ
ဟိုမှာလေ ဇော်"
"အော် "
ဟုတ်တာပေါ့ ရှင်ရယ် တဲ့
ဒီလေသံဟာ မငယ် နဲ့ တူလိုက်တာ
ဒါပေမဲ့ မငယ် ပြောသလို
ရင်ခုန်ဖို့ မကောင်းဘူး
အားးးးးး ဒီအတွေးတွေ
ပြန်ရောက်လာပြန်ပြီ!
"သွန်း ဘာတွေ တွေးနေတာလဲ
လာ အပြင်သွားရအောင်"
"အမ်......."
သွန်း တားချိန်တောင် မရလိုက်
သွန်းလက်ကို ဆုပ်ကိုင်ပြီး
အတန်း အပြင်ကို ထွက်လာလေရဲ့။
သွန်းမှာ ဖြူ ခေါ်ရာ နောက်ကို
လိုက်ခဲ့ ရ ပြန်။
"ဒီနေ့ အတန်းလစ်ကြမလား သွန်း"
"ဟင့်အင်း "
"မဟင့်အင်းနဲ့
စာတွေ အတူတူ ကူလုပ်ပေးမယ်
လစ် ရအောင်"
"ဟုတ်ကဲ့"
သွန်း စာတွေကို နားမလည်မှာဆိုးပေမဲ့
ဖြူကို အားနာ၍ ဆက်ငြင်းမနေတော့။
စောနက သွန်း တွေးနေတာတွေ
ဖြူ က ရိပ်မိပုံရတာကြောင့်
အပြင်ကို သွားရအောင်ဆိုပြီး
ခေါ်ထုတ်လာတာနေမှာ ။
"ဟုတ်ကဲ့ တဲ့ ဘယ်လိုလေးလဲ
ချစ်ဖို့ကောင်းလိုက်တာ"
"ဟမ် မဟုတ်ပါဘူး"
ဟုတ်ကဲ့ လို့ ပြောတာ
ချစ်ဖို့ကောင်းတယ်တဲ့လား
ဖြူ တစ်ယောက်နဲ့တော့ ခက်ပြီ။
YOU ARE READING
မငယ် ကို ချစ်တယ်
Fantasy"ဘယ်လောက်ပဲ ငိုရ ငိုရ နှလုံးသားက မငယ် မှ မငယ်" *သွန်းရတီဦး* "မင်း ဘယ်လောက်ပဲ ဆိုး" အချိန်တန် တို့ ဆီကို ပြန်လာမှာမလား" *မီမီဇော်* "နင်ကို စတွေ့ကတည်းက သဘောကျခဲ့ရတာပါ ငါ အပိုင်ဖြစ်စေချင်တယ်" "နင် ချစ်တဲ့ အဲ့ဒီအမျိုးသမီးကို ငါ သိပ်မုန်းတာပဲ" *ဖြူနှင်း...
