في ازقة اليامن
بقلم: روز النداوي
******
القاعة كلهة سكوت ولا ولحد يسترجي يحجي شي يوجودو
اما هوا كاعد مترهي على الكرسي وبيدو جكارتو اخذ اخر نفس منها وذبها بالكاع ودعسها برجلو!
باوعنالو بذهول وكلنا نعرف معنى حركتو شنو كام من مكانو وهوا يمسد على لحيتو ومسيطر على الوضع! شال جكارتو من الكاع واتقرب من تيمور فتح حلكو ودحس الجكارة فيه وعصر فكو!
تيمور ماحجة اي شي لان يدري اذا حجة نهايتو تصير على ايدو لا محال
لزمو من خوانكيه ودفعو على الحايط خانكو بقوة وتيمور ما انطة اي ردة فعل!
لزمو دك بوكسات والطرف الثاني ماحاول يدافع عن نفسو ابد برز المحبس الي محاوط اصبعو الضخم وطالع منو شي حاد وضربو قوي بمتنو وكذالك تيمور ما انطة اي ردة فعل
الابتسامة احتلت ثغرو ضربو على متنو ضريات متتالية وابتعد منو وطلع من القاعة بهدوء!
تيمور وكع بالكاع ركضنالو كلنا، وجهو عبارة عن قطعة بنفسجية من الضرب كلشي ما مبين منو
تقرب لبيد نزع اللثام من وجهو ولفو على متن تيمور ماحس الة دفعوا بقوة وكام من مكانو وطلع ورا،،،،،
-
كاعدين كلنا متجمعين يم الصوبة الجو بارد ونطك سن بسن، امي مطلعتنا دبس وراشي وحاطتو بصينية وكاعدة يم الصوبة تحميلنا الخبز
خواتي مجتمعات حول امي والاجواء كلها جانت بيها نسبة دفو وحنان مندمجين يسولفون وياكلون واني بالي شارد مو يمهم!
افكر بالحلم الي حلمتو اليوم واحاول افسرو مالو اي تفسير!
فزيت على صيحة وحدة من خواتي
: مو دنحجي وياج شبيج؟
باوعتلهة وكلت ببرود
: ما انتبهت
باوعتلي بنضرات ماعرفت افسرهة ودارت وجها عني
_
الجو متوتر بالمستشفى وخواتي يبجن على اختي وامي كاعدة على المقعد وتقرة قرآن ودموعها على خدها منعرف نتصرف شيء وخصوصاً ماجد جان مو يمنا عندو شغل مهم ومحد خابر عليه
اتقربت ريماس عليه وكالت بأستعجال
ريماس: نزلي جيبي هذا العلاج من جوة بسرعة،
انطتني فلوس نزلت واني ماندل وين اروح هسة وينها الصيدلية؟
ضليت افتر بالممرات المستشفى جبيرة وبيها اكثر من طابق
امشي واقرة بالافتات بلكي اندل ماحس الة ارتطمت بشي صلب لدرجة وكعت اني وهوا ما انهز شعرة منو؟
: العفو بيج شي؟
باوعتلو لابس كمامة وشفقة وبس عيونو مبينة كمت من الكاع نكثت هدومي وكتلو
: الصيدلية وين؟
باوعلي وحجة باستغراب
: طلعي من هذا الباب على ايدج اليمنى راح تلكيها بالركن
هزيت راسي
: شكراً
ابتسم تك خد وكال
: العفو مدام
باوعتلو باستغراب وطلعت جبت العلاج ورجعت للردهة
***********
السلام عليكم
وياكم روز النداوي
اول قصه من كتابتي
ان شاء الله انزل اول بارت اليوم باليل
التنزيل حسب شوكت اكمل سرد ماكو موعد محدد
وبس والله في امان الله 💙
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
