في ازقة اليامن
بقلم: روز النداوي
مشاهدة ممتعه♡
____________
ريمان:
اليوم حنروح للانبار حننتقل لحياة جديدة لناس جديدة منعرف شحيصير النه هل حتكون حياتنه احسن من هسة لو العكس!
كعدنه الساعه 7 بدلنه واخذنه الجنط ونزلنه جوة طبعا اليوم حنروح ننضف البيت ونبات بي بدون اثاث وباجر حنروح نختار الاثاث من هناك.
قاسم: يله وين صرتو.
ريمان: اي هسة بابا بس يكملون البنات
هز راسو واخذ السويج وطلع، واني رجعت فوك اصيح امي وخواتي رحت لكيت ماريانا كاعده وصافنه ودموعها تنزل لحد هسة زعلانين لان حنروح بدون ماجد.
ريمان: يله ماري يله حبيبتي كومي ابويه ينتضرنه
ماريانا:ريمان والله ماكدر احس بغصه مابيه.
استغفرت ورحت كومتها غسلت وجهها و صحت الباقين ونزلت، صعدنه بالسيارة متوجهين للانبار اني كعدت اكتب بالتلفون والباقي نامو وابويه يسوق ويسولف ويايه.
_حَياةَُ جَديدة لا أَدري هـل سَوف اتَوفَق فيها ام لا
هَـل سَوف اواجِه اختبارات صَعبة ام سَوف تَكون حَياة
هادِئة وسعيدة.
مرة فترة ساعه غفيت واني مخليه راسي على كتف ريماس.
حسيت بعد فترة على صوت ريماس تكعدني
ريماس: يله ريمانو ولج عيني كعدني عيوني كوه مفتحتها.
ريمان:الله عليج عوفيني بداعتي عوفيني والله نعسانه
كبيت على ضربه براسي
ماريانا: اي ادري تنامين هناا كومي شبيج
كعدت اباوع واكفين كدام بيتنه وامي وابويه ماكو ويم باب بيتنه وكافين اكثم وصيغم.
كعدت عدل وضليت صافنه كدامي فزيت ولكيت نفسي صافنه على اكثم الي خربان ضحك وضيغم كاعد بالكاع ويضحك نداريت اباوع ريماس صافنه عليه وكوه لازمه الضحكة.
ستغربت شكو اخذت تلفوني دشوف شكلي واشوف شعري صاير انفجار ووجهي احمر دم واني عيوني ناعسة طالعه عبالك جني.
ريمان: شبيكم وجع عبالك شايفين مسرحيه
ريماس: والله احلى مسرحيه لو ماخذتلج صورة
باوعتلها بطرف عيني وعدلت شعري ونزلت اخذت السويج من ماريانا وهية اخذت الجنط وراحت للبيت.
واكفه اقفل السيارة قفلتها ونداريت امشي وماريانا كدامي وصلت للباب وجتي تصعد علصبه وماعرف شلون نلوت رجلها ووكعت واني وكعت وياها علواهس هنا ضيغم غص من الضحك واكثم اجه علينه يركض.
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
