في ازقة اليامن
بقلم: روز النداوي
لتنسون التصويت وتعليقاتكم الحلوة
مشاهدة ممتعه♡
______________________
مشهد سابق للتذكير:
حسيت باحد ورايه التفتت و ضربته بالبطل على راسه و ركضت للبيت حته مشفت منو الشخص من الخوف رحت يم امي واني ارجف انتبهت عليه بس كلتلها مابيه شي بس غسلت بمي بارد حست اكو شي بس ملحت عليه
__________________________
ريماس:
كاعدة وارجف من الخوف والمشكلة حته ماعرف منو الرجال بس شفت واحد طويل والمشكلة ملثم
شويه و نزلو خواتي كعدو يمي وسألوني بس كلتلهم بعدين احجيلكم لان كاعدين يمنه صار المغرب وطب عمو نجم وابويه
وراهم بنص ساعه اجو ادم وساند دانيال الي راسه ملفوف ومخلي شماغ على كتافو كله دم شافني و كتم الضحكة.
نصدمت يعني الي ضربتو هاذ دانيال!
شافني وخزرني عباله يخوفني باوعلته بطرف عيني وهزيت ايدي هوة الي يمشي وايه عبالك حرامي اني شلي دخل.
باوع على ابويه وكال
دانيال: حجي قاسم انتو تدخلون بناتكم كراتيه؟
هوة حجه هيج ادم طكها ضحكه شكلو يعرف واني حسيت
وجهي صار احمرر من الخجل ابويه ستغرب وسألو
قاسم: شنو ابني شبيك وبعدين شبيه راسك.
دانيال: والله حجي وحده عصابجية ضربتني على راسي
وفلتت عبالها ماعرفها هية منو. حجاها وغمزلي
هاذ شبي همزين محد شافو خزرتو وهوة ابتسم وعلسريع
خفه ابتسامتو ورجع يحجي لابوه
نجم: انت جاهل يول يعني بنت تضربك وتشرد وانت واكف
الجهال مسوو سوايتك.
دانيال: يعني يابه تريد اضرب خطاري؟
كلهم باوعولو واني نزلت راسي يبو هاذ هاذ مصيبة
مناوي يسكت ويسترنه
بيخال: يا خطار شبيك دانيال اثرت الضربه على دماغك.
دانيال: والله خيتي خطاركم عنيف بعدها ممندارة
وصمطتني بالبطل على راسي فرتتي فر.
امي علسريع باوعتلي مصدومه كلهم افتهمو قصده اله ابويه
وعمو نجم لان جانو طالعين
نجم: تحجي لو شلون منو ضربك.
دانيال: والله يابه جنت اتمشى بالبستان انه وادم وشفت
من بعيد بنت تمشي بالبستان معرفتها منو تمشيت وراها
اشوف وين دتروح شفتها رايحه لجهة بيتنه استغربت
بعدين شفتها بنت حجي قاسم كلت امشي وراها خاف
يصير بيها شي البستان متروس تكرومن كلاب شو ما
احس الا بطل كزاز على راسي و فترت وطحت بالكاع.
ابويه باوع علينه بصدمه وبنفس الوكت فخر انو بناته
يكدرو يدافعو عن نفسهم كلهم ضحكو علينه
قاسم: وانت شعندك تمشي وراها مثل الحراميه حجاها بضحك
دانيال: حجي بعدني مواصل يمها وركعتي بالبطل
ريماس: انت ملثم وجايني مثل الحراميه اني شلي دخل.
ضحكو علية و اني ترزلت شويه بس يستاهل بنفس الوقت
بس ماكنت اعرف بهاي الضربه حتصير شغلات ممتوقعتها.
ريمان:
ضحكت على خواتي اليوم كل وحده موقف شكل وحده
ضاربه الجبير والثانيه مفززة الصغير بعدنه اول يوم وهيك
مشة اليوم طبيعي بين ضحك و بحث ابويه عن بيت
باليل اتجمعنه بالحديقه كلنه مخلين كرزات و قاعدين
ماريانا: بيخال شلون اسمائكم كردية وانتو من الانبار
بيخال: شوفو اصلي كردي من اربيل امي كرديه وابوي
اصله من هنا الانبار كلنه نولدنه باربيل لهذا لهجتنه شويه
ضعيفة اجينا لهينا قبل خمس سنوات
ريمان: حلو يعني عشتو نص حياتكم باربيل
بيخال: صح كلنا واجهنا صعوبة باللهجة معدا سيبر
لان لما جينا هينا كانت صغيرا تأقلمت اسرع منا
سهرنا لوقت متأخر بين سوالف و تعرفنا على بيخال وسيبر
بيخال عمرها 18 بس تاركه سنة لهذا هية خامس ادبي
وسيبر عمرها 16 مثل بيخال تاركين لان نتقلو لانبار
فهية ويه ماريانا ثالث متوسط
ثاني يوم الصبح اجه بابا وكال تحضرو حنروح نشوف البيت
ماريانا: بنات متحمسة اشوف البيت الجديد
ريمان: ماعرف ليش ممتحمسة گلبي ممرتاح
ماريانا: لا ريري لتكبرين الموضوع
سكتت علمود ما اخوف خواتي وطلعنه لبيتنه الجديد يبعد
ربع ساعه عن بيت عمو نجم وصلنه للسيارات لكينه ثنين
وحده بيكم بيها نفرين بس والثانية جكسارا صفنت عليهن
قاسم: يله بابا روحو ويه دانيال و بيخال
باوعت على ريماس و اني لازمه الضحكة وهية رادت ترجع
ريمان: ريماس يلة تره مراح ياكلج اذا صعدتي وياه.
بعد محاولات اقناع قبلت ورحنه اني و ماريانا وريماس
صعدنا وره وبيخال ودانيال قدام
دانيال: بضحكة ها العصابجية جيتي ويايه خاف تريدين تضربيني مرة ثانيه
كلهم ضحكو اله ريماس جانت يم الباب والسيارة تمشي
فتحت الباب ورادت تنزل هوة من الخرعه علسريع وكف
دانيال التفت بعصبية عليها وكال: انتي خبلة مو دتمشي.
يتبع...
_______________
هاذ بارت قفلته كيوت🌝✨
البارتات الجاية حيبدة الاكشن بيها
انطوني رأيكم بالبارت؟
حساب الانستا: rlt. n_
حساب التيك توك: roznadawi
في امان الله♡
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
