في ازقة اليامن
بقلم: روز النداوي
لتنسون التصويت وتعليقاتكم الحلوة متابعه ممتعه.
_____________________
اريام:
ضليت صافنه بوجهة ومدمعه ماتخيل روحي ماشوفهة كل هاي المدة اني شهر اكوم اموت عاد مو سنه ويجوز اكثر هم
باوعلي غمض عينه وفتحلي ايديه رحت امشي حضنته وهوة حضني هنا متحملت البواري مال عيني نفتحن كمت ابجي واشهك
الصِنديد: ولج غزال يابويه هيج اني مهم عندج چا لو اموت شلون بيج
ضربته على كتفه ضحك ولزم ايدي
اريام: صِنديد اسكت مابيه حيل والله گلبي يأذيني من وراك
باوعلي بصدمه عاكد حواجبه وخر مني وعدل كعدته
الصِنديد: صدك گلبج يوجعج ليش متكليلي؟
اريام:من تروح يكوم يوجعني
الصِنديد: شلون لوتية بويايي شو كومي من يمي اروح انام
هزيت راسي كام اخذ مواعينه وطلع يغسلهن واني رحت غسلت ايدي ورجعت طلعت كتبي وكعدت اقرة دروسي.
شفت الساعه صارت ب3كمت اغفي رتبت كتبي ورحت لفراشي وكالعادة اضل اتكلب وافكر هواي يله اكدر انام.
فزيت الصبح على دغدغه بوجهي فتحت عيني بنعس شفته كاعد بصفي وبيده كلينس يدغدغ بيه وخرت ايده وعيبت عليه
الصِنديد: هاي عليمن ولج سلبوح
اريام: سلبوح شنو تره ماحب هالكلمه غير شويه
الصِنديد: مجذب اني انتِ عبالك سلبوح
رجعت عيبت عض اصبعه ولزم ايدي وعضني بكل قوته واني ارفس اريد اوخره ميقبل يوخر مني لحد مضربته على خصره وطفرت للحمام سديت الباب واسمعه يحجي عليه.
الصِنديد: صلفه هم هية غلطانه وهم تضرب وجه السلبوح شجنت احس من كلتلهم سموهة اريام انتِ مال غزال لو مسميج مهرة عاد حصان اهون
اغسل وجهي وخربانه ضحك علية سرعت وره الرزاله طلعت افر براسي خاف موجود ملكيته رحت ركض للغرفه طلعت صدريه سودة وقميص ابيض وجاكيت بُني لبست سويت شعري ضفيرة وحده وطلعت اسحل بروحي ميته نعس.
رحت للمطبخ شفت الساعه بال7كعدت بصف صِنديد مخليه راسي على رجله وامي تحضرله ريوگ.
الصِنديد: عندج امتحان اليوم
اريام: لا البارحه استلمت ورقتي
الصِنديد: هلا برفعة راسي شكد ماخذه شو اشوف
ابتسمت لكلامه الي ينطيني حافز كلش قوي ويخليني استمر بحماسي للدراسه جان الوحيد الي يحفزني ويسمعني كلام حلو.
طلعت الوقه خليتهة بايدة شافهة وابتسمت باوعلي وحضني قوي
الصِنديد: عفية بغزالي ادري بيج ماتنزلين راسي بيوم حبيبه اخوها
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
