في ازقة اليامن

P29

في ازقه اليامن
بقلم روز النداوي
-لتنسون التصويت وتعليقاتكم الحلوة ومتابعه لحساباتي
مشاهدة ممتعه
________________________

هَلي چتالين روحي منين اجيب الثآر.

في احدى مناطق العاصمه بغداد

في دار كبيرة هناك عائلة صغيرة
قد تبدو للبعض سعيدة وهادئة
لكن لا احد يعرف ما خلف الجدارن
(بقلم روز النداوي)

كعدت الصبح على الصوت المتعودة علية دائما
: صخيمة يلة كعدي الله ياخذج ويخلصني من علتج

ابتسمت بقهر ومسحت دمعة هاربة من جفني وكمت رتبت فراشي اي صح فراشي لان اني انام بغرفه اشبه بالمخزن فراش على غراض عتيگة على كناتير واحذية همة كلهم عدهم غرف بس حكم القوي علضعيف مابيدي شي.

طلعت من الغرفه بايدي گتر واعدل بشعري ارفعه عالي حته ليضوجني لفيته وخلصت طبيت للمطبخ لكيت امي كاعدة تصب لاخواني جاي اول ملمحت وجهي بده الروتين الصباحي

: من الله لايوفقج عود مكيفه عندي بنيه وشادة ضهري بيها تكبر وتساعدني البكدج متزوجات وعدهم بيوت وانتي بقيتي على كلبي نايمه متختخه للضهاري امشي غسلي الطرمه يلةة

وجهت نضري للساعه شفتها بال9ضحكت بقوة ورجعت نضري عليها صح هية تحجي وتدعي بس اني مو قليلة

-انتي عندج الضهر بال9 صح النوم بعدج نعسانه البكدي مزوجات خاف عدهن جهال هم ترة كل عمري 17 سنه علفكرة

رفعت رداني وطلعت واني اسمع غلط اخواني وصوت امي شعلوة تصيح ربي عاقبني بيج هاي جزاتي.

مسحت دموعي بكف ايدي ورحت طلعت الماسحه وركبت الصوندة علماطور وبديت اغسل بالطرمه وشفتي ترجف من البرد والقهر

طلع ابويه الي منتبهت اصلا هوة هنا اجه يمشي باتجاهي غيرت اتجاه الصوندة علمود ليتبلل لان هوة مريض مناقصه

ضليت واكفه واباوعله وصل يمي لزمني قوي من زندي مستغربت متعودة،كز على اسنانه ويحجي بعصبية

:لسانج طولان يحتاجله كص نوب عيديها اكصلجيا بالشحاطة بعدج بطول نعالي لا حته نعال متسوين كله من الدلال هاي

ضربني على شفتي شاغت روحي عافني بنص قهري وكسرتي ودموعي وراح كملت علسريع واني اشوف الساعه صارت ب9ونص واني اريد اكمل من وكت علمود اراجع دروسي.

طفيت الماطور انتلت بالنقطة بس وخرت علسريع ايدي نكلبت حمرة هفيت عليها ومشيت اهفي على وجهي امنع دموعي تنزل.