في ازقة اليامن
بقلم: روز النداوي
مشاهدة ممتعه.
_____________
ريمان:
باوعتلو لابس كمامة وشفقة وبس عيونو مبينة كمت من الكاع نكثت هدومي وكتلو
: الصيدلية وين؟
باوعلي وحجة باستغراب
: طلعي من هذا الباب على ايدج اليمنى راح تلكيها بالركن
هزيت راسي
: شكراً
ابتسم تك خد وكال
: العفو مدام
باوعتلو باستغراب وطلعت جبت العلاج ورجعت للردهة
شفته واكف بصف الغرفه ويمه ولد رفعت حاجبي انتبه عليه
ورجع حجه ويه البصفه
دخلت للغرفه خليت الدوة على صفحه وكعدت بصف ماري وصافنه بالفراغ سمعت صوت ونين درت وجهي شفت البنيه
كاعدة ووجهة عركان ضليت اباوع بالغرفه كمت بره فتحت الباب
ماكو احد حته اهلي واكفين بعيد يم الدكتورة رجعت طبيت سميت بسم الله ورحت يمها خليت ايدي على جبينها نار والمغذي خلصان وساحب دم جفلت سديته وطلعت الصوندة من الكانيولا
رحت بره اركض وماري صحت وعينها عليه فتحت الباب صار بوجهي نفس الشخص حجيت وياه بس خايفه من شكله
ريمان: اء انتَ ويه البنيه هاذي؟
يامن: اي اني شبيهة؟
ريمان: حرارتها عالية والمغذي ساحب دمها
فتح عيونه بصدمه واشرلي اوخر وطب يركض للغرفه رحت يم ماري وعيني عليهم نزل باس راسها وضل يحجي وياها وهية تبجي ابتسمت من شفت حنانه عليهة
اندار وشافني رفع حاجبه ورجع يحجي ويه البنيه ماعرف ليش گلبي دكاته الف
ريمان: ماريانتي اصيح امي؟
هزت راسها وغمضت عينها طلعت برة اتمشى وامسح بدموعي شفت امي واكفه ويه الدكتورة وتتناقش وياها رحت يمها ضليت اسمع حجيهن الي ميبشر بخير وكله سلبي
خليت ايدي على حلكي وابجي بصمت اجه يتمشى من بعيد وعينه عليه وصل يمنه وخرت على صفحه
يامن: دكتورة اختي صحت وحرارتها مرتفعه تكول راسها يوجعها وبعد عدها غثيان
راحت ويا الدكتورة واحنه وراهم دخلنه كلنه للغرفه رحت اشوف ماري
ماريانا: اريد مي
كالتها بصعوبه صوتها ناصي يادوب سمعتها اجتي ريماس عدلت كعدتها واني شربتها رجعت تمددت لما اجتها الدكتورة شافت الاجهزة ابتسمت بخفه
الدكتورة: لا زين وضعها متحسن عن البارحه جانت كلش مو زينه
شيماء: يعني بعد حالتها مو زينه دكتورة؟
الدكتورة: لا تقريبا عدت مرحله الخطر
ضحكت ووجهت نضري لماري مبتسمه وتباوع علية شمرتلها بوسه بالهوة ضحكت درت وجهي على البنيه ديضربوها ابرة بالكانيولا توقعت مهدء وكفت بجي بس صوت شهكتها ينسمع
أنت تقرأ
في ازقة اليامن
Romansaفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
