في ازقة اليامن
بقلم: روز النداوي
لاتنسون التصويت وتعليقاتكم الحلوة
مشاهدة ممتعة
_____________________________
مشهد سابق للتذكير
ريمان:
التفتت وجها احمر من البجي وترجف جتي عليه
حضنتها وبجيت اباوعلها ترجف مثل السعفه وشعرها مخربط وصايرة صفرة من الخوف
فجأة بدون سابق انذار تخربطت
ريمان: لاا ماررييييي....
*****************
وكعت بين ايديه اطبطب على خدها ماكو متحجي
اباوع ورايه شفت يونس نزل من السيارة بيدو بطل مي
ريمان: يونس يونس اختي عفية
يونس: لتخافين مابيها شي هاي من الخوف
اطاني المي فتحتها وذبيت على وجهها رمشت بثقل و تهمس بكلمات مفهمتهن شنو استمريت اغسل بوجهها فتحت عيونها
ريمان: ماري تسمعيني ماري
ماريانا: مي اريد مي
رفعت راسها شويه وشربتها مي فجأة فزت وضلت تتلفت اني خفت من يمي غلست وكومتها امشيها
يونس فتحلنه باب السيارة الخلفي وصعدتها وصعدت بصفها باوعلي بطرف عينه وصعد شغل السيارة انطاني كلينكس مسحت وجه ماري وهية بعدها تتلفت بخوف
استغربت تصرفها بس گلت ارجع وافتهم منها شبيها
وصلنه للبيت لكيت امي كاعده هية وريماس الي بيدها قࢪأن وتقرة ابتسمت على منضرها ونزلت ماري راحت تركض حضنت امي وبجت انصدمنه كلنه حته يونس الي نزل وسلم على امي
يونس: السلام عليكم يمه شلونج
شيماء: وعليكم السلام ابني مشكور بعد امك مقصرت
يونس: لا شكر على واجب يمه مسويت شي خواتي هذن
سلم وراح طول ميحجي عينه بالگاع ومباوع بوجه وحده منه مبين كلش حباب طبينه للبيت وحاولنه نفتهم من ماري بس ماكو ساكته استغربت حالتها بس كلت عوفوها تعبانه
ريماس: ريمان شبيها ماري وجها اصبر وترجف
ريمان: ماعرف كلشي عوفوها تهدء وتحجي
عفتهم وصعدت فوك وره ماري لكيتها ترجف وتبجي
رحت عليها حضنتها دفنت راسها بيدها وتبجي اقوة
ريمان: شبيها ماري القويه ليش هيج
ماريانا: ريري خايفه لتعوفيني
نصدمت هاي ماريانا القويه الي تاخذ حقنه بكل مره هيج صايرة ضليت حاضنتها واسكت بيها الي ان هدئت ونامت
عفتها ونزلت جوة يم امي لكيت بابا واصل من المحل
ريمان: الله يساعدك بابا حضنته وبست راسه
قاسم: ويساعدج بنيتي جبتلكم حلويات بالمطبخ
ابتسمت ورحت جبت مي اطيته ورحت خليت الحلويات بالثلاجه وبديت احضر بالعشة اني وريماس
ريماس: مفتهمتي شبيها ماري
ريمان: لا عوفيها من تهدء هية تحجي بس ضروري كدام ماما
ريماس: اكيد كدامها شوكت ضامين عليها شي احنى!
ستمرينه نحضر العشة ونقلنا علسفرة بالصاله وصعدت اكعد ماري لكيتها نايمة كعدتها بهدوء غسلت ونزلت ويايه بس بيها شي غريب بس تصفن وتخاف تضل وحدها بعد مكانت انطوائيه كملنه عشة بين سوالف و عركات ريماس وماري
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
