في ازقة اليامن
بقلم: روز النداوي
لتنسون التصويت ومتابعة حساباتي وتعليق بين الفقرات
مشاهده ممتعة♡
______________
ريماس:
ها انا امام حُلمي
ها انا امام المكان الذي قيل انه لايناسب المرأة
ها انا امام المكان الذي حاربت من اجله
ها انا امام كُلية القانون.
مشيت واني اعدل بشعري وياخة قميصي رفعت عيني للشي الكدامي كلية القانون ابتسمت بفخر واني وصلت لحلمي وللشي الي تعبت وقريت علمودة والي سمعت هواي حجي بانه مراح انجح بي.
كالو ميناسب المرأة بس نسو انو المرأة نصف المجتمع بدون المرأة همة يضيعون زوجتك مرأة بنتك مرأة امك مرأة وممكن مديرتك مرأة؟
التفتت على بيخال وريمان واني ابتسم بفرحه اشرتلي ريمان بايدها رحت اركض واني اضحك حضنتني بقوة
ريمان: ماسة القوية محاميتي انتي يلة فوتي وكوني متأكدة كلنه وياج ونساندج مهما صار ماشي.
ضحكت وهزيت راسي بمعنى اي دخلت وامشي وكعبي يطك ويه كل طكة احس قوة تجيني ابتسمت ودخلت للقاعه صفنت شويه وتوترت اول مره بحياتي اروح مكان بدون ريمان.
ضليت واكفه صافنه ادور مقعد واني اضغط على جنطتي الصغيرة الاماكن الكدام كلهة بيهة ناس شفت ولد كام من مكانه ورجع ورة وصار مكان فارغ بس يمي من الجهة اليمنى ولد مشيت وكعدت ضليت اهز برجلي بتوتر.
:اذا تضايقين ارجع ورة؟
يبو وكتك تحجي لو ساكت احسن هزيت راسي بـ لا وهوة هم مكال لا ضل كاعد بمكانه متت بعدني اول خمس دقايق.
اجه الدكتور وبلش يتعرف علينه وليش دخلت قانون وصل سراية عليت صوتي شويه وعرفت على نفسي
ريماس قاسم معدلي 91 دخلت للقانون برغبة مني لان حلمي من واني صغيرة اصير محامية.
كلتهن بسرعة وكعدت شفت الدكتور ابتسم وكمل ويه غيري مشة اليوم هيج لحد مجتي هذيج المحاضره.
ريمان:
امشي وشفت بيخال راحت لجهة الطب دمعت عيني بس بسرعة مسحت دموعي وكملت طريقي لقسمي الجديد اي صح غيرت قسمي صار علوم كيمياء قريب على حلمي احسن من الهندسة بالنسبة الية.
دخلت للقاعه لكيت مكان بالبداية فارع رحت اتمشي على كيف كعدت وصفنت على السبورة اشوف انعكاسي بيهة اجتني ضحكة تذكرت سوالف ريماس بالدروس.
دخلت دكتورة مبينة صغيرة بالعمر ابتسمت من شفتهة شكلهة مريح للنضر ابتسمت النه ووكفت كدام مكتبهة خلت الجنطة
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
