في ازقه اليامن
بقلم: روز النداوي
تعابعوا حساباتي Roz115 مشاهدة ممتعة
شَلون احَحسبك منهم وانتَ كُلهم؟
____________________
ريماس:
اليوم المفروض نروح للسوك نشتري هدوم لعقد دانيال كلنه
ويه اسينات حيودينه اكثم وماجد ، هاي الفترة حاول دانيال
يراسلني اكثر من مرة بس اني ما احجي شي ساكته حته من
يجي يمنه اضل ساكته وحته ماباوع بعينه لان اتذكر كلمه
دانيال: عيونج مثل البحر واني غرگان بيهن
جان الجو بدايه شته شويه بي برد العصر سبحت وطلعت مستعجلة بس بدلت وشعري سويته ضفيرة وطلعت ركض
شفتهم كاعدين بالسيارة ينتضروني رحت فتحت الباب وصعدت ندارلي ماجد عاكد حاجبه
ماجد: هاي ليش شعرج مبلل؟ تريدين تتمرضين ست ريماس
ريماس: شسويله مالحكت اسشوره واذا اسوي لازم ارجع اكوي
باوعلي بطرف عينه سد التبريد وعاف الجامات مشتغلة
رحنه لسوك جبير كلش قررنه نأجر لان اكيد بعد مراح
نلبسهن بالعرس.
نزلنه كلنه نمشي وماجد واكثم واحد من جهة والثاني من
جهة الثانيه حراسه ضحكت على شكلنه وريمان تتعثر
ماريانا: تمشين عدل لا ادفرج اوصلج للنجف كبل لوادي
السلام تتمددين هناك
ريمان: انجبي انتي وحذائج طلع صغير عبالي يجي على
گدي ولي مني
اكثم: صوتجن يالفضيحه خرب يومجن
مشينه نضحك و نقهر باكثم وصلنه لمحلات الفساتين
ريماس: ماجد اريد أجر فستان ماريد اشتري مراح استفاد
ماجد: معليج أيجار ماكو تشترين وتضمينه عود لبسي بعدين
ضليت امشي واقنع بي ميقبل قفل متأجرون شمدريجن منو لابسهن وشمدريجن نضيفات لو لا لحد مقنعني وبطلت ما أجر
طبينه لمحل فساتينه تجنن وكلهن حلوات بس شنو قصيرات
صفنت ادورلي واحد ماكو ماري اختارت واحد ويه الركبه لونه احمر وردانه تول طويل واسينات اختارت فستان طويل بس بدون ردان لونه اسود واني وريمان ندور شي يبرز لون عيني.
طلعنه من اول محل معجبني بي شي وراها رحنه لمحل بصفه
كله فساتين قصار حسيت عجبني واحد منهن بس مو نفس اللون الي اريده يصير لحد الركبه و ردان مالته خيط يربط
لونه بيجي برز لون عيوني بطريقه كلش حلوة.
اما ريمان اختارت واحد وردي مابي ردان يجي وياه تول يلبس فوك الفستان نفس لون الفستان.
اخذناهن ورحنه اخذنه الاحذيه والاكسسوارات ورحنه حجزنه صالون ورجعنه للبيت هلكانيييننن تعب
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
