في ازقة اليامن
بقلم: روز النداوي
لتنسون التصويت وتعليقاتكم الحلوة.
مشاهدة ممتعة♡
_______________
ريمان:
راحتلو اسينات وماريانا من الضحك مددت بالكاع واني واكفه علدرج ولازمه بطني الي كامت توجعني من الضحك.
ضيغم: ولج انتي هاسكي اذا متسكتين اجي اشمرج من فوك.
ريمان: دروح انت اوصل لنص جمالي وبعدين تعال احجي عليه.
ضيغم: ولج انتي الثانيه شبيج صافنه كوميني
ماريانا: الله عليكم سكتو والله مابيه بعد
ضيغم: عمي مخلف مخابيل باع هاي تمرغلت بالكاع عبالك مسرحيه.
كومتو اسينات الي كوة لازمه الضحكة لان قريبه منو هوة كام ديمشي ورجع زلك وسحب اسينات وكعت بصفو، هنا ماريانا كامت تدمع من الضحك واني عفت الماسحه وكعدت علدرج وهذول جوة يصيحون علينه، طب ابويه من برة شافنه هيج خزرنه
قاسم: صوتكم ياعيني شبيكم بعدين اني صحكت تجيب ماسحه لو تتمدت بالكاع.
ريماس: يابه ياتمدد هوة غير تكسر بس دربالك تروحلو لتزلك.
قاسم: كوم فضحكتنه وضحكت الناس علينه شبيك
كام ومد ايدو لاسينات وكومها واحنه رجعنه نشتغل وهوة اخذو ابويه وياه برة ماعرف شيسوون.
مر الوقت صارت الساعه 8 كملنه كل البيت صار يلمع لمع ، من التعب تمددنه بالكاع جوة البنكات وصافنين بالحايط.
ثاني يوم العصر اجه ايهم
ايهم: اهل البيت اكو احد هنا
ريمان: طب عيني طب
فات للبيت شافنه نايمين بالمطبخ باوع علينه استغرب كال
ايهم: هاي شبيكم متمددين هيج قلة اماكن.
ريمان: لك عيني اسكت وخليها نكربنه من البارحه لحد هسة نشتغل طلعو دلال ال17 سنه من خشمي والله.
ضحك وكال
ايهم: ديله كومو روحو لبيتنه حتتعشون هناك وبيت نجم جايين هم
ريماس: احلف عزة نروح بوصخنه ولك يمه
كمزنه كلنه فوك ضحك وصاح علينه
ايهم: لتركضون لرتوحون توكعون
عفنا جوة نخبصنه كل وحده اخذت غراضها وطبت لغرفة تسبح.
كملت وبدلت لبست تراك وسويت شعري ضفيرة تعاجزت ابدل تعطرت وطلعت رحت لغرفة ماريانا فتحتها وطبيت لكيتها لابسه تراك عريض وبجامه هم عريضه ورافعه شعرها كبايه ضحكت على شكلها صحتها ونزلت جوة كعدنه ننتضر ريماس.
شوية ونزلت مبدلة ملابس طلعة ومخليه سماعه هنة طلعن واني رحت كلت لامي كلتلها وطلعت.
طبينه لبيت عمي ولكينه الي بعمرنه بالحديقة والباقين جوة بالديوان
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
