في ازقة اليامن
بقلم: روز النداوي
لتنسون تصويتاتكم ومتابعة حساباتي Roz115
مشاهدة ممتعه♡
____________________
ريمان:
اجت فترة التقديم على الكليات طبعا اني وريماس كل وحده حلمها بجهة اني حبيت اقدم طب وهية تريد محاماة ومصرة عليها وماجد وياها يريدها محامية يكول محلو يصير ثنين طب خلي ننوع.
ماريانا السنه تداوم خامس وعلى حضها انلغى الاعفاء وصارت كورسات من زمان.
اليوم كعدنه من وكت متحمسين عدنه طلعه لمنتزه وماجد هم ويانه بمناسبة نجاحنه وهم ترفيه قبل المدارس والجامعات.
بال8ونص بدلنه وحضرنه جنط وكعدنه ننتضر بيت عمو نجم يجون طبعا قبلها كلنه اتفقنه نلبس اسود باسود ماعدى سيبر اسود ووردي.
بال9 اجوي وكل عائلة راحت بسيارتها والولد البقيه ويه دانيال الي كالب وجهة وميتحاجه لان مكعدي الصبح من وكت وهوة يموت من كعدت الصبح الي يحجي وياه ياكله كفخه.
وصلنه للمنتزه ورحنه نختار مكان نخلي بي الفراش ونكعد والولد ينزلون بالغراض همة وماريانا.
ماريانا:
رحت اركض السيارة هاي المرة الثالثه يودون بيدي غراض هلكتت
ماريانا: هسة مو هذنيج خمسة شكبر الوحده لو اله اني
ضيغم: امشي وانجبي يلة
اجته كفخه على راسه من ماجد
ماجد: لتضل تلغي عزيزي امشي واسكت وانتي امشي عدل لتضلين تكمزين عبالك بكاية
باوعتلة بطرف عيني ورجعت اكمل ركض واكمز
ضيغم: عفية بالزلمه مالتنه يلة كملي عكروكه
ماريانا: ترة دتجرح مشاعري هاي شبيك
ضحك واني ابتسمت واهز بحواجبي واسويلة حركه على عنادك بايدي .
اخر شي نزلته الجنطة مال اكل ورجعنه يمهم كعدت اني وماجد نشيش الكباب والتكه ونتبل السمج وريمان وادم يخلون الفحم بالمنقله ودانيال وريماس يرتبون السفرة وباقي العائلة كاعدين يسولفون.
ماجد: باعي وجهج صار احمر كومي غسلي
ماريانا: هوة ردت اكلك بس اخاف وحدي
ضحك وكام صاح على اكثم
ماجد: اكثم ابو الوكفات روح ويه ماري
اكثم: خير يعني ملكيت اله اني هاي مو عشيرة
ماجد: طبك طب شو دولي كوم ضيغم
اني ذبيت الشيش من ايدي وماجد عدلي قميصي وكمت امشي لمكان الحمامات وضيغم ورايه.
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
