في ازقه اليامن
بقلم: روز النداوي
لتنسون التصويت وتعليقاتكم الجميله مشاهدة ممتعة♡
_____________
ريماس:
فتحت عيني على صوت اكثر شي مُزعج بالكون كله المُنبه
صفنت على الحايط شويه رجعت عيني علساعه الصغيرة بصف جربايتي لكيت الساعه ب6.
كمت من الجربايه اسحل بروحي اكره اكعد الصبح عندي الرسوب اهون من الدوام والشلعان گلب رحت غسلت وجهي ومشطت شعري ابتسمت بالمرايه
ريماس: ياخي والله اني اجنن دشوف الجمال شوف الوجه اليجنن جني حلقومه شوف العيون عبالك سمه اموت على نفسي اوييلليي اموت عليج ريمماسس
دزيت بوسه لنفسي على المرايه ورحت اخذت تلفوني وطلعت للمطبخ امشي واكلب بتلفوني بعد مفتحت رجلي وصرت حره طليقه عبالك طير وفتحو قفصه الحديدي
وَما هِي الحُريه بِدون صِحة الشَخص؟
شفت اليوم وعقجت وجهي لان تذكرت اليوم المحاضرات هواي وحنطول دخلت للمطبخ لكيت امي دتحمي خبز علصوبه وابويه كاعد علقنفة بيدة سبحه ومشغلين دُعاء كميل وصوت القارئ راحه نفسيه ضحكت بفرح ودخلت.
ريمان ويه امي تحضر الريوك وماريانا نايمه على رجل ابويه ماجد بالدوام صار اربع ايام رحت يم ابويه من الجهة الثانيه خليت راسي على كتفه حضني وباس راسي
قاسم: شلونهة بنيتي السباعية
ريماس: بيتك نعسانه تريد تنام بس عدهة امتحانات
قاسم: غير شطوره وتريد تصير محاميه شاطرة غير تقرة
ريماس: ابن عمك دينتقم من عدنه مدري شبي ويانه
ضحك بصوت عالي ابتسمت كمت خليت الاكل علطاولة ورحنه كلنه كعدنه نتريك ونسولف عدى ريمان الي تغفي تخلي لكمه بحلكهة وتغمض تغفه وتفز.
خلصنه اكل وابويه قرر هوة يوصلنه طفرت فوك ابدل لان حنتأخر طلعتلي بنطرون قماش اسود ويه هاينك اسود وكوت طويل اسود كعب احمر وجنطة حمرة
سرحت شعري وعفته مفتوح غركت روحي مسك خليت حُمره حَمرة ونزلت اسد حذائي واحجي ويه امي كملت وطلعت برة
ابويه مشغل لسيارة ماريانا وره وريمان بعدهة مكاعد رحت كعدت كدام
ماريانا: هسة تقوم حرب البسوس كومي بمكانج عيني
ريماس: هية شنو وين كاعدة اني بعرش الملك
اجتي ريمان تمشي وتعدل بسترتها شافتني رفعت حاجبهة مشت وصعدت ليوره صفك ابويه بايدة
قاسم: اول مره ريمان متتعارك شعجب يُبا
ريمان: خطية خليهة تتونس عدهة امتحانين وواحد تأجيل
ريماس: مو الله يبليج واكوم اني اعير بيج اسكتي احسن
أنت تقرأ
في ازقة اليامن
عاطفيةفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
