في ازقة اليامن
بقلم: روز النداوي
لتنسون التصويت وتعليقاتكم الحلوة
مشاهدة ممتعة♡
_____________
ماريانا:
كل مجموعه راحو بجهة اني ضليت واكفه قريب على ريمان اخاف اروح وحدي لمكان، وهية كاعدة تاخذ صور وممنتبهة اكو من النزلة يمها.
جانت تاخذ صور وتباوع علتلفون وتضحك فجأة رجلها زلكت ووكعت على ضهرها وايدها، رحت ركض عليها ناس متجمعين يمها ويحاولون يكوموها، وصلت لكيتها صافنه وتتوجع بس متبجي.
ماريانا: ريمه شبيج اصيح ماجد؟
ريمان: اخخ يمهه ولج اي
عفت تلفوني يمها وكمت ركض ادور ماجد ابجي واركض.
شفتو من بعيد كاعد هوة وضيغم ودانيال بس شافني فز مستغرب واني رحتله ابجي.
ماجد: شبيج ولج
ماريانا: مو وكتها ولك امشييي بعدين احجيلكك
طبعا من الخوف كمت مانتبه شحجي وشخبط.
اجه ورايه هوة وضيغم وياهم اكثم هم منين اجه ماعرف.
وصلنه لكينه يمها البنات كلهن وجهم اصفرر وريماس بس صوت بجيها مسموع اباوع ماجد ذب باكيت الجكاير بالكاع وراح ركض عليها حضنها وحاول يكومها.
ريمان:
حسيت الدنيه فترت بيه وراسي نطب بالكاع بالبدايه بس ضهري بعدين شفت ايدي ملويه وشكلها صاير يخوف.
راحت ماريانا تصيح ماجد واني بس اون من الالم حسيت واحد ضاربني طلقة منا ضهري ومنا ايدي وراسي.
ماجد: هاي شكو شبيج
ريمان: م ماجد ايدي تعال حباب
اجه ركض حضني واني كبل كمت ابجي واعيط بسبب ايدي
حاول يكومني مكدر نخبص وجهة صار اصفر اجه دانيال لزمني من ايدي المابيها شي وماجد من خصري وحاولو يكوموني علكيف متت لما كوموني.
شالني ماجد وراح ركض للسيارة ودانيال شغلها وطلعنه لاقرب مستشفى الطريق كله لازمه ايد ريماس وابجي وهية هم تبجي ويايه وماجد يعيط بينه.
ماجد: ولجن كافي والله تعبت شبيجن ان شاء الله مابيها شي.
ريمان: ماجد حموتت.
ماجد: تحملي يا عيني وصلنه مبقة شي.
وصلنه لباب المستشفى نزل ماجد من مكانه شالني وطب يركض للطوارئ.
طبينه للطوارئ اجه دكتور شافها كال كسر ولازم يجبسوها.
بدة يسويلياها متت من الالم طلع بيها كسرين شطت وهوة يسويها جان ماجد ماد ايده اخذتها وعضيتها بكل قوتي ودموعي تنزل اشوفه ساد عينه وقابض ايدة الثانية.
أنت تقرأ
في ازقة اليامن
Lãng mạnفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
