في ازقة اليامن
بقلم: روز النداوي
لتنسون التصويت وتعليقاتكم الحلوة مشاهدة ممتعة
____________________
ريماس:
تصنمت بمكاني بعد مسمعت الي اردف بي انخفظ نفسي وسرت رجفه غريبه بكل جسمي ابتعد شويه شويه لما وصلت لاخر القنفة كمت على كيفي والصاله ضلمه كلشي ماكدر اشوف كوه عبرت الصاله دخلت للمطبخ كعدت بالزاوية حاضنة رجلي لصدري وارجف
خليت راسي بين ايديه وبديت بنوبه بكاء طويله واحاول اكتم صوتي اخاف يبين وينتبهون اذا يحبني لهلدرجة ليش خطب واتخله عني! ليش علقني بي وعافني وره متخطيت رجع ليش ليشش
عطت بصوت وضربت الكاع بقبضة ايدي وكفت وايدي او كل جسمي يرجف وعيني تحركني طلعت الحديقة كعدت بزاوية الحديقه بحيث محد يكدر يشوفني من يطلع وصافنه بالفراغ افكر بمستقبلي
شلون حكمل حياتي طبيعي! هواي اسألة تدور براسي تبحث عم اجابة بس ماكو اي اجابه لاسألتي فكرت اذا وافقت وارتبط اسمي باسمه شلون حنسه هوة بيوم من الايام تخله عني بكل سهولة.
فجأة حسيت الي دسوي خطأ اول شي ليش دابجي لسبب مثل هيج عافني! طز هوة الخسران اني هم داعذب نفسي وهم دغضب ربي! كمت من مكاني استغفرت ربي وكررت الاستغفار اكثر من مره مسحت وجهي
توني اريد امشي وطلعت بيخال تركض وراهة دانيال وجهة اصفر ومعصب شفتهم هيج تقدمت شويه شافنتي بيخال اجتي تركض حضنتني بكل قوتهة وكوه تتنفس
بيخال: خوفتيني عليج ليش هيج سويتي بيه!
ريماس: شمسويه شبيج تبجين باوعيلي بيخال
رفعت راسها ودمعوها مبلله رموشهة رافضه النزول
بيخال:خفت خفت من كمت واصيح باسمج دنروح نجيب كهوة بعد وانتي ماكو رحت فتحت الضوه ولكيت بس دانيال كاعد عبالي عبالي بيج شي خفت
تحجي كوه وصوتهة مينسمع ضليت امسح على راسهة وجهت نضري لدانيال جان مقوس شفايفه بزعل اشرلي بعينه على غرفته خزرته وهزيت راسي بلا
دانيال: ريماس تعالي ويايه
ريماس: اذا عاجبك الحرام اني معاجبني
دانيال: ليش ست ريماس شسامعه عني ويعجبني الحرام؟
ريماس: لعد كعدتنه وحدنه لغرفه شسمهة؟
دانيال: منو كال وحدنه بيخال ويانه
استسلمت ورحت ويا مجلبه بايد بيخال وكوه امشي احس بغصه ودموعي تلمع بعيني دخلنه للغرفه عاف الباب مفتوح كعد على الجربايه واني وكفت كدامه
دانيال: لشوكت ريماس!
رفعت راسي بصدمه هزيت راسي بمعنى شنو!
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
