في ازقة اليامن
بقلم: روز النداوي
مشاهدة ممتعة.
______________
ريمان:
راحت ماريانا لبيت عمي واني دخلت احضر كاسات ومواعين ومي لما يجون بعد مبدلت و رتبت نفسي.
ضليت بالعشر دقايق وماريانا ماكو كلت يمكن راحت يم اسينات او دخلت من الباب الي وره من من المطبخ.
خلصت المي والغراض ورحت يم امي.
شيماء: ريمان يمه كومي بخري البيت شويه.
ريمان: ماشي يمع هية كمت.
رحت فوك لغرفتي طلعت بخور بي عطر كلش طيب وسويته ونزلت بخرت الصاله والمطبخ وعفتها بمكانها.
دخلو عمة ايمان وبيخال وسيبر رحت سلمت عليهم وكعدت شويه.
ريمان: بيخال كومي ويايه سريع.
بيخال: بعدني ستوني كعدت حنكرب.
ريماس: ديلة كومي تكبرين وتنسين.
عيب عليه وضحكنه رحت للمطبخ طلعت كاسات مي وخليتها توديهن واني بديت اخلي حلويات بالمواعين.
هذا كله وماريانا ماكو وداسمع صوت زلم برة ببيت عمي.
سمعت صوت تلفوني يدك رحتله اخذته شفته ماجد.
ريمان: ها عيني ماجد
ماجد: ريمه كلكلم بالبيت مو محد طالع؟
ريمان: لا ماجد ماريانا راحت تاخذ الشاحنه مالتها بس تأخرت يمكن يم اسينات بقت.
ماجد: تمام هسة اشوفها يله ولتطلعون برة.
سديته منه واخذت الضيافة وديتها وكعدنه شويه وشفت ماريانا طبت تركض من الباب الي وره ستغربت شعجب جايه مناك بس سكتت معلقت.
سيبر: ريمه وين ماريانا
ريمان: هسة تجي فوك.
______
ماريانا:
ضليت واكفه بمكاني متصنمه وصافنه علباب لبسي قصير
وفاله شعري ومكياج ضليت ابلعم.
واسمع صوت زلم كومه برة وضحك وضيغم يصيح دخلو جوة.
شويه ودخل اكثم للديوان يضحك وممنتبه الي لان صايرة بالنهاية لتفت لجهتي ونصدم من شافني اجه يركض اخذ عبايته الي لابسها وخلاها على راسي غطة راسي بيها وشويه من وجهي.
اكثم: شجابج هنا متفهمينيي شلون اطلعج هسةة.
ماريانا: م ماعرف ج جيت اخذ شاحنه.
ضلت يتأفاف واسمع برة صوت زلم هواي و بينهم ميزت صوت ابويه وعمي هم هنا ضليت ارجف و عيني دمعت من الفشلة.
اكثم: ولكك ماجددد ماجدد صخامم
هاذ كله والعالم بره ماعرف شيسوون.
دخل ماجد ومن شافني ضل صافن
ماجد: هاي شتسوين هنا؟ مو كتلج علسريع اخذيها وطلعي.
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
