في ازقة اليامن
بقلم: روز النداوي
لتنسون التصويت ومتابعه لحسابي وتعليق بين الفقرات.
في احَدى مُحافَضات وَطننا
في احد بِقاع الارض
في بِلاد الرافِدين
هناك فَتاة صَغيرةً عاشت مُدللة بين
افرادِ عَائلتها لكِن هَل للقدر رأي اخر؟
اين تَجوب بها الحَياة ماهي التَجارب
الي تَواجهها! كَيف سَتواجِه صُعوبَـات الحَياة
هذا ما سنتعرف عليه في رواية
في ازقة اليامن.
_______________
ريمان:
فزيت وكمت اركض اريد الحك وراه مكدرت طلع برة واني واكفه بالمطبخ ايدي على كلبي وماعرف شسوي خفت لا يجيني خبر ما حابه اسمعه.
رجعت للصاله وايدي على كلبي واقرة معوذات لكيت ماريانا كاعدة بمكانها وتباوع ساكته وريماس مجلبه بامي وترجف
ريماس: شكو شكو شصاير يمه
ريمان: ماعرف مالحكت بي مادري شكو
رحت كعدت بصف ماريانا وحضنتها لكلبي وامسح على راسها وهية رجعت راسها على صدري وساكته بس اسمع صوت نفسها المضطرب الي من هذاك اليوم لحد هسة هية مريضه ومتداوم تقريبا صار اسبوع.
دك تلفوني طفرت اشوفه لكيته ماجد فتحت الخط واني كلبي يدك بصورة قويةة
ريمان: ها ماجد شصاير
ماجد: كولي لامي تروح لام اكثم تبقه يمها
ريمان: ماجد شصاير ترة كلبي حيوكف
ماجد:ضيغم مسوي حادث سياره وهسة احنه بالمستشفى
شهكت ايدي على حلكي اباوع لامي بخوف
ماجد: ريمه ديربالكم تجيبون طاري لامه لتخافون مابي شي ضيغم بطل هسة شويه ويجيكم يهرجكم
سديت التلفون وكعدت ايدي على راسي ريماس عاطت
ريماس: احجي شبببييجججج
حاولت احجي مكدرت احجي حرف واغص بالكلمه كامت ماريانا جابت مي شربت وكوه حجيت بكلمات متقطعة
ريمان: ضـ ضيغم مسوي حادث و وهسة بالمستشفى
امي ضربت على رجلها بصدمه وريماس عاطت ياااا كلنه الي عاط والي خايف واني عيني على الكاعدة على صفحه وبيدها قرأن فجأة سدت القرأن ورفعت راسها النه
ماريانا: بدل البجي كومو صلو اله واقرو قرأن روحو لامه هاي افعالكم مراح ترجعلكميا ترة
كامت وصعدت فوك رحت غسلت وجهي اخذت تلفوني وطلعت لبيت عمي باسم وامي بقت يم ريماس متكدر تعوفها طبيت للكراج هدوء فتحت باب المطبخ ودخلت سمعت صوت بجي غمضت عيني ومشيت ببطء
دخلت للصاله واشوف اسينات حاضنه امها وتبجي وعمتي تبجي بحركه وتضرب على راسها وكلبها بقهر سديت عيني بضغف وفتحتها رحت يمهن حضنت اسينات الي منهارة على اخوها.
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
