في ازقة اليامن
بقلم: روز النداوي
لتنسون التصويت وتعليق بين الفقرات مشاهدة ممتعة
اريام:
وجهت نضري لصِنديد الي اخذ نفس بعمق وابتسم
الصِنديد: اخخ يابداياتي الجديدة شضامتلي من سوالف
ضحكت وهوة باوعلي ابتسم وكرص خدي بقوة ضربت ايدة اريده يوخر وهوة مستمر يضحك يباوعلي ويرجع نضره للطريق
اريام: وخخرر صِنندييدد وللكك اييي خدديي
الصِنديد: شلون خدود حلوة هااي
اريام: بعد شكد ونوصل تره تعبت
الصِنديد: بعد تقريبا نص ساعه
اريام: وين حنروح اليوم اقصد عندك بيت؟
الصِنديد: حاخذج لبيت صديقي يم اخته واني اروح بشغلة اخلصها وارجع اخذج
اريام: لاعزة استحي لا لا ماريد، اروح وياك حباب
الصِنديد: وين اخذج للمركز شبيج اريام!
اريام: حباب والله استحي اخذني وياك ابقه بالسيارة
ضل يستغفر ويباوعلي بطرف عينه الحمدلله ميضرب هوة جان اكلتلي راجدي لو واحد غيرة ماستبعد يذبني بالشارع هسة صرت غثيثه شويه بس استحي شسويله يمه نوب ناس ماعرفهم
بعد فترة وصلنه لمكان من شفته گلبي وكع عبارة عن ناس طوال ولابسين اسود وبيهم لابسين اقنعه على وجوهمم انتبهت لصِنديد لابس اسود باسود شويه وطلع لِثام من الجكمجه ولبسه السيارة مضلله فمحد شافه قبلها، باوعلي واشرلي اروح ورا
نزلت وهوة هم من شافو اخذو تحيه وهوة يمشي واني ارجف لو رايحه لبيت صديقه ولا هاي السواية نوب يباوعون بخزرة والله مو عصابجيه اني طالبه خامس تره، وصلنه كدام باب فتحه ودخل عباره عن مكتب الخاص بي صار كدامنه مكتبة عليهة لوحة النقيب يامن خالد حسام
الصِنديد: اكعدي هنا ولتطلعين ابد واي شخص يتصل علتلفون لتردين عليه لما اجي واني ارد
هزيت راسي وهوة راح ضليت اباوع على الغرفه واطكطك اصابيعي حسيتهن تكسرن تلفوني بقه بالسيارة ماكو غير تلفون صِنديد يمي فتحته طلعت صورته بملابس دوامه كاعد على درج جبير وبصفه كلب جبير اجيت افتحه طلع بي رمز
جربت مواليدة منفع جربت ارقام مفتح جربت تاريخ تعيينه هم مفتح اخر شي جربت مواليدي وانفتح التلفون ابتسمت واني اشوف صورتي اني ويا من صغيرة خلفيه شاشه رئيسيه
دخلت على شبكات الانترنيت اتصل بسرعه بشكة موجودة بالغرفة الاني بيهة دخلت على اليوتيوب وكعدت اطلع فيديوهات قصص من القرأن احب اتابعهن.
شوية وفززني اتصال شفت الاسم تيمور ضل فترة وانقطع الاتصال عبالي مراح يرجع يتصل بس رجع اتصل مرة وثنين.
أنت تقرأ
في ازقة اليامن
Любовные романыفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
