و ي ازقة اليامن
بقلم: روز النداوي
مشاهدة ممتعه
__________
مشهد سابق للتذكير:
هزيت راسي وهوة كمل
دانيال: يمكن شوفي يمكن كمت احب ريماس..
-
بيخال:
صفنت شويه علشارع رجعت باوعتله وكلت
بيخال: بس اوكف شويه شويه انتَ شنو!
دانيال: شبيك يابه كتلج يمكن كمت احب ريماس شوفي يمكن مو حب يمكن اعجاب ماعرف شنو هوة بس كمت افكر بيها اربعه وعشرين ساعه تخيلي من اشوفها تحجي ويه ادم او من شفت هذاك الولد بالمنتزة عصبت و وسويت مشكله.
ضليت بالخمس دقايق صافنه هذا شبي اخويه صار خفيف
جتي يمنه ثلاث ايام كام يحبها لو ضاله شهر جان شسوه.
بيخال: هسة شسوي اني تره دخت والله.
كفخني على راسي
دانيال: شبيج مثوله مو محترمج وكلت اختي وخلي اكللها تره غيري ميكول لاخته الصغيرة بس اني محترمج.
بيخال:هييي تره هنة سنتين لتذلني عاد
باوعلي بطرف عينه وحرك السيارة، ربطت تلفوني علبلوتوث وشغلت اغينه (هاذ الحلو كاتلني)
*هذا الحلو كاتلني يعمة
فدوة شكد احبه وارد اكلمه
*وانتِ شلون عمتي بيا مفتهمتي
وانتِ شلون اختي بيا مفتهمتي
*روحي كلها يمه يعمه يعمه
كام يغني ويطك اصبعتين ويه الاغنيه خربت ضحك عليه وكعدت اصور بي اخويه واكع على وجهة بس شبسرعه لحك ماعرف.
وصلنه لمحل مرطبات نزل جابلي ازبري و كيك واجه عود هذني يسكتني بيهن لان يعرف اي شي اروح اكول لامي.
مرة فترة بيومها كاعدة العصر بالحديقه اتصلت بيه ريماس
بعد السلام كالت
ريماس: ولج بيخال مكتلج شصار ويايه
بيخال: بسم الله شصاير منو مات
ريماس: هيوو لترحين زايد محد مات بس شسمه وصلني متابعه من حساب وهمي هاي من رجعت من يمكم زين
صفنت شويه وعرفته دانيال حاولت اكتم الضحكه وجاوبتها
بيخال: زين شصار
ريماس: شو هاذ حسسني رجلي واني ماعرف نشرت الصورة الي صورتينياها بالمنتزه وجهي مبين بيها جان يدز رسايل يكولي مسحيها لا امسح وجهج.
فحطت ضحك كوه سكتت هاذ اخويه وصل تقصى مراحل الغيرة خوش والله.
كملنه حجي طبعا حجينه على دانيال كومه وهية ترزل بي وترجع ليورة واني ارزل وياها هم متت ضحك.
مر فترة هدوء ماكو احداث بيوم راسلتني ريماس كالت حيجون يعيشون ببيتهم الجديد بعد يومين اني كبل طفرت لغرفه دانيال
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
