في ازقة اليامن
بقلم: روز النداوي
لتنسون التصويت ومتابعه حساباتي
مشاهدة ممتعة♡
_______________
ريمان:
من حجه نصدمنه لان منعرف بي حيجي لهنا.
ريمان: بابا شوكت يجي انتَ مو كلت مو هسة؟
قاسم: اليوم نزل وكال اجيكم يومين ثلاثه وارجع التحق ميبقة هنا واني حروح الدوام اسبوع يبقى بمكاني.
صح مدة قليله بس فرحنه انو حيجي ويمكن يروح ويانه للشمال اذا كدر.
اكثم خابر صديقو واجل روحتهم واحنه طشرنه كل واحد رجع لبيتو طبعا بعد تنضيف للحديقة تحت التهديد اكثم وايهم لازمين صوندات وواكفين الي يطلع ياكلو ضربه يله عدا دانيال يخافون منو محد يتقرب طلع واخذ وياه ريماس واسينات يكول هذن ميشتغلن.
(ياخي شهل تفرقة مادري😂)
رجعنه للغرفه ميته تعب كبل بفراشي طبعاً اختارينه اثاث للبيت بس بعدو مواصل وحاليا ملابسنه بعلاگه و ننام على فراش بالكاع والغرفه نارر بعدهم مشادين سبلت بس بنكات.
ثاني يوم كعدت من الصبح نضفت غرفه ماجد وفرشتلو بيها وعطرتها وطلعت رجعت لغرفتي رتبت وسبحت ونزلت جوة.
لكيت امي كاعدة تنضف بالجوة و منكعه تمن وعلى صفحه تسلك ورق عنب.
ريمان: صباح الخير ماما
شيماء: صباح النور عيني سوي ريوك وروحي كعدي خواتج يلة عيني لما انضف الصاله والغرفة.
هزيت راسي
ريمان: ماشي ماما.
صعدت للغرفه ريماس بسابع نومه ونايمه بالعرض عبالك تتعارك من تنام خربت ضحك عليها وماريانا جانت يمنه سهرانه ونامت هنا هم بصف ريماس كعدتها متكعد ضليت اهز بيها واضرب بخدودها وبطنها اخر شي كعدت ضربتني راشدي ورجعت نامت.
ضليت صافنه استوعب هاي شبيها بس اني اسكت وماردها مو عيب كمت طلعت سماعه بلوتوث صوتها عالي كلش.
خليتها بينهن لان تعبني طلعت اغنيه ردح وعليت الصوت اعلى شي وشغلتو بالبدايه مكعدن بس فجأة صار صوت هلاهل قوي وكعدن واني واكفه على صفحه اتشمت بيهن واضحك.
ماريانا: وسمم شبيج خبلتينه اكو واحد هيج يكعد العالمم.
ريمان: انتو عالم؟ حب مخربطه انتو حيوانات حرام اخليكم
ريماس: اوكفيلي انتي جلدج يحكج.
طكيتها بركضه جوة وهية عافتني وراحت للحمام.
طبيت للمطبخ خربانه ضحك لكيت ايهم كاعد علميز وياكل كيك شافني هز ايدو ويحجي.
ايهم: جتي الجنيه شبيج من صباحيات الله.
ريمان: اهووو هم اجه انتَ شعندك يوميه يمنه منريدك ياخي!
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
