في ازقة اليامن
بقلم: روز النداوي
مشاهدة ممتعه.
_________________
مشهد سابق للتذكير:
فتحتهن ونصدمت من كمية الرسايل على الستوري
الي مبين بي وجهي وكلهن عبارة عن رساله وحده.
: امسحيها لا امسح وجهج.
_____
ريماس:
نصدمت ورحت تأكدت من الحساب شفتو نفسو الحساب
الوهمي طنشتو ورجعت اشوف الرسايل وارد على الاعرفهم
شويه وهم رجع يدز رسايل وكلهن تهديد هنا خفت اخذت التلفون وطلعت ادور ريمان هية الي حتساعدني شفت باب السطح مفتوح رحت لكيتها كاعده ومخليه سماعه وصافنه
رحت يمها سحبت الهيتفون وضربتها على راسها وهية فزت
ريمان: شبيج خرعتيني هوة هيج
ريماس: عوفي الرزايل هسة شوفي هاذ بس يدز.
اطيتها التلفون كامت تكلب بالرسايل وهية مستغربه كل شويه تسوي حركه بحاجبها ووعيونها باوعت عليه وكالت
ريمان: هاي شنو رسايله كلها تهديد ومسحي لا امسح وجهج
معرفتي منو هاذ؟
ريماس: يعني بربج مدشوفين الحساب وهمي!
ريمان: عوفي هسة فد ساعتين يجي ماجد وشوفيهيا.
هزيت راسي واخذت تلفوني ونزلت خليته علشحن ورجعت اقرة.
مر اليوم طيبيعي جنت اغسل بالكراج ومخليه سماعه ومشغله اغاني.
طلعت اغنيه لساجدة عبيد واني اموت علركص لازمه الماسحه
واهز جتف صونده المي جنت مخليتها على صفحه وساده البوري ماحس غير تبلتت مي كمت اكمز واعيط
ريماس: وج ريماننن مخليه سماعه حتحتركك ولج هيوووو
وخرت السماعه ونداريت لكيته ماجد واكف يضحك ولايرش عليه المي، ذبيت الصوندة وركضت عليه حضنته من خضره وهوة حضني قوي ويبوس براسي.
ماجد: هلا هلا بروح اخوها شلونج
ريماس:الحمد لله شوكت اجيت
ماجد: والله من بديتي تطكين اصبع.
ضحكت وبستو من خده قوي وهوة حضن جتفي ويمشي للبيت
نسيت التلفون برة والمي مفتوح ورحت ويه ماجد لان كلش مشتاقتلو.
سلم على ماما والبنات وصعد فوك واني طلعت كملت الكراج وطبيت جوه رحت بدلت ملابسي و مشطت واخذت تلفوني ونزلت لماجد اشوفه الرسايل.
نزلت شفتو كاعد يباوع علتلفزيون رحت يمه كعدت.
ريماس: ماجد باوع
انتبه عليه هز راسه بمعنه احجي
ماجد: ها عيني محتاجه شي.
ريماس: باوع انت مو تعرف اني انشر ستوريات بيهن صوري فالبارحه نشرت الصوره انت شفتها شويه واجاني رسايل من حساب وهمي شوف.
أنت تقرأ
في ازقة اليامن
Romantikفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
