في ازقة اليامن

P17

في ازقة اليامن

بقلم روز النداوي

ههلا يـ بعُد أسـٌمي' وبعَد ڪل سالفة بࢪوحي ..

لتنسون التصويت وتعليقاتكم الحلوة
مشاهدة ممتعه
______________

ريماس:

بفترة الامتحانات صار علية ضغط جبير وخوف اكبر من عدم تحقيق حلمي جنت احس طاقتي خلصانه كلش ومتأذية بهاي الفترة داينال ابد ماعافني اني وريمان وبالاخص اني جنت حته لو بالوحده اروح لماجد يراسله يخلي يشرحلي بالاخير ماجد زهك مني انطاني حسابه..

تابعته وبديت اراسله واخلي يشرحلي جان كلش تعامله حلو ومؤدب ويايه وحنين حته ويه ريمان بس احس اني اكثر ليش معرفت السبب اله بعدين.

جنت كاعدة الصبح انتضر النتائج ومنشروها فجأة اجاني منشن على ستوري صفنت هاي شكو رحت شفته طلع من دانيال بس كلام تحفيز كلش حلو ومخلي صورة عائلية النه سوة كلنه ومغبش عليها مبين بس اني وهوة ضحك ورديتها بالاستوري عندي كتبت (اخويه الثاني) شو هاذ شافاها ودز لايك وسكت.

مخليت ابالي هيج شي ثاني مشيت اليوم طبيعي.

ثاني يوم جان موعد النتائج انجمعنه كلنه ببيتنه وموجودين ثلاث طلاب سادس اني وريمان وبيخال ماريانا وسيبر نجحو وخلصو واحنه ننتضر شوكت يحنون ويعلنون النتائج.

كاعدين بالصاله كل واحد بيده تلفون واني من التوتر ايدي ترجف وعيوني دموع دانيال يباوعلي بنضرات كلها خوف واني اباوعله وادمع من التوتر غمض عيونه وهز راسة بحركه يطمني بيها ونزل راسه يكتب بتلفونه شويه وصلني مسج منه

:: ريماس لتتوترين شتجيبين عادي اهم شي تنجحين ياعيني لتخافين ولا ابد انتي شاطرة وحطلعين احلى محامية ماعدنه محامية ضعيفه احنه زين محاميتنه الحلوه.

فرحتني رسالته هواي وشجعتني هديت نفسي شويه واباوع البيت كله هوسة انتضار النتائج حاول ضيغم يغيرلنه جو

ضيغم: ايبااا العام جنت مثلجن انتضر نتيجتي

اكثم: اي وصخمتها حضرة جنابك الكسيف

ضيغم: ليش عيني شبيها ال80 تكرص

ايهم: اسكت فضحتنه مقدم علم نفس كم منا لا اهفك بالطاسة

صدك غيرولي جو وضحكوني ولنص ساعه طلعن النتايج من التوتر صرت اشوف التلفون ثنين الرابط ميفتح علية ضغط واحنه نتراجف كمت ابجي وماجد حاضني ويسكت بيه ودانيال مخلي بيخال بصفه وعينه عليه وريمان بحضن امي.

ريمان:

لحضات اشبه بالخيال اتوقع هاي اكثر لحضه فرحت بيها بحياتي شفت فرحه بعين ماجد مو طبيعيه حسيته ملك الدينه امي تهلهل وتطش جكليت، اي مثل متوقعتو نجحنه من اول دور وبمعدل الي نريده اني جبت 93.7 وريماس 90 وبيخال اكثر وحده تعبت ودرست وتستاهل تعبها 96 طبعا ويه الاضافه درجه من اول دور صرنه 94.7،91،97.