في ازقة اليامن
بقلم: روز النداوي
لتنسون التصويت مشاهدة ممتعة♡.
_______________
ريماس:
ضَياع في ضَياع
لَوم نَفس ونَدم
تَضن انَها السَبب
فَهل هِي السَبب ام لا؟
دخلت للقاعه وبلشت المحاضرات كعدت بالستول وذبيت جنطتي بالكاع بصفي مدنكه دطلع دفتري واسمع صوت شخص يتحمحم رفعت راسي شفته واكف وخازرني
هزيت راسي بمعنى شنو مجاوب
دانيال:عدكم خمس دقايق مراجعه ويبلش الكوز
لزم تلفونه يتصفح بي اني جنت مراجعه مرتين فمحتاجيت ضليت اتصفن جان تلفوني بجيبي اهتز معلن وصول رساله
فتحتها
دانيال::لتدنجين تره شعلتيني شعل
ريماس:: تره ممدنجه بشارع عام شبيك
دانيال:: ريماس بعدين نتفاهم
ذبيت التلفون وزفرت نفس رفعت راسي محد منتبه ويايه وهوة عينه على كل الطلاب بس اكثر شي عليه بلش الكوز
لزمت القلم وبلشت احل شويه شويه كلهن عرفتهن سلمت الورقه اول وحدة ورجعت كعدت بمكاني
دانيال: انتبهو لاملائكم اقل حرف درجه وحدة
رفعت حاجبي وهوة باوعلي وخازرني غير اعرف شكو جان ارتاحيت يعني هوة درسني وامتحني مرتين ومرتين اخذت درجه كامله واليوم الاسئله سهلة شككني بنفسي
خلص وقت المحاضره بين كوز وبين شرح طلعت للحديقه ضليت كاعدة اطك صور لو اشرب بالجاي مالتي شفت الساعه بعد نص ساعه وتطلع ريمان واني وراها
رجعت لمحاضراتي والي روحي طلعت وهنة مخلصن كوه طلعت متوجهة لمكتب دانيال بيدي حليب فراولة وامشي مستعجلة عيني على حذائي مدري شبي حسيت انضربت بشخص
فزيت ورفعت راسي اشوفها بنيه من شفتها حرت وين انطي وجهي
ريماس: اسفه حبيبتي منتبهت تريدين كلينس؟
: انتي غبيه عمية متشوفين
ريماس: شبيج هيي مو كلنه اسفين
: شيفيد اسفج هسةة قميصي ابيض يالعمييةة
ريماس: لاا انتِ مو مال احترام ابد لغيت وكتلج منتبهت
ضلت تعيط وتصيح بنص الحديقه والعالم صافنه عليها اني من العصبيه صار وجهي احمر وارجف فززني صوت جنت محتاجه وجودة ويايه
دانيال: حضرتج صوتج نصي مكاعدة بشارع انتِ بعدين شصار هذاك حمام(اشر باصبعه باتجاه الحمامات) وروحي غسلي قميصج صعببةة؟
أنت تقرأ
في ازقة اليامن
Romanceفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
