في ازقه اليامن
بقلم: روز النداوي
من لگيتك چن لگيت الكون محبس
من عقيق و حاير بيا چف أضمّه .
------------------
ريمان:
بِداية جَديدة
اشيَاء لَم اكن اتَوقعها
حُب جديد وحَبيب جَميل
هَل كَِانت تعلم؟
بِماذا تعلم؟
باللذي سَوف يجري لها!
حياة هادئه اشوف الفرح بعيون ريماس ودانيال الي كل
العائله شهدت حبه الها وهية اني شهدت حبها اله فرحتهم
مو طبيعيه ببعض حيستهم طيور ومحلقين سوة.
اما اني! حادثه الاختطاف الكذبي بعدها مأثرة بنفسي صرت اخاف من خيالي اخاف اطلع وحدي اطلع اضل اتلفت وامشي يجيني احساس اكو شخص يراقبني يمشي ورايه وين ماروح
صافنه علدكتور الي يشرح ونص الطلاب مغلسه يحسسوني احد جابرهم علكيمياء وزع درجات الكويز
: ريمان قاسم 10
ابتسمت وعدلت شعري سمعت صوت صفير انداريت ولد ورايه كاعد ويصفر بصوت ناصي رفعت حاجبي
ريمان: ويايه؟
- اي وياج
ريمان: خير اخي شكو؟
- اخي؟ ههه لاربحنه
ريمان: اختصر رجاءً
- شلون جبتي 10 ربع ساعه ادرس وجبت 6
ريمان: تره كلها كيمياء عضوية! بعدين الربع ساعه
5 متجيبلك.
- هوة بس الحلوين ينجحون!
باوعتله بصدمه ودرت وجهي يمكن اذا بقيت احجي ويا هسة ابتلي بي وامسح بي القاعه كلها.
طلعت من المحاضرة عندي ريست وراها اروح للمختبر تمشيت للكافيتيريا اجيب كهوة لان اليوم مشربتها واحس يومي بي خطأ.
اخذتها ورحت كعدت بالحديقه بايدي الملزمه واكلب بيها حسيت خيال صار يمي رفعت راسي شفته يامن
ريمان:- يمهه شجابك هنا وخر وخر
يامن:- الفضل لبرنامج التعقب عزيزتي
:- يامن وخر ليجي ابن عمي شيكول!
:- ادري كاتلج بايگج شبيج اخذي نفس
:- استغفرالله يامن اختصر
: - اليوم ممنوع تطلعين ريمان ممنوع
:- ليش عود؟
مسح راسه بايدة ويستغفر اتكتف ورفع حاجبه
يامن:- الغثه العدكم انتو العلوم مو طبيعية
:- خير شكوو
:- صوتج عود تكول وخر لننفضح هوة بس صوتج
يفضح اكبر بشر
:- علساس حاجية بمكبر صوت
:- اني رجال وصوتي مو هلكد عالي
:- لازم متأكد انتَ رجال
صفن عليه واني صفنت احاول استوعب شجفصت ضليت افر بعيني وسعت عيني وضليت مركزتها بمكان دار وجهة يريد يشوف شكو
اخذت جنطتي وكمت امشي بسرعه درت وجهي لكيته يباوعلي ويهز راسه يتوعد فتح تلفونه كتب وضمه وصلتني الرسال
يامن:- الگفج الگفج واذا ماندمتج عليها ماطلع الصِنديد
ابتسمت وحبيت العب باعصابه
أنت تقرأ
في ازقة اليامن
عاطفيةفي احَدى مُحافَضات وَطننا في احد بِقاع الارض في بِلاد الرافِدين هناك فَتاة صَغيرةً عاشت مُدللة بين افرادِ عَائلتها لكِن هَل للقدر رأي اخر؟ اين تَجوب بها الحَياة ماهي التَجارب الي تَواجهها! كَيف سَتواجِه صُعوبَـات الحَياة هذا ما سنتعرف عليه في روا...
