أحببتك في الخفاء باللهجة الجزائرية 💌

09

ماتفهمش نقص
ريتال : سمااااا واش هذااا
أنا : عاونيييني ندخل لدار و دوك نفهمك كلشي
كنا نهدرو كيما محابيس لي يجو يهدرو أه يا إيتام كون قعدت في حفرة ولا هاد تبهديل
شفتها كي حلت عليا الباب و دخلة تع السراقين لي دخلناها قبل ماتحكمنا خالتي تقيسنا من تاقة
غير دخلت رميت روحي على السرير و قعدت نرجع في أنفاسي فتحت عيني و قابلتني ريتال
كانت عاقدة حواجبها و مربعة يديها
ريتال : فهميني واش هاذا !!
حمحمت .. كيفاش نقولها كنت عند طفل ...
شديتها من يدها و قعدتها على السرير
: أنا لبارح كنت في سبيطار و هربت و تودرت في الغابة و طحت في حفرة و عرفت عندي خويا
ريتال : 😶😶
شفت فيها و هيا ترمش بعينيها
جريت الباب قبل متخرج و تعيط
ريتال : سما بعدي خليني نخرج نتي هبلتي
أنا : خليني نفهمك
عطيتها أكبر نظرة ترجي نقدر نديرها
بعدما ضمنت أنها مراحش تخرج قبل ماتسمعني وفي نفس الوقت كنت محتاجة وحدة نحكيلها سو حكيتلها كلشي ووريتلها تصاور لي سرقتهم من تلفون إيتام و حتى تصويرة لي كنت رضيعة فيها
شفت في ردة فعل ريتال و كانت أسوء ردة فعل شفتها في حياتي
ريتال : هدا زل خوك
قدرت نشوف قلوبة من عينيها خارجين و تصويرة تع رائف لي دخلتها في وجها وهيا تشوف في تفاصيلو

أنا: محتاجة طريقة نكشف بيها السر قبل خطبة

حطيت يدي على راسي من كثرة تفكير و رميت روحي على سرير بتعب وغمضت عيني ماحسيتش على روحي كي رقدت
فطنت على سما وهيا وتنوض فيا وتجبد في الغطا من فوقي
أنا : ريتاااال خليني نررقد
ريتال : نوضييي إيتام راه تحت
غير سمعت إسمو قفزت من بلاصتي واش راه يدير هنا
شفت في ريتال و ضحكة لي كانت حاكمتها
ريتال : نسيبي ركبلك خلعة
رفدت مخدة و قايستها بيها
أنا : حبسي عليا تمسخير ، راهي 5 تع حشية واش كاين
ريتال : أقعدي عندي فكرة
أنا : فكرة !!
جات قعدت حذايا وجبدتلي من جيبها



قعدت نقلب فيه أما مافهمت والو
: شوالا هدا !
ريتال : هدا جهاز تجسس و في نفس الوقت تسجيل
: واش ندير بيه
رميتو فوق الفراش و جيت نايضة
ريتال : نحطوه في دار لي كنتي فيها و هكا نسمعوو واش يهدرو
درت ليها و عينيا قريب يخرجو من بلاصتهم
هدا كلو من أفلام أكشن لي تتفرجهم
: منيتك !!! باغية نحط كاميرا في دار مخلوق
شافت
فيا بإبتسامتها الشيطانية
ريتال : مكانش أحسن من هاذي فكرة ونتي عندك غير 15 يوم في يدك
دخلت يدي في شعري من قلق من جهة عندها حق وقت مراهش ل صالحي
: نخمم و نقلك
_____________________________________________________
كنت حاطة راسي و نخمم ليوم فاتو 4 أيام و أنا مزال ماعرفت والو حتى إيتام إختفى من الجامعة و تلفونو كان خارج تغطية
جاني صوت مناداة قاطع تفكيري
:أنسة سما
طلعت راسي على نداء موظفة بإسمي
فقت على روحي من دوامة تخمام حاولت نخفف توتر و نخلي تنفسي طبيعي
و دخلت باه نقدم مقابلة عمل
 
_ كنت نمشي ونستكشف في hotel بعدما حطيت civi تاعي مع أني علابالي مراحش يقبلوني بساهل في فندق 5 نجوم ويصنف من بين أشهر سلسلة فنادق في العالم  و لكن مع إقناع ريتال و civi لي موديفاتولي على أني نعرف خمس لغات 
خبرتكم بلي هاذي طفلة متأثرة ب أفلام أكشن
حتى شهادات لي حطتهم في civi كانو شهاداتها بما أنها تقرا في معهد لغات و غيرت إسمها بإسمي و بعدما شفت مجهود لي دارتو وهيا تموديفي فيهم و بكاها لي صرعتني بيه حتى أنها إستعملت طريقة تهديد في أنها تقول ل ماما كلشي و أخيرا إقتنعت و قبلت
علا أقل يكون عندي شرف أني نستكشف فندق