أحببتك في الخفاء باللهجة الجزائرية 💌

21

عينيها زادو وساعو و ووساعو كتر كي قلت شكون هو راجلي

دخلتها ل شمبرة و غلقت باب

: ريتال أسمعيني

حكيتلها كامل حكاية

ريتال : انتي منيتك هدا كامل صاري و محكيتيليش

: ريتال منقدرش نهدر و خاصة سما ما لازم تعرف والو

لحد الان معلاباليش كيفاش راح نقنعو بلي ماتت

شفتها كيفاش بدات تبكي

ريتال : متخافيش أنيا راح ترجعلك

تنهدت و هزيت راسي الانو حتى أنا متاكدة من انو أنيا بخير الانها مراهيش معاه و انما راهي مع رجال زاك أما خوفي أنه يكتشف بلي راني نهدر مع مخابرات في هداك وقت متاكدة راح يخرج حقدو في انيا

خرجت ريتال و خلاتني نريح ...انقلبت على جنبي بما أنو ملازمش نرقد على ظهري ...حطيت يدي على كرشي ... للحظة تخيلتو بين يديا ...غمضت عيني حتى رقدت

نضت نتكسل شفت في ساعة كانت 3 تع صباح

رقدت من 14 ل 3 تع صباح راح نولي منا على 3 اشهر شكارة تع رقاد 😫

من المفروض ليوم راح يخبروني بالخطة

شفت من جيهتي لقيت سما و ريتال راقدين

سرحت في س منهما " واش ذنبها "

حسيت بضيقة في دار حتى شمبرة مغمومة كرشي قعدت دير في أصوات

ياربي توحشت بيتزا

كنت باغية نبكي و انا نتخيل في روحي ناكل بيتزا

رفدت تلفون و خرجلي نيميرو تع زاك

نعيطلو ولا منعيطلوش

قعدت نتضارب مع روحي علابالي بلي هدا وحم بصح ... اوفففف

بلا ما نحس يدي توشات نيميرو تاعو و بدا يعيط

حطيت يدي على فمي من خلعة قبل منكوبي

قعدت ندعي في ربي يكون راقد ولا يشوف ابال تاعي و يحسب روحو عليا ...

كنت قاعدة حتى حسيت بتلفون يفيبري في يدي و كيما متوقع زاك

زاك : صوفيا ؟؟ واش كاين

كان يهدر بلهفة و يبان نايض من رقاد و تنفسو يزيد

: والو غلطت برك

حسيت بيه كي هدى و نفسو انتظم

زاك: واش قاعدة ديري هدا وقت ؟

: مجانيش نعاس

زاك : اوكي ...متسحقي والو ؟

: واش راح نسحق منك مثلا

زاك : نهار واحد ابقاي بلا مشاكل

جا راح يكوبي مي مقدرتش نتحمل