أحببتك في الخفاء باللهجة الجزائرية 💌

10

تع ليل :
أنا و ريتال مزالنا نايضين مقدرتش نرقد من تخمام في إيتام شكون لي كانت معاه ؟ كنت حاسة  قلبي يتكسر كل ماتجي هديك لقطة بين عينيا
غمضت عيني و أنا نحاول نتجاهل أفكار شيطانية

  جاني صوتها بعدما ناضت
ريتال : سما لازم نروحو يكونوا رقدوا
نضت من فراشي فتحت باب الشمبرة طليت براسي أما الحركة مكانش
دخلت ديراكت لبست لبسة لي عطاتهالي
كنت خارجة من باب الشمبرة قبل متسحبني ريتال معاها ل جهة تاقة
: واش كاين خلينا نخرجو
ريتال : كيفاش نخرجو من الباب وبغيتيهم ميفطنوش راح يفيقولنا
تنهدت عندها الحق 50./. راح يفيقولنا اذا خرجنا من الباب
: واش نديرو دوك
ريتال : عندي الحل
شفتها كي حكمت تلفون و كتبت ميساج قبل منسمع حجرة ضربت في تاقة غير طليت لقيت طفلة لابسة كلشي نواغ مع شعرها قصير و رافدة حجرة فيدها
: ريتاااال شكون هاذييي ؟
ريتال : متخميش راهي كونفيونس هيا تعاونا عندها خبرة في هاد صوالح
نطقت قبل متفتح تاقة و تسوطي من فوق
شهقت و حطيت يدي على فمي لي وصل للرض من واش دارت عيطت عليها و أنا نهمس
: ريتاااال واش صرالك
ريتال : راني موالفة دالتك سيي تسوطي و أنا و صوفيا نشدوك
قلبي رجع يضرب 60 في ثانية
كيفاش نسوطي راح ننتحر سير بلاص و أنا حفرة ماقدرتش نطلع منها 
صوفيا : هيا سمااا متخميش ماراهيش بعيدة ميصرالك والو
تنفست و درت كاسكيطة و هبطت رجليا من تاقة و درت بالجسم تاعي و خليت يديا حاكمين في تاقة أما قبل منقيس روحي يدي زلقت و سوطيت على غفلة قبل منوصل لرض حسيت روحي طحت على حاجة مطاطية و جسم تع ريتال لي كان حذايا و يدي لي خبطت مع لرض
: اييي يدي
ريتال : يا سمااا كسرتيلي ظهري نوضي
صوفيا : سكتونا نتوما زوج ونوضو قبل لا يفيقولنا
ناضو و عاونوني كي نضت لقيت روحي طحت فوق سبونج بصح كبيرة كيما لي تكون في لماناج
: واش هذا وين جبتوها
غمزتلي صوفيا
صوفيا : خفت كاش مايصرالك أيا قبل متطيحي رميتها باه طيحي فوقها قبل منجاوبها حكمتني ريتال و جرتني موراها ل طنوبيل ركبت من لور و صوفيا تسوق و ريتال مدخلة راسها في تلفون 
و أنا نشوف في ريتال باه تفهمني علاقة صوفيا في سوجي وشكون هيا قاطعتلي أفكاري صوفيا
صوفيا : متخميش سما راح نوصلكم و نعس بلاصة ونتوما تدخلو مراحش ندخل روحي في خصوصيتك بما أنو ريتال هدرتلي عليك علابالي عندك سبب قوي 
ختمتلي كلامها بإبتسامة رديتلها تبسيمة كانت ريتال و دوك صوفيا علا أقل لقيت زوج بنات يعاونوني
حطيت راسي على تاقة قبل منوصلو قلبي راه يخبط اذا فاقلي واش راح تكون ردة فعلو
ريتال : وصلنا
شفت في دار لقيت عنوان صحيح نفسو
صوفيا : أنا راح نستناكم هنا اذا شفت حاجة راح نعيط ل ريتال و هيا دبر راسها
ريتال : متخميش حتى تكمل سما صوالحها راح نخرج
نزلت ودرت كاسكيطة
:مخطط تع دار كان سور و باب رئيسي اذا دخلنا من سور و دخلنا لحديقة لي برا من تم راح ندخل من باب خلفي و نحط كاميرا في صالون و نخرج

قبل منكمل طريقي شفت في ريتال و همستلها تبسمتلي و فاتت عند الباب  رحت ل هداك سور كان طويل شفت من و من مكان حتى حاجة نطلع فوقها قعدت ندور في ديك بلاصة ونخمم كيفاش راح نطلع
طلعت راسي للغصن تع شجرة لي داخل حتى لداخل
تبسمت قبل منطلع فوق الشجرة و نمشي فوق داك غصن
: أه يا إيتام وليت كي قرد على كبري
غير لحقت الحافة تع غصن نزلت ل داخل بديت نمشي على طراف صباعي
وصلت الباب لي راح يدخلني ل داخل اما كان كاين رقم سري
سييت كامل أرقام أما والو حتى إيتام ذكي ل درجة دا 19 في كونترول بلا ما يحضر كور معناها مراحش يدير رقم ساهل
: رقم الخزنة
تفكرت رقم تع خزنة لي دارو قدامي
كتبت رقم قبل مايضرب ضوء في عيني دلالة على أن باب إنفتح سعادة لي حكمتني كتر من نهار ريزيلتا تع باك دخلت لداخل جبدت من جيبي جهاز  قعدت ندور في صالون ونخمم وين نحطو كانت ظلمة و منقدرش نشعل ضوء ...  حسيت بحركة مورايا درت بلخف أما مكان حتى واحد ... قلبي كان يخبط كلو من أفكار ريتال و أنا ندور حسيت ب عبد يتحرك مورايا درت أما كي العادة مكان والو ...قعدت ندور بمقلوب و بلا مانحس تعقلت بطابلة كنت نستنا في روحي نتشقلب و ظهري يتكسر أما حسيت بيدين ملفوفين على خصري و كاسكيطة لي طارت و حاجة باردة على جبهتي جاني صوتو  عروقي جمدو وقلبي زاد في دقاتو
إيتام : شكون أنتي
معرفتش واش نهدر قعدت ساكتة حتى عاود جا صوتو أما هاد مرة كنت أسرع منو
إيتام : سام شعل ضو
و قبل مايشعل ضو رميت جهاز تحت فوتاي قبل مايشوفوا راح نعرف معناها راح نعرف
غمضت عيني كي شعل ضوء مكنتش حابة يشوفوا ردة فعلهم  غير فتحت عيني قابلني إيتام وهو حاط سلاح على راسي و نظرة تع تعجب لي كانت عليه حتى سام لي كان داير سلاحو من جيهتو أما تركيزي كان غير علا سلاح إيتام و سلاح ؟؟ أنا فيمن طحت مافيا ؟؟ واش يديرو بيه
وذني حسيتها تصوني من عياطو
إيتام : سمااا واش راكي ديري هنا
أما انا مكنتش حاطة معاه تركيزي كامل كان على سلاح  لي مزال على راسي
: سس...لاح
حسيت بلرض تلعب عليا شفتو كي رما سلاح على سام لي حكمو بطريقة تع واحد متدرب  قبل ميحكمني و يحطني فوق فوتاي
إيتام : سماا راكي مليحة شوفي فيا
طلعت راسي ل عينيه بلو ... عندي شعال مشفتهمش من قرب
إيتام : واش راكي ديري هنا سما
سكت من حصلة لي حصلتها هبطت راسي حتى سام لي كان قاعد مقابلني كان باين بلي مراه فاهم والو  أما خيرت نبقى ساكتة أما السبب هو طفلة ديك لي كان معاها كل منتفكر كيفاش كانت لاصقة فيه جنوني يطلعوا
فاتت ربع ساعة
أنا هكاك قاعدة و ساكتة و إيتام لي قاعد يدور في صالون شعرو كان راح ينحيه من بلاصتو من قلقة و أهم من سكوتي حسيت روحي في مكان تحقيق
شهقت بصدمة و جيت نايضة من بلاصتي ضربة وحدة  كي تفكرت ريتال و صوفيا يكونوا يستناو فيا
تفكرت ريتال و صوفيا
: أنا لازم نروح
قبل منخطو زوج خطوات
يدين إيتام ثبتوني
إيتام : جيتي في نص ليل و لحد الان ماقلتي والو وراكي باغية تخرجي كيما بغيتي راكي عارفة بلي جيتي في أكثر وقت غالط 

كان يهدر و يصر على أسنانو قريب يطرطقهم داخل فمو أما حسيت بكلام في فمي وعلابالي مراحش نريح غير اذا طرطقت فيه

: وقت غالط ؟ نسيت بلي وقتك غالط يكون غير معايا أما كي كنت في أوتال مع .... تاعك مكانش غالط يا خطيبي شباب
شفت في عينيه يتوسعو كل كلمة نقولها  دفعتو من صدرو و جيت رايحة و هاد مرة حكمني من يدي و زير عليها
إيتام : سما حبسي
: واش نحبس
إيتام : حبسي من أنك تشوفي الناس كامل في مراية ماضي تاعك
حنا هكاك سمعنا صوت عياط ريتال شهقت قبل منجري لبرا و نشوف واش كاين 
_____ريتال تحكي ______________________________
الله يلعنك يا سما راني عند الباب في نص ساعة نستنا فيها و مخلوقة مبانتش و ياخوفي يكون فاقلها كنت قاعدة حتى حسيت بقطة صغيرة عند رجلي أما غير جيت نرفدها هربت خفت كاش مايصرالها في طريق و على حساب شوفة سما راهي مطولة رحت نتبع فيها أما غير دارت حسيت بإرتجاج مخي معلاباليش في واش زدمت شديت راسي بين يديا من وجع
ريتال : أيييي راسي
: واش راكي ديري هنا
طلعت راسي ل مصدر صوت ويقابلني واحد برقبتو مرسومة حتى ل كتفو
: وشم
طلعت عينيا و دققت فيه باه نتأكد اذا هو
حطيت يدي على فمي نص من خلعة و نص من الفرحة
: را..ئف
طلع حواجبو فيا
رائف : من وين تعرفيني ؟
حاجة وحيدة لي متاكدة منها أني عكس سما و إذا لقيت فرصة ل حاجة منضيعهاش حمحمت وقعدت نلعب ب طرف فيستة نخمم في كاش كذبة حسيت بمخي يمدلي في إنذار على واحد مسلسل تع مهووسين و بما أنو فرصة جات عندي مراحش نرفض 🌚
فيكسيت عينيا فيه 
: تقدر تقول معجبة سرية
ختمت كلامي و أنا نشوف فيه أما مدار حتى ردة فعل شعرة و متحركتلوش كون يعترفلي كاش واحد بإعجابو نحفر لرض من فرحة
عطاني نص تبسيمة و جا داخل كي شغل معلابالوش ولا كاين كائن أنثوي قدامو لعنت روحي كنت حابة نربح الوقت أما هو حجرة مي وين يدخل و سما مزال مبانتش لازم نحبسو عضيت على شفتي من واش راح ندير
: راااائف
دار ليا بلعت ريقي و شديتو من يدو باه يتوازن معايا  و يديا لي كانو يرجفو دورتهم على رقبتو ليوم عرفت بلي سما عندها حق كي قالت بلي مسلسلات راح يتخلطولي مع واقع
غمضت عيني وحطيت شفاهي على شفاهو حاولت نخليها سطحية باه نربح وقت و نلهيه حتى رجليا لي كانو يرجفو من خوف و توتر حطيت يدي على صدرو باه نبعدو أما هو فيكساني عندو
قبل مايقربني ليه و يكمل فيها ... حاولت نبعدو أما حركة تاعي رجعت مشلولة و هو حاكمني من كل جهة و طريق
حسيت بيه و هو يبعد عليا و يرجعلي في تنفس ... وجهي كون لقيت ندفنو فلرض و مشكلة هدا وين فقت على روحي واش درت هيا مراحش تكون مشكلة إذا تزوجنا أما اذا عندو وحدة في حياتو و أنا دوك خسرت ماي فيرست كيس مع واحد ... حسيت بيه كي بعد عليا و أنا مزالت دافنة راسي في بلاصتي و رما روحو على حيط
قعدنا عشر دقائق بنفس الوضعية
سرقت نظرات ليه كان خالي من ملامح متكي على حيط وخطرة على خطرة يسرق نظرات لساعتو وأنا كنت كي تمثال ماعرفت نهرب ولا نقعد سما مزال مابان عليها والو وحتى صوفيا محرقتش تلفون على راسي
شفت في ميساج لي لحقو قراه و تبسم 
رائف : سما راهي داخل و نتي راح تبقاي معايا هنا حتى يفريها إيتام معاها
: سمااا؟؟
حكمني من يدي و جرني عندو
رائف :  وي بنت خالتك لي دخلتو ل دار في نص ليل
: خليني نعيطلها و نروح
جيت راح نهرب منو أما عاود حكمني
رائف : ريتال حكمي بلاصتك جيتو في الوقت الغالط و اذا مراكيش باغيتنا نموتوا كامل هنا راح تسكتي وتبعيني

_______________________________
شكرا على دعم أعطوني أفكاركم و توقعاتكم باه نكمل 💗👋🏻