حسيت بيدو زيرت على معصمي تجبد فيا موراه لداخل دار
شفت في ماما و رائف لي راح يجري ل إيتام يشد فيه ... كنت قاعدة في الزاوية و يديا على وذني ... شفت في إيتام كيفاش عينيه لقطوني و أنا واقفة بعدما تكالما... حتى نظرة تع ماما ليا كانت نظرة غريبة
قدمت ليا و أنا بعيدة عليهم و جبدت باسبور
ماما : راح تروحي مع إيتام شفت فيها خزرات و مزال مستوعبتش واش راهي تهدر
: واش قصدك
ماما : لي عندي قلتو راح تروحي مع إيتام راح نوجدلك حوايجك
: وين نروح واش رآه يصرا فهميني
ماما : من أحسن متفهميش دوك ديري واش راني نقولك
شديت على يدي بقوة و عضيت شافتي قريب طرطقت دم في فمي كانت دايرة و خارجة ! يعني هكا نورمال كي يقولولي أقعدي نقعد و كي يقولولي روحي نروح
: مراحش نتحرك
دورت عينيها عليا
ماما : مزالتي تقسحي في راسك كيما قسحتيه من قبل ، أنا أمك و نعرف واش راني ندير
كان لازم تقولها قدامهم كامل ؟ لازم تلومني على حاجة ماشي ذنبي قدامهم كامل حسيت بسخانة في وجهي تحت شفت في إيتام لي دارلي براسو لالا هبطت راسي
: بصح نتي ماكيش ماما
ماما : واش هذي الهدرة دوك ؟
: علاه غلطت أذا نسيتي كاين مقولة تقول أم ماشي لي تولد برك أم تربي و تحوس على ولادها
ماما : سما رانا قدام الناس
شفت فيهم و نظرة لي على وجوههم تبين بلي مراهش عاجبهم الحديث
: ماشي هوما الناس نتي الناس هوما راهم قراب عليا عليك نهار دخلت ل سبيطار لقيتهم نهار تودرت في الغابة لقيتهم نهار لقيتهم كي سحقيتهم أما نتي وين كنتي ، مع انو خانك قدامي بصح هدا وين عرفت علاه خانك
طاحت دمعة و لي عليها
حسيت بالهواء السخون لي دورلي وجهي للجهة أخرى
شافت فيا
" بنادم لي خاني و لي راكي تقولي هو أحسن مني رآه يحوس يقتلك "
جملة هادي كانت أقوى من كف
جملة هادي كانت أقوى من كف لي عطاتهولي
: وا...ش
قبل منكمل هدرة حسيت بإيتام يجبدني من قدامها
إيتام : حبسي
ماما : بعد خليها تعرف بنادم لي راهي دافع عليه حوس يقتلك و يقتلها
جبدت من ساكها ورقة قاستهالي في وجهي ... يدي كانت ترجف قبل منفتحها و نشوف واش فيها
كنت نقرا و مع كل كلمة دمعة تنزل من عيني ... حسيت أني يتيمة أكثر من أي مرة و حسيت قلبي وهو يتكسر مع كل حرف في ورقة
" متخبيهاش عليا راح نلقاها يا ترجع قاتلة يا ترجع مقتولة "
" هاديك بنتي ماتقدريش تهربيها عليا "
" كان لازم تخمي قبل متتزوجي ب قاتل "
" إيتام مراحش يقدر يخبيها مني "
" نزار خبرني بكلشي حتى مسرحية تع أنو إيتام مجرم "
" مراحش يفك شفرة حتى و هو حاول يكون يدي يمين "
بابا راح يقتلني ؟؟
شفت في إيتام يشوف فيا ، هدا وين فهمت علاه كان يمنعني من أني نعرف
" ياريتني سمعتك و محوستش نفهم "
بعدت إيتام وجهي لي حاول يشدني أما هربت طلعت للفوق
...مسحت دموعي و حكمت بلاصة فوق فراش مانيش قادرة نستوعب
كيفاش يقدر أب يقتل بنتو
حتى أنو حاول يقتل إيتام ... معناها إيتام كان خايف عليا من بابا ...
بارت قصير بزاف اما تكملة تاعو نحطها فليل 🩷
YOU ARE READING
أحببتك في الخفاء باللهجة الجزائرية 💌
Romanceكرونيك تهدر على طفلة تحملت مسؤولية أكبر من عمرها و البطل لي راح يحاول يكون ليها أمان 💗🇩🇿#كرونيك#باللهجةالجزائرية#كرونيكات
