أحببتك في الخفاء باللهجة الجزائرية 💌

11

رجعتتت و أن شاء منقطعش عليكم قررت نزل بارت كل الثلاثاء و الخميس و الجمعة و السبت أن شاء الله يعجبكم واش راح ندير هكا باه منقطعش عليكم بزاف و نقدر ننتظم و شكرا بزاف كاين لي سقساو عليا هنا و في انستا 🥹 متوقعتش كامل يكون عندي عباد من مور هاد كرونيك يسقسيو عليا وقاع ثنكيوو 🥺🥹😭 نكمل هاك نديرلكم جرنان بلا ما نحط بارت قرأة ممتعة ❤️ :

قبل حتى ما يخليني نعبر على رفضي جبدني معاه لواحد دار لي كانت شوي بعيدة على دار الرئيسية ... وصلت عند الباب و تكمشت موراه شومبرة كانت باينة بلي عندها قرن وهيا مغلوقة 

:لاااا ماندخلش ليهاااااااا 

شاف فيا خزرة اما مراحش نرجع في قراري واش هذي شمبرة وعلاش ندخل ليها 

شفت فيه وهو يحك في حواجبه

حسيت بيديه باردين يتفحصو يدي قبل مايشبكها مع تاعو و يديرني موراه 

رائف : تبعيني و حسك منسمعوش 

بلعت ريقي من نظرة تاعو كون قدرت نحفر حفرة و ندخل فيها مزالت لقطة ديك في بالي بصح و لأسف ميكونش إسمي ريتال كون فضولي ميغلبنيش

: وين رانا رايحين 

همستلو في وذنو

رائف : شششت 

 حسيت بيه كي حبس و رجعني موراه كتر حتى لصق في حيط و لصقني معاه 

وبلا مانستوعب عيطت بصوتي 

: واش كاين ؟!!!! 

عضيت شافتي بعدما استوعبت بلي هاد مرة هدرت بصوت عالي 

غمضت عيني من ردة فعلو 

رائف : متاكد بلي نتي لي راح تقتلينا ليوم 

همس قبل مايجبد من جيبو سلاح 

متاكدة بلي كون طفلة واحد اخرى كون قلبتها بالعياط اما على عكسي انا عينيا ولاو قلوووب كنت دايمن في صغري نحب نشري ألعات تع أسلحة حافظة كل أنواع أسلحة حتى أبسط تفاصيل عارفتهم

: berreta 92 😍 

بعدما نطقت إسم سلاح شفت فيه و هو يشوف فيا بنص عين مي مراحش نضيع الفرصة الذهبية و طحت عليه بأسئلة

: من وين جبتو ؟ شعال شريتو ؟ شعال فيه عيار ؟ شعال قطرو ؟ طولو ؟ فيه رصاص ! بيعوووولي 😍

قبل منكمل قائمة أسئلة حسيت بسلاح فوق جبهتي 

رائف : زيدي كلمة و راح تولي تحوسي عليه في قبر 

بلعت ريقي و شديت حماسي عندي مع انو علابالي ميقدرش يديرها ولا حتى يضرني عندي احساس في داخلي يقلي هكا كان يمشي بشوي و انا موراه مي طريق لي ديناها طريق كامل واحد اخرى كانت جهة خلفية تع دار و كل منزيدو نمشو نحس بالضوء وهو يختفي و راسي قعد يرسم سيناريوهات على هاد بلاصة و مخي تحول من مسلسل اكشن ل مسلسل رعب  

هاد مرة انا لي دخلت يدي فيدو و لصقت فيه 

: واش هادي ب..لاصة 

رائف : لازم نبعدو على دار 

: علاش واش رآه صاري و سما و صوفيا وين راهم ؟؟؟ 

حسيت بيه كي جمد في بلاصتو و دار بالكور تاعو ليا 

رائف : واش قلتي 

: سما و صوفيا وين راهم ؟ 😕 

رائف : صوفيا !!!! 

: اه صوفيا صحبتي كانت عند باب 

: شكوووون صوفيا واش درتو @##**#...@@^...... غمضت عيني من كلام فاحش لي راني نسمع فيه

شفتو جبد تلفون و عيط ل ل واحد اسمو زاك قعدت نتفكر شكون هذا مي ذاكرة نمل مخلاتنيش نتفكر و حتى من حركات رائف لي كان قريب يدفني في بلاصتي وانا في دوامة افكار حسيت بعبد مورايا قبل مندور حسيت بظل خفيف مع لي كان ضوء خفيف مقدرتش نميز درت مورايا ماكان حتى واحد 

اما إحساسي و فضولي باه نتاكد كان اقوى  

شعلت فلاش و حاولت نبطئ في خطوات باه نبعد على رائف  هبطت عيني للرض وشفت اثار تع خطوات مورايا و باينة بلي ماشي صباطي

حسيت بيد دارت على رقبتي و يد على فمي عينيا توسعووو شكووون هذا 

: Chi sei  ?? 

كان يهدر بلغة مافهمت فيها والو 

رفعت يدي قاع واش عندي وعطيتوو لكرشو 

: Fa male @###

قبل مايعاود يحكمني عيطت باعلى صوتي بإسم رائفففف حبس و دار ليا ملامحو تغيرت 180 درجة بعدما شاف في عبد لي مورايا عيطت كي حسيت يد لي مورايا عاودت حكمت كتفي و تحاول تثبتني 

رائف : Lascia una ragazza 

كنت نشوف في رائف ويدو تزير على السلاح و أخر حاجة سمعتها قبل منفقد الوعي هو صوت 

 رصاصة من سلاح رائف ل كتف عبد لي مورايا و صوت عياطي لي متأكدة كامل سمعوه