مسحت دموعي لي كانو دايرين شلال حاولت نخرج من دوامة تفكير واش هو الحل ؟ بما أنو بابا بنادم قاتل ... إيتام واش راه يدير معاه ؟ ولا إيتام ...يشبهلو ؟! حطيت يدي على راسي من تخمام لي راه يهلكني ....
طلعت راسي ل ساعة لي في الحيط فاتت نص ساعة
نص ساعة و أنا حاسة بفراغ معلاباليش واش كنت نخمم حاسة روحي كنت فارغة نهائيا من مشاعر في نص ساعة لي فاتت ..." Il forte dolore è un vuoto permanente " ... تفكرت جرح تع إيتام ... نضت من فراش بعدما حوست على بوات فارماسي ... حطيت يدي على باس تع باب جانب مني يقلي أخرجي و كأنو مصرا والو في نهاية ماشي أنا غالطة و جانب يقلي أقعدي في شومبرة ... من جهة مانيش باغية نشوف نظرات شفقة في وجههم و من جهة معلاباليش كيفاش نقابل ماما و مسرحية أم و بنتها لي صرات بيناتنا قدامهم كانت أول مرة نبين مشاكلي وواش راني نعاني قدام الناس... خذيت نفس ...(خسرت كلشي و معلاباليش وقتاش راح نموت و اذا راح نبقى بين أربع حيوط نبكي )
أول مرة حسيت بالقوة لي يتملكها إنسان مور ما دنيا تحطمو ... مزالت حاسة بقلبي وهو يتكسر من واش سمعت و إكتشفت أما راح نكون أنانية ل أول مرة و مراحش نتأثر اذا كان راح يحاول يقتلني و يحاول يعيشني في جحيم مرة واحد أخرى ضيعت أهم سنين حياتي بلا صحابات و بعقدة نفسية بقات لاحقتني
بلعت ريقي و فتحت الباب وفي يدي بوات فارماسي
لحقت عند باب صالون وين كانوا قاعدين كان باين بلي يهدروا في موضوع كي دخلت طلعوا راسهم من جيهتي شفت على وجوهم نظرة شفقة لي كانت على ريتال و صوفيا تخطيت نظرتهم أخر حاجة حابتها هيا اني نتأثر بهذي نظرات و نعاود نولي ضحية في قصة المرة ثانية
شفت في إيتام مزال جرحو متعقمش رحت قعدت حذاه
: جرحك مزال
قاطعني بنظرات مفهمتهاش
إيتام : سما
: مانيش حابة نحكي في موضوع أنساه
إبتسمت معاه و على فكرة أنو يخمم فيا و عارف جرحي لي مفاتش عليه ساعة أما حاليا عرفت أي ثانية نضيعها في حزن مراحش تفيدني و خاصة اذا كنت في أخر أيام حياتي علا اقل نكون أنانية و نستغلها في حاجة تفرح
شديت يدو عندي و عقمتها
حسيت بنفس تاعو قرب ل وجهي
إيتام : سما تبعيني
كلمات لي همسلي بيهم عند وذني قبل ماينوض من بلاصتو
شفت فيهم و فعليا عينيهم كامل مركزين علينا حسيت روحي راني نمثل في مسلسل
و راهم يستناو في حركة مني
معلاباليش علاه جاتهم غريبة أني راني متقبلتها
أما
فيرينا كان عندها دور كبير في أني نتعامل مع هاد أزمة نفسية
YOU ARE READING
أحببتك في الخفاء باللهجة الجزائرية 💌
Romanceكرونيك تهدر على طفلة تحملت مسؤولية أكبر من عمرها و البطل لي راح يحاول يكون ليها أمان 💗🇩🇿#كرونيك#باللهجةالجزائرية#كرونيكات
