هاي كيراكم سمحولي طولت عليكم بزااف مي
بغيت ناخذ وقتي باه نكتبها كامل و نسيي ندير افكار جديدة بغيت نقولكم بلي كرونيك كملتها و ان شاء الله تعجبكم نتمنى تقولولي كيفاش نزلها كامل ليوم ولا كل يوم نديرلكم بارت 🥺💗 شكرا على دعم
أول ما فتحتها قابلتني ورقة معاها باطة صغيرة ... شديت باطة اول مافتحتها جاتني لمعتها زرقاء في عيني كانت سنسلة مع حجرة زرقاء في الوسط ... مع انها كانت كأي سنسلة اما حجرة زرقاء دات بالي ل عينيه و خاصة انها من عندو شفت فيه و هو يشوف في ردة فعلي طلعت شعري لي كان داخل في فيستا كنت راح نديرها قبل ما ينحيهالي من يدي و يقرب عندي حسيت بيديه لي راحو ل مور رقبتي بيني و بينو كان ملمتر يفصلنا حسيت بشعور فراشات لي يجيني كلما كنت قريبة منو رغم انها ماهيش اول مرة مي احساس هدا حتى ونحاول نتحكم فيه مراحش نقدر حسيت بيه كي جا يبعد ... شديت على يدي ... وقربت من خدو و حطيت شفافي على خدو
: احم اا صحيت انا نروح
خرجت من طنوبيل و إنطلقت بلاما نشوف مورايا ... وصلت عند الباب تع دار و انا وجهي كيما طوماطيش ... كانت عادة فيا اني كل منتوتر نطيح في موقف محرج أكتر... دخلت ل شمبرتي و رميت روحي على سرير .. غمضت عيني و أنا نخمم كيفاش تكون دنيا مور ما نوض...رقدت و أنا قاعدة نخمم ف كي غدوة
___إيتام ____
وصلتها لدارهم إبتسمت عليها كيفاش هربت... ساعات و راح تكون مرتي مع انو علابالي ولا حاجة عاجبتها ...أما خوفي عليها ميخلينيش نخمم ندير عرس شفت في باطة ورقة لي طيحتها ... خليها تكون ثاني سوبرايز بعد عرس ... رحت ل دار اول مادخلت قابلني بابا في صالون يستنا فيا
بابا : إيتام
شفت فيه يعيطلي و حتى أنو أصلا الحاجة غريبة انو راه نايض في هذا وقت
بابا : إيتام
درت ليه رايح ل صالون
: قلت تكون راقد
شفت فيه كي إبتسم وخلالي بلاصة حداه باش نقعد
بابا : كي شفتك خرجت بكري سقسيت عليك زاك و قالي كنت معا سما
" اه يا زاك متشدش كامل فمك " تمتمت تحت نيفي
بابا : كاش ماقلت
: لا والو
بابا : المهم حاب نهدر معاك في حاجة .... غدوة عقد تاعك و غدوة راح تأسس عايلة مع طفلة لي حبيتها علابالي هدا شي كامل ماشي لأنك حاب تحميها برك ... نتمنى أنك تكون ل سما أب و أخ و أم
إبتسمت على كلامو فكرة انو غدوة نهار لي ستنيتو قاع حياتي يخليني نبغي نسافر لغدوة
إيتام : راح نعامل سما كيما كنت تعامل ماما و متاكد أنو ماما عمرها مازعفت منك
بابا : الله يرحمها ...تمنيتها تشوف وليدها و هو يأسس عائلة
حسيت بغصة انو غدوة ماما مراحش تكون معانا أما متاكد انها راهي في بلاصة أحسن من كلش
YOU ARE READING
أحببتك في الخفاء باللهجة الجزائرية 💌
Romanceكرونيك تهدر على طفلة تحملت مسؤولية أكبر من عمرها و البطل لي راح يحاول يكون ليها أمان 💗🇩🇿#كرونيك#باللهجةالجزائرية#كرونيكات
