خرجنا مع بعض و كي العادة معلاباليش وين (: ... كون ميخليش موضوع برايفت يموت ... كان يسوق و كل ما يمشي ندخلو في طريق فارغة كتر ... قعدت ندور راسي على بلاصة لي كانت تبعد على الناس ...
حسيت بيه كي حبس عند جبل مسدود قدامنا دورت راسي على بلاصة ماكان حتا واحد لا بارك ولا مول لا غابة لا قعدة
: إيتام واش جينا نديرو هنا
شاف فيا و غمزلي قبل ما تنقسم حجرة على زوج قصدي باب
فمي هبط الأرض من واش شفت موضوع انو يكون جبل و حجرة قد سخط تنقسم قدامك للحظة حسيت روحي في عالم واحد آخر
Oops! This image does not follow our content guidelines. To continue publishing, please remove it or upload a different image.
: إيت..ام
شدلي يدي عندو و دخل بطنوبيل ل طريق مغلوقة أما حاجة لي خلاتني نخاف هيا انو باب ولا حجرة تسكر بديت نرجف في بلاصتي مور ما ولات دنيا ظلمة كاين غير ضوء تع طريق لي كان قليل بزاف حسيت بدموعي تتحجر مانيش باغية نبكي أما بلاصة هادي تخوف كتر من الغابة لي طحت فيها... وليت منشوف والو ... وليت نرجف اكتر و هستيريا تحكمني حطيت يدي على رجليا و زيرت عليهم باه نسيطر على حركة رجليا لي كانوا يرجفو... بديت نتعلثم
: إيتاام باب تبلع كيفاش نخرجو كون منقدروش وين دخلنا
حسيت بكور تاعي يترفد من بلاصتو ...
إيتام : سماا شوفي فيا
شفت فيه مالقري مكانش باين مليح أما بسباب ضوء تع طنوبيل لي دار شعاع قدرت نفهم وضعية لي كنا فيها انو إيتام رفدني و حطني فوق حجرو
: إيتام بلاصة تخوف
مع كلمة تالية دفنت راسي عندو و خليت روحي نبكي مع اني متاكدة كيما إسمي انو إيتام مراحش يأذيني أما خوف من بلاصة
إيتام : سما
حكملي وجهي بين يديه
إيتام : ديري ثقة فيا
حركتلو راسي بإيجاب
إيتام : راح نخليك تتأذاي ؟؟
حركتلو راسي بنفي
: أنا ... انا ....ظلمة...هي
مكنتش عارفة روحي واش راني نهدر ولا واش راني نقول من غير اني نزير على يدين إيتام بداو يجوني تصاور مي بعاد بزاف حتى فات عليا مشهد بلا منحس بديت نحكي واش راني نشوف
