أحببتك في الخفاء باللهجة الجزائرية 💌

23

سما 

مكنتش عارفة نرياجي اول ما صارحني ب موضوع موتو ... في نهاية انا حتى معشتش معاه ولا عندي ذكريات لي تخليني نتأثر بموتو أما صوفيا كانت راح تتأذى بسبابي و من شكلها صدمتها باينة ....شفت في إيتام لي حضني كان هو دايمن إنسان لي يخفف عليا 

حطيت راسي بين رقبتو ، تمنيت نرقد و مانتفكرش الاسف هاد مرة مكانش ل صالحي بما انو لبارح و ليوم استهلكت فيهم كامل رقادي 

إيتام : سما خلينا نرجعو 

نفيت براسي ،

: لا إيتام مراحش نرجع ، مكانش عندو اهمية في حياتي و مام موتو مراحش يأثر عليا 

يدو تحطت على رقبتي و قربني منو ل درجة كنت قادرة نحس ب أنفاسو تضرب وجهي 

إيتام : علابالك مراحش نجبرك على حاجة ، اذا حسيتي روحك مراكيش مليحة قوليلي 

لفيت يديا على رقبتو ، ايتام يعتبر ملاكي حارس ، حتى في أحلامي متصورتش نكون عائلة مع شخص كيفو ، 

: حابة نشوف صوفيا

شدني إيتام و خرجنا من شمبرة لي كنا فيها 

لمحت زاك و سام ، أما موضوع مكانش كيما العادة كان باين شحنات بيناتهم 

إيتام : زااااك 

زاك : واش ؟ عجبكم واش درتو مرتي ووليدي كانو راح يموتو بسبابو كيفاش مخليتونيش نروح معاها و قنعتوني بلي كلشي مشا  

سام : كنت راح تغلط و مراحش تتحمل كلامو واش حاب ؟ نخليك تدخل و نموتو كامل 

غضب زاك كان يزيد حتى أنه حكم سام من كول تع شيميزي 

زاك : شفت جروح لي كانو فيها ،  وين كنت كي خدروها ؟ كون صرات حاجة ل جنين نقتلك 

إيتام : خلاص زاك ، كلشي كان ل مصلحتهم و مصلحتك ، كنت متاكد بلي راح تخسر عملية 

زاك : قرار تاعك ؟ 

إيتام : زاك لمصحلتك 

قبل ما يكمل إيتام هدرتو كان زاك ضربو لوجهو ،و لي خلاه يرجع ل حيط 

شهقت و رحت نجري ل إيتام ، وقفت بيناتهم بصح زاك كان راح كنت قادر نميز بلي زعافو يدي كانت على مكان ضربة ، كانت اول مرة نشوف زاك زعفان ل هدي درجة همستلو 

: توجع ؟  

إيتام : لا ، أما زعافو راح يدي وقت باش يتنحى 

كان زاك تخطانا و راح ، 

إيتام : مشكيتش راح تقدري تشوفيها دك 

: اه ، اول مرة نشوفو ينفعل بهاذي طريقة 

إيتام : راني متفهمو ، كون كنتي انتي متاكد راح نهبل 

: إيتام ، مش حابة تزيد تخبي عليا أمور هك كلكم كنتو عارفين الا أنا