أحببتك في الخفاء باللهجة الجزائرية 💌

02 🧜🏻‍♀️

هاااي عسولات راني بدلت إسم كرونيك حسيتو مناسب باش يكون راكب مع قصة اذا كان عندكم اي انتقاد كتبوهولي نحاول نحسن من نفسي و متناساوش فوت راه يعاوني بزاف و شكرا هيا نبداو 💗

02 🧜🏻‍♀️
نضت صباح روطار نضت نجري غسلت و لبست و ورحت نجري ( من يامات ليسي و انا نوض نجري ) ديت تاكسي بسك اذا درت على كوس منوصلش منا ل غدوة و صلت و من سعدي مسود لقيت باب لونفي مغلوق و بروف هاذي لي يدخل عندها راح تمسح بيه لرض و انا بلاك شكليا نبان بلي مانيش مهتمة و خشينة مي علابالي راح نبكي و وامبعد بسباب هدرتها قدام كامل ...... 1......2.....3 فتحت الباب شفت كيفاش داروا يخزروا فيا هبطت عينيا ووجدت روحي ل تبهديل جات راح تهدر حتى شفت 3 دخلوا
ذا العيون الزرقاء و 2 صحابوا تع البارح حسيت بيه كي وقف قدامي مفهمتش ذا طفل علاه راه يخرج قدامي بزاف ولا انا مركزة فيه بزاف ؟ بهدلتنا بروف ذيك في ربعة و غسلتنا مي انا مكنتش نبان بسك كان مغطيني بظهروا علابيها أنظار مكانتش عليا جيت نروح ل بلاصتي و هنا قريب بكيت بلاصتي راحت لقيت بلاصة في وسط رحت قعدت حتى جا ذا العيون الزرقاء قعد مورايا مهتميتش اهم أنو مشي حدايا كملنا قرينا عادي جيت نوض عادي و يطيحلي صرف من جيبي و دخل تحت طابلة تع ميسيو شفت فيه كان يبتسم و مركز معا حركة تاعي واش ندير ( مراحش نسمح في صرف تاعي تقشف كاليني 😀💔) قعدت نلم في صوالحي زعما معلاباليش كنت نستناه ينوض باه نرفدوا  ... فاتت خمس دقائق لونفي فرغ و هو مخرجش وانا دايرة روحي نلم بصح واش نلم دخلت كلشي في ساكودو !! شفت فيه مستغربة علاه مزال مخرجش

.....: تقدري تقوليلي نجبدولك

رمشت عينيا متوقعتش يجاوبني و يعرف بلي راني نستنا فيه يخرج ( مرة دوزيام لي يفيقلي )  
أنا : لا...لا..صح..يت ( كنت نتلعثم و حاسة بعفسة معرفتش نشرحها ؟؟ ) شفتو جبد صرف مديت يدي باش يمدلي صرف حط يدو على يدي انا قلت خلاص دوك يمدلي الصرف و سلام عليكم جبدلي يدي في بلاصة الصرف 😀💔 ( دقيقة ذيك ندمت على دراهم لي حشاوهالي )
أنا : أطلقني أمخلوق هبلتتتتت
......: واش رايك ؟ ( كان يبتسم شغل عاجبوا الحال وجهوا صحيح مخلوق ذا )
انا : نحي يدك مانيش صحبتك باه تمسني
(نحا يدو من يدي كنا و صلنا برا باب تع لونفي ) .....: عندي شعال مسمعتش صوتك و إبتسم
انا تبكشت من وين يعرفني ؟ شكون هذا ؟ شديت ساكودو و هربت نجري ديجا سمير لي كان عند باب لونفي يكفي 🙂💔

درت لاطاي غير من جري رحت لريسطو كليت و خرجت و هو مبان عليه حتى خبر علاش راني نخمم فيه الله و أعلم رحت خدمت و كيما العادة نفس نهار يتعاود
( غدوة يبدا أكشن تع صح )

بعد 3 أيام باه رحت نقرا كنت مريضة و شبعت مرض في دار كي  دخلت لقيت لافاك تقريبا فارغة والناس يجروا ل لونفي تاعنا ؟؟ واش كاين بعد تطباع و الناس لي خلاوني نفوت شهقت كان ذا العيون الزرقاء وجهو حمر و عروقوا تقدر تميزهم من بعيد كان يضرب في واحد بجهدو كامل قست عيني عند لي يضرب فيه لقيتو قريب يموت كان كيما جثة بصح واحد ماحب يسلكوا حتى صحابوا كانوا قاعدين يتفرجوا عادي واشبيهم هادوا راح يقتلوا  كان لازم نحبسو قبل مايدير كارثة دخلت نجري في وسطهم وقفت قداموا و عيطت
أنا : حبسسس  (شاف فيا شعال  حتى حسيتو بدا يفطن من واش دار و عروقوا بدات تترخف ) صاحبو : إيتام ... عندها حق حبس قبل مايموت ( إسم ذا العيون الزرقاء إيتام .. ) عيطوا لومبيلونس تجي تدي مخلوق بصح وينهم لابوليس و إدارة علاه مداوش إيتام و هدروا معاه وعلاه مكاش لي سلك ولا دخل روحه ؟ مقدرتش نفهم زعما يكونوا مسمعوش بلاك ؟! (هدا واش قنعت روحي بيه ) كي شفت جو هكاك جيت خارجة و راجعة ل دار حسيت كاين الناس تهدر عليا كي دخلت روحي بيناتهم جيت خارجة و يعارضلي طريقي إيتام ( قلبي كان راح يخرج من بلاصتو منقدرش نكون معاه و نهدر معاه نورمال ) جيت نفوت زاد عارضلي ( واشبيه هدا )
أنا : واش كاين ؟
إيتام : علاه دخلتي روحك ؟
أنا : كنت راح تقتلو !
شدني من يدي و جرني ( بسك الناس كامل كانت تشوف فينا مقدرتش نعيط اذا عيطت راح تولي لافاك كامل تشوف فيا شديت فمي و بلعتو )
جبدني ل واحد طونوبيل (منقدرش نقول عينيا مكانتش قلوبة كي شفتها )
أنا : واشبيك أنت تجر فيا راك تشوف فيا شكارة تع بطاطا بعد من وجهي و ومذابيا منزيدتش نشوفك( درت و جيت رايحة )  إيتام : مزالكي تخافي من الناس ( دايمن يهدر و كي شغل يعرفني ؟!)
أنا : من وين تعرفني
إيتام : ملاك تعرفك (جمدت كي سمعت إسم تع ملاك هاد إسم يمثل قاع عزلة تاعي يمثل ماضي تاعي كنت نكرهو ، عينيا رجعو حمرين مكنتش حابة حتى واحد يعرف قصة تع ملاك من وين خرجلي هذا ؟ )

واش رايكم في البارت 💗