رائف : Lascia una ragazza
كنت نشوف في رائف ويدو تزير على السلاح و أخر حاجة سمعتها قبل منفقد الوعي هو صوت
رصاصة من سلاح رائف ل كتف عبد لي مورايا و صوت عياطي لي متأكدة كامل سمعوه
_______________ سما ___________
خرجت نجري صوت ريتال كان عالي بزاف و صوت رصاص لي تبعو خلاو قلبي يخبط لدرجة معدتش نحس بالتنفس كون كاش مايصرالها مراحش نسامح روحي بسببي هدا واش صرا و بسببي دخلتها في هاد قصة شفت إيتام يقدم عندي و يحاول يهدي فيا
:ريت...ااال واا..ش صرا..لها
كنت نهدر و نرجف و رجليا يتخبطو في بعضهم قبل منطيح على ركبتي و دموعي يسيلو
شدلي وجهي ب بيديه
إيتام : متخافيش لا ريتال ولا صوفيا راح يصرالهم حاجة و حتى صوت رصاص متاكد ماشي ريتال لي إنصابت ثيقي في رائف
كان يهدر و يمسحلي في دموعي رميت روحي في حظنو و غمضت عيني مانيش حابة نخمم في حتى حاجة حاسة بالخنقة كانت فكرة سيئة و حتى واش صرا مزال مانستوعب
زيرت على تريكوه و دخلت في حظنو أكثر
سمعت صوت سام و هو يهدر في تلفون زدت دخلت راسي عند إيتام كنت خايفة من واش راح نسمع
حسيت بسام و هو واقف عند راسي انا و إيتام
سام : رائف راه جاي و ريتال رهي معاه
فتحت عيني كي سمعت واش قال
حسيت الروح رجعتلي
: ريتااال ماصرالها والو ؟؟
شفت في سام إبتسملي قبل ما يقرصني من نيفي
سام : راهي مليحة و حتى صوفيا راهي معا زااك امسحيلنا خناينك برك
حكمني ضحك على هدرة سام
دورت عيني ل إيتام لقيتو يشوف في سام بنظرات رصاصية
إيتام : نوضي ندخلو و أنت روح شوف رائف وين راه
إستوعبت على روحي بلي مزالت مع إيتام فلرض و انا داخلة في حجرو كي طفلة صغيرة
وجهي دار راية حمراء و خاصة من أنو سام لقاني في موقف هاك مع إيتام
راقبت سام حتى راح و شفت في إيتام كان باين ملامح انزعاج في وجهو
حطيت يدي على خدو مقدرتش نقاوم ملامحو كيوت
إيتام : اذا كنتي راح تبقاي في حجري مراحش نضمنلك واش ندير
همسلي في وذني و كنت عارفة بلي وجهي راه غير يزيد يتلوون
: مراح دير والو قبل مانفهم حكاية سلاح
![](https://img.wattpad.com/cover/349381238-288-k890391.jpg)
YOU ARE READING
أحببتك في الخفاء باللهجة الجزائرية 💌
Romanceكرونيك تهدر على طفلة تحملت مسؤولية أكبر من عمرها و البطل لي راح يحاول يكون ليها أمان 💗🇩🇿#كرونيك#باللهجةالجزائرية#كرونيكات