أحببتك في الخفاء باللهجة الجزائرية 💌

22

نضت و انا نحس بدفى في كامل كور تاعي ...دورت وجهي كان زاك حاط يديه  و دافن وجهو في شعري ...دورت وجهي حتى وليت مقبلاتو ...رفدت يدي نفوت فيها على وجهو و تفاصيلو لي تخليني نغيس فيها بلا ما نحس ... كان راقد بعمق ... عينيه مرخوفين يبان بلي عندو شعال مرقدتش...شفت في ساعة كانت 8:30

مقدرتش نوض ولا نقوم بأي مجهود من كمية خمول لي نحس بيها بقيت نتقلب في مساحة صغيرة لي كانت بينا 

زاك : راح تبقاي تتقبلي 

شهقت من صوتو لي جاني على غفلة 

: زاااك ! راك نايض 

زاك : قبلك 

فتح عينيه و قابلني حسيت بيديه لي تحطو على وجهي ويقلد في نفس حركاتي

زاك : يديك كانو على وجهي ولا راني غالط 

حسيت بوجهي يفور من سخانة و أنا بين يديه 

: اااا اه يدي كانت على وجهك ..انا ...شفت ..يعني 

كنت نتلعثم و أنا نحاول نبرر موقف لي حتى كذبة نغطي بيها معرفتش نركبها 

حسيت بيدو لي جبدتني حتى لصقت فيه يدو راحت ل راسي لي تضرب بصدر تعو شهقت من حركة أما في ثواني ملامحي ترخات من دفى لي كنت نحس بيه يديه كانت تروح  و تجي على ظهري ب حركة مستمرة   

زاك : راح نتوحشك 

طلعت عيني ل عندو حتى وليت مقبلاتو  و جهي كان بدا يحمار و قلبي حاساتو مراهش في بلاصتو على اساس كل حاجة كنت نعيشها معاه كانت غلطة علاه حاسة بهاد احساس مقدرتش نتجاهل احساس 

: حتى أنا 

حسيت ب إبتسامتو تزيد و نظرة تاعو تتبدل 

زاك : راح تبقاي 3 ايام و بعدها يجيبك سام نتي و أنيا 

: لازم تروح ؟؟

تنهد و مال عليا 

زاك : لازم نروح منقدر نوثق في حتى واحد ... نوضي دوك 

: وييين 

زاك : ل عند رائف راح يعطيك تسجيلات 

تقلبت فوق فوتاي و تكمشت على روحي وغمضت عيني 

: حابة نرقد مرانيش قادرة نوض 

حسيت بيه كي ناض من جنبي و راح

غمضت عيني راح نولي نرقد حتى نعاس بدا يجيني 

حسيت بخطوات مورايا و قبل ما نستوعب شكون لقيت روحي في هواء 

زاك رافدني 

: اييي زااااك 

زاك :  راح تدخلي دوشي و بعدها تخرجي تلقاي حوايج فوق سرير البسيهم و رواحي 

: يااا خبرتك مرانيش راح نجي

زاك : صوفيا متهبلينيش وين راح نخليك ؟ حابة تبقاي وحدك ؟