أحببتك في الخفاء باللهجة الجزائرية 💌

14

After 7 days :

فتحت عيني و أول ما إستوعبت طاحت دمعة منها ، بعد هاديك سمانة عرفت بلي شكوكي صحيحة حتى صحابو ماعلابالهمش وين راه ، نضت من الفراش شفت حذايا مكان حتى واحد تفكرت بلي ريتال رجعت ل دارهم رغم الوقت قصير أما نعترف بلي ريتال غيرت في نفسيتي و خرجتني من جو عزلة ،
ليوم كان لازم نروح لافاك اذا محضرتش معلاباليش شعال راح يسوء الموضوع و فعليا طاقتي منهكة باه نحضر ليوم
لبست قشي و لي كان عبارة عن سروال نوار سويت نوار حتى بوت وفاست نوار لبستهم عشوائيا على حساب مود لي راني فيه خرجت برا و غير حطيت رجلي شفت الشتاء و هي طيح ، و سماء مغيمة هدا جو مراحش يحبوه كامل الناس اما بالنسبة ليا أحسن جو ... ركبت في بيس بما أني تحاوزت من من خدمتي ... و خدمة تع أوتال راح ياخذو 20 يوم باه يردو ...بعدما دابزت مع قاع الشعب علاجال بلاصة تع بيس وأخيرا وصلت لافاك ...دخلت لونفي و عيني طاحت على بلاصة إيتام ... حسيت بدمعتي تنزل اما تم تم مسحتها ، لأسف مانيش في دار ولا في حضن إيتام باه نبكي ....جيت طالعة ل بلاصة إيتام علا أقل نحس بيه .... كنت راح نحط ساكادو ، قبل منحس كتفي طار من بلاصتو طلعت راسي نشوف شكون حمار هدا ... أوووو ... حمارة ماشي حمار
:مراكيش تشوفي ؟؟
: مشفتكش علا حساب علمي هاد بلاصة فارغة دايمن ولا تع مولاها
: واش قصدك !
: والو
شافت فيا و جات رايحة اما انا كنت كيما النار لي تحوس على ليسونس مي علا حساب شوفة راه جا لعندي
شديتها من كتفها و رجعتها مقابلتني
: واش راكي تحوسي عندي !
: ماراني نحوس والو برك على حساب علمي إيتام ماشي مقيمك و نتي رايحة تقعدي في بلاصتو
هيا غير قالت هكاك و عطيتها كف و بعدها معلاباليش واش صرا بسك وليت نضرب و أنا نشوف الظلمة برك يمكن شوي من غيرتي و زعافي لي شاداتو طرطقت بيه فيها ،
حسيت بواحد يجبد فيا من كرشي اما مهتميتش يديا مزالو على طفلة
زاك : سماااا حبسيي
حسيت ب زاك بعدني عليها لدرجة إستوعبت بلي وجها رجع مشوه ... حطيت يدي على راسي معلاباليش وين راح تكمل اما متاكدة راح تكمل بطريقة سيئة
_________________________________________

واقفين قدام مدير و طفلة مع بوها و أنا نستنا في رائف بما أنو كون تسمع ماما راح نبات برا بدون مناقشة و طول ما أنا قاعدة في بلاصتي الأب كان يحاول يوصل ليا و يرجعلي واش درت في بنتو أما أنا حاسة بخنقة
حسيت برائف كي دخل و خبط الباب ، كان باين بلي يجري شفت موراه لقيت زاك و سام ... أما إيتام ؟ مكاش ! ... دمعتي كانت راح تهبط المرة تريليون بسباب هاد موضوع والفتو ل هذي درجة ؟؟
رائف : واش صرا ؟؟
المدير : أخت تاعك تعدات على طالبة بالضرب و الأب راه يطالب بتعويض أو رفع شكوى
: يعني كامل هدا علاجال دراهم
نطقتها بسك مزالت حاسة بزعافي و ميهمنيش اذا راح ندخل للحبس علاجالها
شفت في أب لي كان يسيي يوصل ليا المرة ثانية
حسيت ب يد رائف لي دارتني موراه قبل مايجبد شاك و يكتب فيه مبلغ وويحطو فوق طابلة شفت علامات رضا على وجوههم إقتنعت من نظريتي
قبل ما يسحبني رائف معاه
: سمحلي
قلتهالو و أنا نفرك في يدي معلاباليش كيفاش راح يكون تصرفو إتجاهي و أنا خسرتو مبلغ مالي كبير رغم لي معلاباليش قيمتو أما متاكدة أنه أكبر من توقعاتي، حسيت بيه كي دار ليا و بدون سابق إنذار لقيت روحي في حظنو
رائف : علابالي بلي مدامك درتيلها هكاك راه عندك سبب
كلامو خلاني نلف يديا عليه لا إراديا ...
: معلاباليش واش كنت راح ندير بلا بيك
شاف فيا و قرصني لخدي
رائف : نتي الوحيدة لي بقيتي من عائلتي
خرجت برا لافاك انا و رائف شفت في سماء مازالت شتاء طيح
رائف : هيا نروحو
جريت دخلت لطنوبيل قبل مانتشمخ جو هدا على قد مانحبو نخاف نتشمخ نولي كي قطة مشمخة
رائف : واش رايك نروحو ل بلاصة ناكلو
: أوكييي
حطيت راسي على زجاج تع طونوبيل و غمضت عيني كل ما راني في طونوبيل قادرة نشم ريحة إيتام .... وليت مهووسة لهذه الدرجة ؟ ...
رائف : سماا
فطنت على صوت رائف يعيط لي دورت عينيا على بلاصة لي رانا فيها
"أوتال ؟؟"
كان نفسو أوتال لي قدمت فيه عمل و شفت فيه إيتام و أختو
نزلت معا رائف ل داخل لحد الان معنديش معلومات على واش يخدم
شفت في مجموعة من لبنات يتغامزوا عليا و رائف ماعلابالهمش بلي أنا أختو ...فخامة المطعم خلاتني نبلع ريقي ... اشكال الناس ، لي عندهم دراهم
خيرت طابلة في الزاوية مكنتش حابة نحتك بالناس ، كنت انا و رائف ناكلو
حتى  لفت إنتباهي بنادم لابس نوار مع كاسكيطة ، تغطي وجهو،  منرفضش فكرة انو فضولي باه نشوف وجهو
تبسمت على فكرة انو انا و هو الوحيدين لي لابسين كي قطاع الطرق في بلاصة كيما هك ... شفت في يدي لي كانت تحت طابلة مجروحة بسباب معركة لي صرات بيني و بين هاذيك طفلة ... مكنتش حابة نبين ل رائف إكتفيت اني غطيتها بتريكو اما دوك لازم نروح نغسلها حاسة بجروح يحرقوا فيا
: رائف راح نروح  نغسل ونولي
تبسم معايا دلالة على موافقة تاعو ، طبعا في أوتال كيما هدا كان لازم نسقسي باه نوصل ل مغسلة خاصة بالنساء اخر حاجة حابة تصرالي في هاد نهار اني ندخل على الرجال .... وصلت ل بلاصة لي وصفتهالي طفلة و أخيرا لقيتو دخلت و مالقيت حتى واحد هدا أحسن حاجة راح تصرالي بسباب نظراتهم ليا و أنا داخلة بلبسة المافيا ،
غسلت يدي في بلاصة الجرح لي كان يحرق وغطست وجهي تحت ماء ، ماء بارد لي كان تحت وجهي خلاني نحس بإسترخاء ... صوت الباب وهو ينفتح خلاني نفيق من غيبوبتي ... طلعت راسي من الماء رغم أنو عينيا مضببين بالماء اما واش شفت خلاوني نفتحهم HD
: أنتتت ؟؟؟
قبل ما إنستوعب واش رآه يصرا و نكمل هدرتي حسيت بالمشوار لي دارو على نيفي رغم اني كنت نقاوم فيه بيدي أما ضربتو كانت عنيفة خلاتني نفقد الوعي و ندخل في العالم ظلام .....

إيتام ______________________________
مختفيتش كيما راهي مفكرة سما اما حاليا راني نعتبر مجرم مطلوب للعدالة ....وهذا جزء صغير من حياتي و من هدف تاعي ،  هدفنا أساسي هو جمال لي يكون اب سما ....معاناة سما و رائف لي كان سبابها اقرب شخص ليهم وهو بوهم ... كل مانخمم في الموضوع نحاول نتخيل ردة فعل سما ... رائف علابالو أما سما شخصية الوحيدة لي بيناتنا راهي جاهلة كلشي ... متاكد أنو جمال يراقب فيها و في جميع تحركاتها ... كيفاش لا وهو يحاول يخليها تولي قاتلة و تلطخ يدها في الدم ... مراحش يعتبر اولادو كمجرد اولاد راح يحاول يخليهم مشروع ليه لي حاول يبداه مع رائف اما رائف كان اقوى و قدر يلعب عليه بصح سما هيا مخاوفي معلاباليش إذا راح تقدر تقاوموا و اهم حاجة مراحش نخليها تعرف حتى النهاية موضوع
عندي سمانة ملي إختفيت توحشتها أما إذا قربتلها راح كلشي يطيح في الماء وحتى ضربات لي في جسمي مراحش يخلوني نشوفها ...
___فلاش باك _________________________

ضربة طيحتني في لرض ووجهي رجع أحمر من دم
نزار : أووووو  وين رآه مول سبع أرواح
: هههههه مازالت تحلم بلي راح نطيح
نزار : قالولي بلي راهي عجباتك بنت جمال
كي فهمت علامن رآه يهدر مهتميتش لا بالمهمة ولا بالمسرحية لي كنت نتورني فيها ... طحت عليه بالضرب حتى فقدت السيطرة وهدا اسوء حاجة راح تصرا اني نفقد السيطرة على نفسي ..... دخلو لي بودي ڨارد باش يفكوني منه و مكاش لي نجح من غير زاك و متأكد كون زاك مبعدنيش كنت راح نقتلو و من هنا كان لازم نولي مجرم باه نبعد أنظار .
______________________________________
شكرا نتمنى تقولولي رايكم و شكون تتوقعو خطف سما 🤭