أحببت بدوية (ليبية_منقولة)

الحلقة 13

القيت روحي فاضيه قلت نكتبلكن حلقه 😊,,بس امبوش وحده اتقولي قصيره 😡 من الاول مش اتفاقنا حلقتين 😒 يعني الحلقه الثانيه كيف ماتجي اتجي ,, 😐 ليل ونوم والمخده تنوم مغناطيسيا 😴 فقدرن مقاومتي لها 😁
🌴🌴🌴🌴🌴🌴🌴🌴🌴🌴🌴🌴🌴

رواية #أحببت_بدويه
الحلقه (13)

وطلع عمكن نادر اللي دوخكن وصلا مع جواهر صلاتهم ودعا نادر دعاء الزواج وشال الاسدال من عليها وهي مرتبكه ومنحرجه ومسكها من يديها ورفعها وقفها معاه ومشا بيها ناحية السرير و الباقي مشفررررررررررررر 😂 عارفتكن ماستعجلتن عالحلقه الا عليهم نيههههههاي 😂 عيب عاد معانا سناقل 😊
المهم ليلتهم عدت كأي عرسان عاشقين ويحبو بعضهم وغاصو في عالم الحب وبحور العشق 😍
وفي صباح ثاني يوم كان يوم حلو وايهبل والكل فرحان ماعاد خمس وحدات سبحان الله اتقولن لفاعي في جسم بشر 😒
ماعلينا ,, طبعا عيلة جواهر مسكهم يونس وباتو كلهم في الفيلا بما انها كبيره وفيها جناح للضيوف والمربوعه بروحها كبيييره وبتواليتها قعدو فيها الرجاله والصبايا في ديار في الفيلا ,, وزهور وبنتها قامت بالواجب معاهم من كل شي واول مافاقت زهور بتجهز فطور ضيوفها لقت فوز مقمعزه في الصالة وماسكه سبحتها وتسبح لله ,,
زهره بابتسامه : صباح الخير ياحاجه فوز 😊
فوز بابتسامه :: صباح النور ونهارك طيب يايام ☺
زهرة : واعيه بدري ياحاجه ولا توا ?☺
فوز:والله نضت عالفجر صليت وغفيت اشوي وبعدها نضت علي صوت كرعين ذلعت انشوف من مالقيت لا والي ,,ونومي طار جيت قمعزت هنا وقلت نقضي وقتي في التسبيح والاستغفار خير 😊
زهرة : ربي يعطيك الصحه ,, لكن غريبه نا نضت بدري بس ماشفتش حد ,,ممكن حد من الصبايا مشت للحمام !! 😕
فوز بطيبه : وبالكي يايام ,,ماتحطيش في بالك ,,المهم ماكلمكم حد من العرسان ?😊
زهره : كلمتهم امبارح واطمنت عليهم وصلو للفندق وبعدها القيتهم مقفل ,😊
وهن يهدرزن ناضن الصبايا وحده ورا وحده ,, وطبعا الخدامة ناضت وجهزت زهرة الفطور وساعدتها الخدامة طبعا و حطن الفطور والكل فطر وطبعا مانسنش فطور الرجاله ,, 😌
وعند العرسان ,,
كانت جواهر راقده وشعرها مغطي وجهها ونادر كان واعي ومدوش وشعره مبلول ولابس سروال توتا وصدره عريان ومتكي بمرفقه عالسرير وقعد يباعد في خصلات شعر جواهر بالرااااحه ويملس بالشويه وبيده يلمس في وجهها باصابعه وينابش فيها نين تململت في نومتها وغنضت بقوة علي جفونها وبدت بتنوض واول مافتحت اعيونها وقعدت ترمش في عيونها كم مرة استوعبت روحها ووين قاعده وشافاته قدامها متكي ويبتسملها وهي بدون وعي ابتسمت وقالت : صباح الخير ,☺
نادر بحب : ياصباااح الحب والورد والياسمين والفل والانوار علي حبيبت قلبي وروحي انا 😍
جواهر حطت وجهها في المخده من الحشم ونادر لفها ليه وقال : صبيحة مباركه حبي ,
جواهر : ناااادر خلاااص ,,حول بنمشي للحمام 😶
نادر بضحكه : خلاص عدي ,, عارفك حشووومي ,, نتعب نا وخلااص 😍
وجواهر رااااحت للتواليت 😂
المهم غسلت وتوضت ولبست وطلعت صلت فرضها لقت نادر ايكلم بالفون وعرفاته يحكي مع امه وبعد سكر منها قرب منها وقاللها : كملتي حبيبي ?
جواهر هزت راسها بايواه ,,
نادر : اوكي هيا غيري دبشك عشان ننزلو نفطرو تحت ,
جواهر بتساؤل: وين تحت ?
نادر : في الكافتيريا او النطعم متاع الفندق ,
جواهر : لكن اكيد في رجاله تحت ولا لا ?
نادر ابتسم وقال : عادي حبيبي حنقعدو في الركن العائلي ,,واكيده حتلبسي نستور عنوني ,
وفعلا لبست جواهر وفضلت انها تلبس عبايه حلوة سوده ومخصرة اشوي بخيوط من كل جنب وطويله ةفيها تطريز خفيف في نصها من قدام بالفضي ولبست عليها وشاح بيج بالفضي وكحلت اعيونها بس وخطت عطر خفيف ولبست كندرتها واول ماطلعت لنادر اللي يرجا فيها قدام باب الجناح عجباته في اختلافها ولبسها المستور وانبهر ببساطتها وفي نفس الوقت اتهبببل ,
نادر بهمس لها : شن اندير بس نا ? وين نخفيك عن عيون الناس ? تخبلي ياحبي 😘
جواهر ابتسمت وقالت : خلااااص يانادر ,,تحرج فيا انت ,😶
نادر : اخخخخ هيا نمشو نفطرو قبل مانغير رايي 😁
ونزلو للمطعم وخشو للجناح العائلي وذلبو فطور وفطرو وهدرزو وجواهر كانت مرتبكه ومتحشمة بحكم اول مره تمشي لفندق وتفطر في مطعم وهكي 😒
المهم غيرلها نادر مودها وفرحت بالأجواء الجديده ,,
وبعدها ركبو لجناحهم وغيرو دبشهم عشان ينشو للفيلا ويقضو اليوم مع العيلتين ,, وفعلا مشو للفيلا واول مانزلو استقبلهم يونس وسلمو عليه ولاسو علي يده وراسه ونادر خش عالرجاله وجواهر خشت للصبايا لقتهن كلهن مجتمعات ويهدرزن واول ماخشت وسلمت عالكل قمعزت جنب جدتها وحضنتها جدتها ,
فوز همستلها بحنيه : هااا يايام ,, طمنيني علي صختك زهور حكتلي باللي صارلك وانك تعبتي عليهم في الطريق شة حسيتي يايمي 😊
جواهر خشت في حضن جدتها وقالت : ماتشغليش بالك ياحني انا كويسه توا الحمدالله ,
وطبعا المل يهدرز وجوه خلو وتنط سالمة للحاجه فوز واتقول : ياعمتي ذالبتك في موضوع هكذي وماتكسريش بخاطري ,
فوز قرنت حواجبها وشافتلها : انشاءلله خير وشنو تبي ياحنه ?
سالمة : نبي نمشي نا وبنياتي ورجعه مرت ابراهيمو للسوق ,نحن جينا جينا وبالمرة فرصه والبنات الحق يبن كم حاجه هكذي وقلت اهوو نمشو انتفرجو ومنها ادهويره والله اخساره فينا نحنا 😒
فوز رفعت حواجبها وشافت لسبحتها وبحركة العزايز الطيبات قالت : لا يايااام مش اخساره فيكن وهن بنيات ولدي يعني بتياتي واللي يبنها انجيبوها لهن مغير شاوري سيدك وساع مايقول شي ,
وفعلا كلمت سالمه زهور اللي كلمتلها ولدها مؤيد وكلم الحاج صافي وجاها واستأذنت منه وقاللها : اوباهي ,,في العشيه وتن ارواحكن وحنشيلكن ,
سالمة بدهاء: اوباهي ياسويدي ,,وبالمرة تمشي معانا رجعة مرت ابراهيم حتى هي تبي كم حاجه من السوق ,
الصافي: اتساور راجلها قبل وساهل ,
وفعلا خشت اللفعه سالمه وحكت لرجعه اللي دزت علي راجلها وشاوراته ووافقلها ,,وخشت فرحانه وبدو في الغدا وطاب وتغدو الكل ,, وخش كل واخد بيقيل وطبعا جواهر خشت لجناحها وتوضت مرة تانيه وخذت القرآن وبدت تقراء فيه واندمجت في قرايته علي تخبيطت الباب ,وخش نادر واول ماشاف جواهر قرب منها وباسها علي راسها وقمعز جنبها وقال : رايفتلك حبيبي ,
جواهر بابتسامه : ونا اكثر والله ,
نادر: نجك ليا ياروحي انتي 😍 تعرفي هربت اهروب من ااجماعه بيزرطوني في رهان خليت بينهم وبين مؤيد وعمر وطارق ,
جواهر : رهان شنو ?
نادر : بيعرفو من اللي يبيها عمر ,,ومانحكيلك صاحبنا باين عليه نين بكل 😂
جواهر : عمر ولد خالتك ?😕
نادر : اهاا ونا شاك في وخده بس نين انتاكد بس ,
ووقف وسلح قميصه وقعد بالكناتيرا وخش للتواليت ودوش وطلع لبس تيشرت عادي وسروال جينز ازرق داكن وسقم شعيراته وقرب من جواهر وباسها من خدها 😘 ووخر نادر وقال لجواهر : حنروحو للفندق بعد العشاء حبي اوكي ?لاني كان قعدت معش بنطلع
جواهر هزت راسها باوكي وهي منزله راسها وطبست خذت مصحفها بتقرا فيه ,,ونادر وطلع واشوي والباب خبط اخرا ,, وقفت جواهر وفتحت لقتهن خواتها ,,
جواهر : عويشه ونعيمة ?
وخشت اختها عايشه ووراها نعيمه ,
عايشه وباين عليها الزعل والحزن : ممكن انخشو نهدرزو معاك ?😔
جواهر ابتسمت وقالت : طبعا حبيباتي خشن ☺
وخشن وعايشه ماحوتك خشت نين دفتها نعيمه من عند ظهرها ,,
وقمعزن اشوي وجواهر حطت المصحف عالطاوله اللي قدام الكنبه اللي مقمعزات عليها ,, وعايشه اتشوف للمصحف واعيونها رمشن واذكرت الايات القرآنيه اللي اتحفظ فيهن اختهن جواهر وكلام الله عالحرام والحلال واول ماذكرت ان الله يعذب المفسدين وان الله لا يحب المفسدين حست بخووووف رهيب غزا قلبها ,, وشعرت بالم في قلبها وشافت لأختها لقتها لاهيه اتفرج عالجناح وادقق في كل شي لعند جت جواهر وجايبه حلايه فيها شوكلاطات ومدتلهن وخذن وقمعزت يالاهن ,
جواهر : عويشه كنك اتقول مريضه غريبه ماهذيتيش الحلايه كلها 😁
عايشه تصنعت الابتسامه وقالت : لا ويين ,, بنهتمو برواحنا وبلاش كةرت وكال مغير مرض علي قولت حني فوز 😅
جواهر : انتي اتعبلي بكل حالاتك ,, وخطرها جبتلكن حاجات اسماح يةمتها من المدينه لكن حني قالتلي غطيهن الهن بعد ايجنك في الفيلا ,
وصبت جابت ميسين هدايا ونداته لهن وفتحاته نعيمه لقت فستانين👘👘 ايهبلن نفس الشكل مغير يختلف اللون ومعاه عطر واكسسوارات شعر وحركات البنات عااد 💄👛🎀👠💅 😂 مايخلاش الامر منهن 😁
وعايشه حست بالذنب يامل فيها وضميرها مايرقد فيها الليل ماللي ادير فيه في اختها ومجبورة وتحت التهديد ,,
المهم عايشه تصنعت الوجع وانها اتحس في بطنها وتبي التواليت وخششتها جواهر معاها للحمام وقعدت عايشه ماسكه في يد جواهر رياشارينتي مريضه وتبي اترجع وجواهر بطيبتها قعدت اتملس علي ظهرها واتهدي فيها وفي اللحظه هذي عمتكن نعيمة لقت قنيص نادر معزوق عالسرير هذاته ولفاته وحطاته تحت دبشها ويثسقمت روحها وخشت عليهن في التواليت وقالت : اعويشه كنك ? شكلك امحصله ضربة برد هيا ساع امي تعطيك دوا تصحي عليه ,
وخذتها من يدها بدون مقدنات وجواهر منصدمه في حرتها بس ماركزتش وطلعت في جرتهن لقتهن طلعن وقمعزت قرت القرآن وبعدها بوقت سمعت العصر صلت فرضها ونزلت لقت سالمة وبناتها ورجعه مرت عمها ابراهيم واتيات بيمشن للسوق ,,
جواهر : غريبه بتروحو توا ?
سالمة : ياياحنه بنمشو للسوق نا والبنات وعمتك رجعه ,توصي علي شي ?
جواهر بطيبه : سلامتكن ,,
وطلعن وطبعا ابراهيم مايعرفش في البلاد اكويس فعمر طلب ايوصله مع عيلته وفعلا شالهم للسوق ونزلن الصبايا وعنر مشا لكافي مقابل وقال لابراهيم : اول ماتكملو تلقوني هنا ياعمي اوكي ?
ابراهيم : اوباهي ياولدي ,,سامحنا بنتعبوك ,
عمر وهو ايشوف لوحده من البنات : اتعبك راحه ياعمي ,😊
و مشو وعمر تنهد وحط يده علي قلبه وقال : اخخخ ياقلبي شن درت فيا بس ?! 😍 امتا اتحس بيك وتحس بحبك ليها ,ااااه قلبي المسكين 😍
عليك خبر اتحسنه ايمثل في جو روميو ولا ? 😒
ماعلينا منه ,,✋
المهم ابراهيم التها مع البنات ورجعه وسالمة قالن انهن يبن مكان ايبيع في حاجات صبايا وابراهيم بطبعه البدوي وااخشم في عاداتهم تحشم يمشي مع مرت خوه ,
ومشن المسمومات واعكرن في مكان ولقن سياره ترجا فيهن رمبن فيها ومشت بيهن لمكان الله لا يروعكن ,😖
وبعد ساعتين وابراهيم والبنات يرجو في سالمة ورجعه وابراهيم عصب ومعش القيهن وردو لعمر اللي قاعد يرجا وذايب وماصاير فيه خير ,,😂 وهو بيحكي ةايشوفهن جايات من بعيد عاركهن علي تطويلتهن وركبو مع عمر وروحو واول ماوصلو ادن المغرب هشن لقو الكل ايصلي ,,
وبعد اشوي بدا سريب العشا ,, وتعشو والحاج الصافي امد عالترويحه ثاني يوم للنجع ,
جواهر وهي حاضنه حنها : بنرقد معاك الليله ياحني 😢
فوز : يابي يابي وصاحب بيتك يايام ? عيب يابنيتي الحده بعد تجوز نفروض ماتباتش بعيد عن راجلها وين راجلها وين هي ,, شن كنت نتصح ونقول من زمان هااا?
جواهر بطفوليه : لكن انتم حتروحو بكره ونا حنرايف عليكي ,, عادي ليلة وحده شن بيسير ?😔
وفعلا سكرت جواهر راسها وباتت مع حنها بعد حكت لنادر اللي بات في المربوعه مع الشباب لكن عقله وتفكيره مع جوهرته ,
وثاني يوم في الصبح فطرو الكل وبدو يجهزو في ارواحهم للترويحه عايشه جت لجواهر في غرفتها بدون مايشوفها حد واول مالقتها بروحها قالت : جواهر نبيك في موضوع ضروري ,,انا.........

وليلتكن سعيده مليشياتي 💋
وقراءة زايطه 😉

#Hamelo ✒