أحببت بدوية (ليبية_منقولة)

الحلقة 12

مليشيا صلاتكن قبل كل شي وطبعا في وحدات جني خاص وقاللي عليش تكتب صلاتكن قبل ,,نحنا عارفين صلاتنا ماتوريهاش لنا 😒 ,, والسبب ان في متابعات ايجني خاص وايقوللي من كثرة اعجابهن بالروايات ويرجن فيا امتا انزل ايفوتن في وقت صلاتهن ومرات حتي الغدا او العشاء 😞 عشان هكي انبه عشان ماناخذش ذنب وحده اتسيب صلاتها عشان تقرا روايتي 😌✋ والله يربحكن الصلاة قبل كل شي والرواية ملحوقه ,
🍁🍁🍁🍁🍁🍁🍁🍁🍁🍁🍁🍁🍁
رواية #أحببت_بدويه
الحلقة (12)

المهم اول ماوصلت فيه جواهر مد يده وهي مدت يدها ومسكت في يده وعطاها باقة ورد طبيعيه حمرا بالابيض من الجوري والزنبق ,, والصبايا يزغرتن وطلع بيها للمسرح علي اسما الله الحسني مشغلينهن بالدي جي ,, وهم طالعين اتجيهم رتاج وطبعا لابسه فستان سهره ربع وطويل وفيه فتحه علي قصاد رجلها واصله لنص فخذتها ولونه اسود بلمعه بسيذه ومرسوم عليها رسم. والشعر مطلوق دايرتله فلو والمكاج واول ماوصلو العرسان عند البلب بيطلعو جت لنادر وبصوت كله دلع وتجعوين : الف الف مبروووك حبيبي ,, وصدقني نتمنى انشوفك سعيد حتى ولو مع غيري حبيبي ,
نادر انحرج لان الموقف صار قدام الصبايا خصوصا هل جواهر واما سالمة وبنتها نعيمة الضحكة بانت علي وجوهن وعايشه خااايفه وترررجف ,,وقربت من رنده تستفسر من هذي ,
نادر شاف لجواهر القي وجهها حمر من العصبيه وعرفها غارت فاستغل الموقف وقرب من جواهر وضمها لحضنه وقال : الله ايبارك فيك ,, وصدقيني يوم اللي سيبتيني عرفو ان ربي حيعوضني باللي تستاهلني ونستاهلها ,, وهي حبي الوحيد جوهرتي جوااهر 😍
وباسها علي خدها وجواهر من جثر الغيره انحرجت بس جتها جراءة ماتعرفن منين جتها ورفعت وجهها لنادر وابتسمتلا وقالت : وانا اكثر حبيبي ,😍
نادر الفرحة بطيره تطيير وهمسلها : انحبك 😍
وباس يدها وطلع بيها من جنب رتاج اللذ بتنفجر وحست كانه حد عطاها كف ,,😏 عاطها هف ايهفها قولن آمين ,واتجيها سالمة وحطت يدها علي كتف رتاج والتفتت رتاج عليها مستغربه وشافتلها بهزوة وقالتلها رتاج :حولي  يدك ياماما ,,😒
سالمة ابتسمت بفمها المسموم وقالت : لا وانتي الصادقااو انتي حتحطي يدك في يدي وهضا شي متوكده منه ,😏
رتاج قرنت حواجبها وقالت : سن قصدك ? وبعدين عليش انحط يدي في يدك انتي من اصلا 😒
سالمة قربت وتلفتت بيش مايشوفها حد وقالت : انا اللي حنفضيلك الطريق مع ولد ناصروو ,, ويبقالك ابروووحك ,لكن الكلام هناااو مايصيرش منه انتقابلووو في الحاجر الورانييو ونحكيلك نا منوو,,😏
عاطها مايطشها شي وحده تنغزها بشي بصيره اتفكنا منها 😤 #Hamelo

المهم اول ماطلعو العرسان قبل مايركبو دروج المسرح قربو من فوز حن جواهر وحضنتها جواهر وباست يدها وراسها وفوز فرحانه لحفيدتها ,,
فوز : الله يرلحك يايام ويهنيك ويسعدك ويبعد عنك اولاد الحرام يارب ,
جواهر وهي قريب تبكي : تسلميلي يااجمل حن ربي يطولي بعمرك ةمايحرمنذ من دعواتك السمحه يارب ,
وقرب نادر وسلم علي فوز باس علي يدها وراسها ,
فوز لنادر : الله ايربحك ويسعدكم وتشوف ذريتكم يارب ,رد بالك عليها ياولدي راهي امانه عندك ,,عذي لنتي مش بنت ولدي وروحي فيها ,
نادر بابتسامه : كوني نطمنه جواهر في عيوني من جوا ,, هذي روحي وعمري وربي يقدرني ونسعدها ديما ,
فوز 😊
وركبو العرسان للمسرح وساعد نادر جواهر في فيلوها وقمعز جنبها وكل مرة راكبلهم حد ايبارك وبعدها جتهم سالمة ومعاها بناتها وشارينتي سلمت عليها وباسها وباركتلها وهي تبتسم في ابتسامه شرررر ,, ونعيمه اعيونها في نادر قريب يبلطن اعيونها. فيه ونزلت وهي الحقد والحسد ماليها علي اختها ,,
المهم الكل فرحان وعشو الضيوف والصبايا عاجبتهن العروس ومانحكيلكن عالنظرات شي فرحان وشي حاقد وشي منقهر وكل حد ونيته ,,وبعد ساعه نادر خلاص معش يبي ايضيع الوقت وشاف لجواهر وقاللها : هيا حبي ?!
جواهر باحراج : تواا ??
نادر شافلها بحب وذبل اعيونه فيها وقال : انا كان انحصل حتب الطلوع ماطلعتي من اول مالبستي ونا خايف عليك من العين ,,
والدي جي والع باغاني حلوة وشعبيه نش نصري واجنبي لااااا ,, اغانينا الحلوة الليبيه الأصيله ,,😂
وجتهم رنده وجايبه تورتا متوسطه الحجم وعلي شكل قلب ومزينة بالفرواله وخلت العرسان قصوها وكل واخد وكل التاني واعيونهم في عيون بعضهم والحب واااضح بيناتهم وهضا الشي اللي ولع النيران في خمس وحدات حاضرات العرس ,, وطبعا معروفات اربعه من قبل وزادن وحده ثانيه 😒  الا باقي بنات الشبابات اعياط وكل وحده ماسكه في يد صاحبتها واعيونهن قلوووب وكل وحده فيهن علي طيحه ,مش منهن جفااااف جفاف 😂
ماعلينا ,,
نادر وقف بجواهر وصاحبة الدجي ولعتلهم اغنيه يار وفضل شاكر ( خدني معك ) 😍 والعيااااط قلب الحديقه من البنات 😁 ونادر اول مانزل بجواهر مشا بيها لسيارته اللي زينها له عمر ومؤيد وزينتها حلوووة بورد ابيض واحمر ومرسوم قلب علي الكوفني والقزاز الخلفي وركب نادر جواهر في الكرسي القدامي وهو خذا المفاتيح من خوه وباركلا خوه وعمر وركب في السياره والرصاص ملا الهوا ,,طبعا هل جواهر هم اللي قعدو ايفرغو في سلاح والكل فرحان وطلع بسيارته وعروسته جنبه  والفرحه ماليه قلبه واعيونه وخلا ناس تفحمو من الغيره والقهر ,
وطبعا فوز استغربت وين مشا بيها وسألت زهور اللي جنبها : هم وين مشو العرسان ياحنه ?
زهور بابتسامه : ماشيين للفندق نادر حجز اسبوع في الفندق ,
فوز : ااه قلتيلي ,, ربي يسعدهم ,,
زهور بحب : آمين يارب ,
رنده جنب عايشه : نورتينا عيوووش ,☺
عايشه بابتسامه بسيطه : بنورك يالغاليه ,
رنده : كنه وجك اصفر ورايحه ناققه ,,بس تعرفي هكي احلا باقيه طرف يافرخه 😉
عايشه : نجك ليا تسلمي ,,
ونده شافت لامها لقتها اتشوفلها بحركه معينة وفهمت رنده وقالت لعايشه : تعرفي ياعويشه ونحنا مروحين منجم بعد زفة العرسان جواهر قبل ماتت كنا في الطريق !
عايشه طبعا كانت ماسكة حكيه قازوزه طاحت منها طووول وارتبكت وتوترت ,وقالت : هاه😟 معليش قبل لبزتك ,
رنده : بسم الله ساهله ماتعدليش ,, حنجيباك غيرها ,
عايشه بلعت ريقها بخوف وشافت لحيهة امها واختها نعيمة لقت مكانهن فاضي ودورتهن بعيونها مالقتهنش ,, رنده بتركيز: كنك عويشه ? في من ادوري ?
عايشه بارتباك : لا ابدا ,,مافيش مغير نبي امي في حاجه هكذي ,, بس ,
وطبعا عند سالمة ونعيمة ونجيه ورجعه اللي كلمتهن سالمة ومشن للسور الخلفي وجتهن رتاج استغربت الباقيات وتوترت منهن وبنظره استعلا عليهن قالت : نعم ,, امبدري كلمتيني وقلتيلي عندك حل في مشكلتي ممكن نمشو لمكان وحدنا ?
سالمة ابتسمت وقالت : لا ياحنة وماتخافيشي اصلا كلتنا هاللي اتشوفي فيهنو ماشيات في نفس موضووعك ,😏
رتاج شافتلهن وقالت : ممكن اتوضحي انا مش فاضيه تبي تحكي والا نروح ?😒
نجيه قربت منها وقالت : مغير بشواش ياحنه نحنا في صفك ومعاك يعني نحنا كلنا ضد اللي ماتسما جواهر ,😏
رجعه : واللي تبيه وخذاته منك بنت ذهب نقدرو انردوه لكي 😏
رتاج قربت منهن وقالت : كيييف ? وامتا ? وهو اجوز من الحثاله اللي توا ,, نبي الموضوع ايتم بسرعه ,
سالمة قربت منها وقالت : حنقولك نابيدي كيف ,, بس لازم اتساعدينا لان بنت ذهب هذي مش ساهله وديما الحظ معاها لكن هالمره ياويلها مني ,
رتاج : انا نبي زبدة الموضوع. ,, 😒
رجعه : حل واحد يخلي صاحب بيتك اللي سيبتيه يرجعلك ويجداك بيش ترجعيلا,😏
رتاج : من ? نااادر ?! مستحيل يجدا هضا مغرور وكبريائه عنده اهم شي ,, 😒
سالمة وهي تبتعد ةاتقمعز عالكرسي اللي في السور الخلفي : وكان جاك وصار اللي تبيه ?
رتاج بفرحة بانت في اعيونها : نعطيك اللي تبيه مغير ايصير اللي نبيه بس ,
سالمة : ساهل توا لكناللي نبيه مس ساهل راه ,
رتاج : شنو اللي تبيه ?
سالمة : نبي مليون جنيه ,
رتاج انصدمت وقالت : نعممممم😨 من جدك ?
سالمة : اكيده ياحنه نا مانبصرش بكككل , وعليش انفجعتي مليون مش واجد معاك انتي وباتك ونادر اللي ساع يقعد كيف الخاتم.في صبعك ,
رتاج فكرت وشافتلهن وقالت : تم موافقه. بس بشرط ,
سالمة رفعت حاجبها وقالت : شنووو ?
رتاج : نبيه ينذل لاقصى درجة ,ويكون تحت رجلي ,
نجيه : من هالناحيه اطمني ,, انتي تبيه مذلول لكي ونحن نبو اللي معاه تنقهر وتتعذب ,
رتاج شافتلهن وقالت : غريبه ,,مع انكن هلها ليش مش طايقاتها ?
سالمة : لا مش هلها بالنسبه ليا ناااو عندي بنتين بس ,
رجعه بغل : وبالنسبه ليا واخذه قرعت اعويلتي وبنياتي في كل شي ,, وامها قبل ياما خذت ,
نجيه : وبالنسبه ليا لا نقبلها ولا نطيقها من يوم حيت علي حنها وجدها مفضلها علينا كلنا وداير امها حاجه كبيره وبعد ماتت قعدتلنا بنتها زي العظم بوغصاص ,
نعيمة ساكته وشافتلها رتاج وقالت : وانتي ياحلوة ?
نعيمه : انا اختها بس نكرهها ونطيق العما ولا نطيقها ,, ديما جواهر جواهر جواهر في كل شي محظوظه عند عمامي وجدي وشباب النجع يبوها وايتمنو فيها ,, ليش مش عارفه لكن مانقبلها وانتمناها اتموت وفتك منها ,
سالمة : انتي ياحنه عليك الفلوس ونحنا علينا الشغل ونادام اتحدنا حنقدروها هالمره ,
واتفقن عالخبث والشر واطرطشن ومشت كل وحده في حالها ,,عاطهن مايطرطش ملمهن هالمسمومات ,,
المهم انطبو عند العرسان يانعموشات 😁
في السياره نادر امولع اغنيه( هلا بريحة هلي ) ويغني معاها وجواهر تضحك عليه واول ماوصلو للفندق نزلها طبعا مغطيها بالبرنوص الابيض متاع الفيلو برغم من فيلوها المحتشم بس غيور وليبي عاااد شن بيفهمه 😁😒
المهم اول ماوصلو لجناحهم رفعها بين ايديه وجواهر شهقت من الحركه ,
جواهر وهي منحررررجه : هيييييييي شن ادير نزلني 😨
نادر بغمزه : انا لحبيبي وحبيبي إللي 😉 شن درت يعني عروستي وبندلعها شن فيها ,
جواهر القلب خبيط من جد جده وشفايفها يرررجفن واعيونها منزلتهن ,ونادر بيذوووب مع حركاتها وايشوف لوجهها وخلاص واول ماحطها عالسرير قال : حبيبي,,, حشومي ,,, ينعلي نا نتعب من الخجول ,احلا حاجه فيك لما تنحرجي وجك ينحمر ونا معش نقدر انشيل عيوني من عليك ,
جواهر عضت علي شاربها بسنونها وتنفسها اعلي ومازالت ماشافتلا ونادر رفع وجها بيديه وقاللها : انحبك جوهرتي ونتمنى ربي يقدرني ونسعدك ,😍
جواهر واعيونها في عيونه السودا قالت : مادام معايا وجنبي ونا سعيده وربي يقدرني ونسعدك ونكون زوجه صالحه تهنيك وتريحك ,😍
نادر باس جبينها وقاللها : ربي مايحرمني منك ,ينعليا هيا حبي نوضي غيري فستانك وتوضي بيش انصلو مع بعضنا ,
جواهر : حاضر ,
وفعلا مشت جواهر للتواليت وازرطت في قصة السوسته وطلعت لنادر لقاته سالح الجاكه متاع البدله وقاعد بالقميص والسروال وفك القرواطه سافتلا باعجاب وفطنلها نادر وابتسم علي منظرها وقال : شكرا عارف روحي انهبل ,,😌
جواهر ارتبكت وقالت : مغرووور 😒 اصلا انا قبل نبيك اتساعدني ب...ب...
نادر لانه حافظ الجو قرب منها وقعدت قدامه وهو قدامه ورفع ايديه وسلحلها الحجاب وفك شعرها اللي نزل علي طووول ظهرها  وجابه الها علي جنبها اليمين ورد نزل ايديه وحطهنمن عند خصرها وقربها ليه وهي النفس راااااح ورفع يديه لرقبتها من ورا الشي اللي زاد قربها لحضنه وريحت برفانه دوختها ودوختني ودوختكن وانتن علي سبلة😂
وفتح السوسته بالبطيئ وهو ايتنفس في عطرها وريحة شعرها وقرب علي رقبتهاوباسها الها رعشت جواهر منها ووخرت وخشت للتواليت وهي لا تعرفنها انحمرت لا انصفرت ولا انخضرت 😁 المهم  نادر تنهد والبسمة علي وجه ومسح شعرها بيده للخلف وفتح قميصه وطاح عالسرير وهو يتخيل فيها وغيرت جواهر ولبست روب نوم حلو ابيض طويل لنص ساقها بلمعه بسيطه وتوضت ولبست اسدال الصلاة وطلعت واول ماطلعت شافلها نادر اللي وقف وهش للتواليت توضا وطلع صلو مع بعضهم صلاتهم ودعا نادر دعاء الزواج وشال الاسدال من عليها وهي مرتبكه ومنحرجه ومسكها من يديها ورفعها وقفها معاه ومشا بيها ناحية السرير و.........
ونوضن تحركن ديرن شي حاجه علي ارواحكن 😒 وانتن تخيلن وتحلمن ونا وراي عشاء 😭
بعدين عالفضوة هااااا عالفضوة 👉😑 حنزللكن وحده ثانيه ☺

قراءة مسليه غلاواتي انتن 💋
#Hamelo ✒