أحببت بدوية (ليبية_منقولة)

الحلقة 20

خيرات عليكن 😊 رد بالكن اتقولن طولتي كنت برا وجيت متأخر جمعه ومايغباكن ضروري نطلعو 😁
المهم قبل كل شي صلن علي رسول الله ,,ونخليكن مع الروايه 😘
🌲🌲🌲🌲🌲🌲🌲🌲🌲🌲🌲🌲🌲🌲

رواية #أحببت_بدويه
الحلقه (20)

وصلنا لعند جواهر اغمى عليها وشالوها للمستشفى وبعد المشف والتحاليل كانت الممرضه اترمبلها في المحاليل,, وكان اسم الممرضه هناء بنوته عسسسسل 😍 و.👇

وقالتلها رنده : شن حالتها ?
هناء الممرضه : عندها صدمة عصبيه هكي قالت الدكتوره ,,بس نرجو في التحاليل بس ,
وبعد وقت واول ماطلعن التحاليل الدكتور شافتلهن وقالت لنادر: ماتخافش التحاليل طبيعيه ,, والمدام حامل الف مبروك ,😊
نادر قعد امفتص واعيونه عالدكتورة وكأنه ماسمعش وقال : شنوو ? انتي متأكده ?😕
الدكتوره : اها ,, اهو نتيجة التحاليل قدامي ,,بس سكله عندها شوية انيميا ,,تبي مراعاة وتغذيه اكويسه ,واتابع عند دكتورة نساء 😊
نادر الضحكه بانت علي وجه وشكر الدكتوره وطلع القي مؤيد ورنده وجاهم واعيونه باين فيهم الفرحه ,,
مؤيد : انشاءلله خير شكلك فرحان فرحنا معاك ?
نادر : جواهر حامل ,,😀
رنده بفرحه : صاااح ? ماشاءلله الف الف مبروك ,,😃
مؤيد : اوووو ,, يعني بنقا عمو وهكي ??! حليا نا 😍
نادر : هههههه نش مغير عمو لكن شكلك مش صاير منك بككل ,
رنده تنهدت وقالت : ينعلي الحمدالله اللي وبي ستر ومانضرت جواهر من مرت باتها بكري ,,, بعد نذكر انها كانت بتقتلها لموس جلدي ايكش 😫
نادر قرن حواجبه : فعلا والله ,, بس الحمدالله ربي ستر ,, تي هي حاولت تخنقها في الغرفه اللي فوق ,, وبصراحه جواهر انصدمت ,,بالرغم ان خطتها هي اللي قالتلنا عليها وان الطريقه الوحيده بيش تعترف بحبوب هلويه ,
مؤيد بسؤال : انموت ونعرف كيف حبتهن بس مش ساهلات جيبتهن يانادر ?
نادر خط ايزيه في جيوبه وشاف لغرفة جواهر اللي مازالت مغمى عليها او دوخه وخلط معاها نوم وجسمها كان مرهق من الصدمه لدرجة استسلم للنوم ,, المهم مرت ساعه وفاقت جواهر علي صوت الممرضه اللي كانت تهدرز مع رنده ومؤيد اللي واقف عالباب واعيونه عالممرضه 😍 وشافت ليدها لقت مكان جهاز التغذيه في يدها ,,واول ماشافتها الممرضه هناء قالتلها : الحمدالله علي سلامتك مدام ,😊
جواهر بصوت كله تعب : الله يسلمك ,,نا وين قاعده ?
رنده قربت منها ونزلت وجهها عليها وهمستلها : الحمدالله علي سلامتك جوجو ,, شن اتحسي في روحك توا حبيباي ?
جواهر هزت راسها بمعني اها وقالت : اكويسه ,,اسرمي ,
وخش نادر القي جواهر اتسقم في روحها لتقمعز بمساعده رنده ,, وقرب منها وقال بحب : الحمدالله علي سلامتك غلاتي ,, شن اتحسي في روحك توا ?
جواهر شافتلا وقالت : ماتخافش عليا نادر انا كوييه الحمدالله ,,مش عارفه شن صار اصلا ,
نادر قمعز عالسرير واعيونه علي اعيونها وقال : انتي اغمى عليك بعد اللي صار مع مرت باتك ,, وجبناك للمستشفى.والدكتوره قالت جاتك صزمة عصبيه لك الحمدالله توا أحسن ,, وفي حاجه ثانيه حتفرحي بعد تسمعيها ,
جواهر : شنو? قول ,
نادر قرب وجه من وجهها ورنده انحرجت ةعرفت خوها انسي انها واقفه يالاهم وطلعت وخلتهم برواحهم ,,وهي الوجه فرااااوله 😁 علي جيت طارق وسلم علي مؤيد ورنده سلمت بدون سلام يد ,,لأنها ماتسلمش عالرجاله باليد ,,
طارق واعيونه علي رنده بس من تحت لتحت : سن صار طمنوني ?
مؤيد يحكي لطارق لكن العيون علي الممرضه هناء اللي اتبز في إبرة لواحد في الوريد قال : الحمدالله ,,احسن توا ,, مغير انصدمت من اللي صار بس ,
(كل حد لاهي في روحه عليك حالات 😂)