أحببت بدوية (ليبية_منقولة)

الحلقة 1

ماتخلنش قرايتكن للروايات يلهيكن عالصلاة حبيباتي ,,

رواية #أحببت_بدويه 😍
الحلقة الاولى (1)

روايتنا هالمرة تحكي عن شاب اسمه (نادر ) ايعيش في المدينه وايحب السفر واجد وخريج إدارة أعمال وماسك شركة استيراد وتصدير ,,والشركه كانت لباته. اللي بعد مات مسك في العمل( نادر) وبفضل شطارته وذكائه خلاها من اقوى الشركات في العالم ,, وطبعا (نادر ) عمره 30 سنة شاب طويل وعريض جسمه رياضي وملامحه سووووده وشعره اسود ناعم والا اللحيه والشناب 😍خبر مانحكيلكن 😂 نفس اللي في الصورة ,, وتخيلن عاااد 😁 لكن طبعه ساااامط😒 وااااعر ومايحبش كثرة الدوه ومغرووووور شايف رويحته نييين بكككل 😤 بس طمووووح لابعد حد ,, وواخذ الحياة جديات ومنظم في حياته ووقته حتي غرفته مايخليش في حد ايخشها او ينظمها له لازم هو اللي اينسق في دولاب ادبشه ومكتبه او حتي ادوات تواليته ابروووحه ,, لدرجة ماحد ايخش في داره الا للضرورة وهو ايكون موجود ,,
المهم ,, نادر يعيش مع امه وخوته الاثنين (مؤيد ) اصغر من (نادر ) بخمس سنوات يعني عمره 25 سنة ومتخرج تخصص هندسه معماري شاب ماتقلش حلاته من خيه اكيد ,,😌 شاب طويل بس اقصر من (نادر)بحاجه بسيطه وشاب عكس طباع خوه شخصيته ضحوك وبصار وجوه فستري وواخذ الحياه بجوها ومنابشي بس وقت اللي ايعصب اهربن من قدامه عاااد يضرب فيه عرق خيه نادر ومانحكيلكن شن يتحول 😒
ونجو لاختهم اللي اللي بعدهم وتعتبر اخر العنقود واسمها (رنده) وعمرها 19 سنة تقرا في الجامعه وتخصصها دكتوره اسنان ,, بنوته جميله بشرتها بيضا وشعرها ناعم وحلو بس اتقص فيه وطبعا محجبه وحتعرفن مواصفاتها ومواصفات خوها( مؤيد )مع الأحداث ..
وامهم (زهرة) ربة بيت في الخمسينات من عمرها وتجوزت زوجها بات عويلها في سن صغيره ومتخرجه من اداره الأعمال بس ماشتغلتش بحكم رتجلها مايحبش وليته تشتغل لكن ديما اتساعد في راجلها في شغل الشركه وبعد مات قعدت اتساعد في ولدها (نادر) اذا واجهاته مشكله بحكم سن خبرته في امور العمل وذكائها وطبعا تساعد وهي في المنزل ,,وهي وليه حنونه وطيبه وملامحها بيضا ومليانه شويه وجنيلة الملامح زي ولدها اتحب رويحتها لباسه يعني ,, وحتي بعد مات راجلها عاشت في حوشها وربت عويلها وضحت بروحها بالرغم من الخطاب اللي جوها لكن من حبها لراجلها مافكرتش اتعيش حياتها مع حد غيره ,,
انجو لاخر فرد في العيله وهو جدهم ,, الحاج( يونس ) بات باتهم شايب اكويس وطيب وحنون وطبعا الاملاك.له كلهن لكن الشركه كان ماسكها ولده اللي مات وكان اسمه (ناصر) اللي مات واعياله مازلو اصغار وكان نادر في نهاية الأعدادي وهضا الشي البي خلاه يشيل الحمل مع جده وامه ويتحمل مسؤوليه عيلته بدري ,,😔
وطبعا الحاج (يونس) طباعه نسخ ولصق من حفيده (نادر ) يعني فولة وانقسمت اثنين ,,لكن الجد اهون من حفيده بوواجد ,,لان نادر مر بتجربه خلاته زاد في عصبيته وغروره وانانيته في اي شي يملكه ,, وخلاته يكره حاجه اسمها حب او ارتباط ,,
زعما حيقعد كاره للحب ? ولعند امتا ? حنشوفو شن بيصير فيه ,,
تي ناويتلا علي نيه 😂
المهم,,👇
*************************************
نادر في الشركه وداير اجتماع بمجموعه مهندسيين والموظفين اللي عنده ومدراء الأقسام وكان معصب والكل خايف من عصبيه مديرهم لانهم عارفينه بعد يعصب وينفصل مرات يفصل حد منهم ,,
نادر بعصبيه : المسؤول عن توزيع الشحنة عالعملاء ايجيب ملف الشحنه توا 😡
مدير قسم التوزيع بتوتر وخوف: معايا الملف يااستاذ ,, لاني سلمت المهمه للمهندس صلاح وهو اللي شوره توزيع الشحنه 😓
نادر خذا الملف وهو مقمعز عالكرسي اللي في بداية طاولة الاجتماعات وقعد ايقلب في الصفاحي وهو غااامة عنده ,,وقال: المهندس صلاح وين ?
ويقرب منه واحد لابس نظارات طبيه وضعيف الشكل وارقيق ونقشه طويل الخشم والفم وقريب حتي الوذان المهم ,
*نادر : انت صلاح ?
*صلاح بتوتر: ايوه يااستاذ😟
*نادر وقف : ليش الشحنات الادويه مش متوزعة عالعيادات والصيديليات زي ماتفقنا مع العملاء ? 😐
صلاح : والله ياستاذ الشحنات بالتفصيل وبالعدد كل شحنه بحسب الاتفاقات وزعناهن 120 شحنه ,😟
*نادر خبط يده عالطاوله وقال: بلاش كلام فارغ من 120 شحنه وصلن 80 شحنه الباقي وييييين ?😡
الكل قعد يشوفو لبعضهم وسكتو ,, ونادر خذا الفون واتصل برقم معين وطلب شخص ايجيه عالمكتب ,
والتفت عالموظفين وقاللهم : انصراااف ,وماحد يطلع نين اتكملو الدوام مفهوووووم 😡
وطلعو الموظفين وخش عليه رفيق عمره وصاحبه ويشتغل معاه في الشركه وطبعا كان برا الشركه واول ماجا خشله طوووووول ,,اسمه (طارق) من نفس عمر نادر وقريب من طباعه بس بصار وجوا سمح ,,
ونادر يوثق فيه واجد واسرارهم عند بعضهم والنتيم متاعه من هما اصغار مع بعضهم عالحلوة والمره,,
المهم ,
طارق اول ماخش : خيراااات يامااان 😊
نادر تنهد وقمعز عالكرسي : من يبي ايجي الخير ياطارق,, انت مش عارف شن صاير ?😒
طارق: انشاءلله خير .شن في 😓
وحكاله نادر عالشحنه واللي صار ,
طارق بعد فكر اشوي قال : ولا يهمك يانادر خلي الموضوع شوري ,, حنعرف وين راحت باقي الشحنه 😐
نادر : عارفك قدها,, عشان هكي اتصلت بيك ,لاني بكره مسافر في رحلة عمل ضروري ,وعارفك انت اللي اتهنيني ,
وهدرزو وبعد تم الدوام روحو الموظفين نادر وطارق وكل واحد مشا لسيارته وروح ,
************************************
انجو لفيلا كبيره ورااااقيه وحلوة كأنها قصر يسد غير المساحة اللي قدامها اتقول غابه عالبوابه حارسين بسلاحهم وبالاسلكي معاهم ومعاهم كلاب حراسة حشاكم ,, المهم الفيلا من جوا ديكور واثاث خياااال ومقمعزين مؤيد ورنده عالبلاستيشن بشاشه كبييييره علي كبر الساس البي معلقه عليه في غرفة الترفيه والالعاب ,
مؤيد : اوووووو خسرتي مرة عاااشره 😂بصوت يقهر في اخته,
رنده اللي قريب تبكي : لالالالا انت غشاش يامؤيد 😢 غشيت عليا هيا العب من جديد وبلاش غش والا ...😢
مؤي برفعت حاجبه اليمين : والا شنو ? 😕
رنده بصوت طفولي : بنقول لنادر انك اتغش عليا 😅
مؤيد : والله ! اصلا انا مانغشش انتي اللي غشيمه في اللعب ,😒
رنده : لا ياحليوة انا مش غشيمة,, انت الل...
ويقاطعها نادر: ساااادكم لعب وهيا ياحلوة علي مذاكرتك وانت ياشاطر تعال نبيك 😐
رنده وقفت وطلعت لدارها عشان تقرا ولان خوها نادر كان معصب وبالرغم من حنيته عليها ويدلع فيها ومايتحمل فيها شي الا انه وقت الجد ماحد يقدر ايقاطعه,ونفذو اللي قاله بدون نقاش,
نادر في المكتب ومعاه مؤيد ,
نادر: مؤيد نبيك بكره تمشي للشركه واداوم فيها فااهم ,
مؤيد: حاضر بس عليش فجاءه هكي ,?
نادر : لاني مسافر في عمل ضروري بكره وفي شحنه مسروقه ونبيك تسمع كلام طارق وتساعده فاهم?
مؤيد : حاضر ,,ولا يهمك ,كون هاني 😉
وبعد اشويه خشت عليهم امهم ووقف نادر باس راسها ,
زهرة : الله يرضا عليك ويسعدك ياغالي 😊
مويد حب اينابش امه: ونحنا ياست الكل مالناش في الدلع ولا كيف ?😉
زهرة: حتي انت يابولسان طويل ,, هيا حبايبي العشا قريب يجهز ,,هيا يانادر غير دبشك وتعال بيش اتعشا 😊
وفعلا طاب العشاوحطوه عالطاوله الأكل ونادر خذا شاور ولبس دبشه ونزل. وقمعز مع عيلته وطبعا جده معاهم وقعد يسأل فيه جده عالعمل وحكاله نادر باللي ساير ,,
انخلوهم ايتعشو وانطبو في مكان بعيييد وهو نجع لعيت الصفصاف و يتكون من عدة بيوت وشيخ القبيله في النجع هضا شايب كبير وواعر كلمته مسموعه عند الكل اسمه (صافي) ومتجوز وليتين وعنده اعيال وبنات ومجوزهم واكيده عنده احفاد ومن ضمن هالاحفاد حفيده يتيمة امها ماتت وهي تولد فيها وباتها اجوز وحده ثانيه وجابت بنتين بس ومات ,,وقعدت هالبنت اليتيمه عايشه مع جدها وصباياه,,
طبعا حفيدة الشيخ صافي اليتيمه اسمها(جواهر) ابنيه جميلة جدا عيونها لونهن ايحير لاتعرفنهن زرق ولا تعرفنهن رصاصيات وواسعات ,,بشرتها بيضا واخدودها ورديات ونقشها ايهبل خشمها الواقف وشفايفها. الورديات وشعرها العسلي الناعم وطويل لخصرها,وطولها وسط وارقيقه اشوي بس مش اماثر علي شكلها الحلو,ومرغوبه من كل شباب النجع ومحسوده من اغلب صبايا النجع وبناتهن ,,
صافي وهو واقف قدام البيت وقارن حواجبه وناده : يامحمد ..يامحمد هووو ,
جاه شاب في16 من عمره وقاله: نعم ياجدي ?
صافي: وين بنت عمك جواهر لتوا ماساعش روحت? عدي دورها وين لتوا ماجت ,,مشت تسرح بالسعي مع نجيه ورجعه وطولن ,
محمد: حاضر ياجدي حنمشي اندورهن ونروح بيهن ,
طبعا نجيه هذي مرت جدها الصغيره وليه اعوذ بالله منها ورجعة مرت عم جواهر الصغير ,, المهم بعد وصل محمد في مكان اللي قاعدات فيه القي مرت عمه رجعه ونجيه مرت جده نازلات في جواهر. ضرب وترييش وهي تجري منهن ويمسكن فيها شي عض وشي تقريص وجواهر اتعييييط 😭 واول ماشافن محمد سيبنها
محمد بغل : حي عليكن حي من جدي والله نهاركن مغبر. من جدي 😠
جواهر ببكا : احميييييده. خوذني امعاك لجدي الله يربحك 😭
وخذاها محمد من بين. ايديهن ودفها قدامه خايف. عليها منهن
وقال : وتن ارواحكن. بس اليوم من جدي وعمي 😠
نجيه : باهي ياولد سالمين. لك دباره باه 😡
واول. ماروحت. جواهر مشت لجدها طووول واظبطت جدها بقوة. وهي تبكي ووجها حمر
واول ماحكاله محمد قال...................

قراءة ممتعه 💋

توقعاتكن مليشياتي وشن رايكن انكملها ولا نفوتها😕

#Hamelo. ✒