أحببت بدوية (ليبية_منقولة)

الحلقة 24

وعشان خاطركن كتبت الحلقه وانشاءلله تعجبكن ,,, دعواتكن حبيباتي ليا ولكن بالمثل ,,وربي يسعدكن دائما ,,😘
🌸🌸🌸🌸🌸🌸🌸🌸🌸🌸🌸🌸🌸

رواية #أحببت_بدويه
الحلقه (24)

ووصلنا لعند نادر وصل لمكان مهجور من البشر تقريبا وكان زي الصحراء والوقت ليل وصوت الريح زاير جوه 😂 رعب من الأخير ,,
المهم طلعولا مجموعه ملثمين وتفاوضو مع نادر اللي أصر ان يشوف جواهر قبل وفعلا طلعوها له و...👇

والتفت الملثم علي واحد من جماعته وعطاه اشاره وخش الملثم الثاني زي القوراج بس زينقو وغاب وقت بعدها طلع بجواهر وهي متربطة اعيونها وفمها ايديها ورا ظهرها واول ماشافها نادر حاول يقرب منها بس منعوه الملثمين التانيين ,
نادر بخوف : جواااهر ,, انتي اكويسه ? فكوها خلاص ,, جبتلكم اللي تبوه شن ترجو توا ??😠
الملثم : نرجو في الأوامر ,,اصبر ياشطور ,, 😎
نادر : اوامر من من ? 😬
وفي اللحظه هذي سمع صوت اطقطيق كعبها عاطها كسر وهي اطقطق مابت اطيح تنفصع من اول مازرقت في الروايه 😒 واللي تقهر انا اللي مزرقتها 😭
ماعلينا ,, المهم ,,اول مابانت علي نادر قرن حواجبه وقعد ايشوفلها بغل وكان يحصل يقطعها تقطيع عالعمل اللي داراته ,, لكن قعد ساكت واعيونه علي جواهر وعلي رتاج اللي بدت اتقرب منها ماوقفت بين جواهر ونادر التفتت علي جواهر وشافتلها بتظره استحقار ,,وبعدها شافت لنادر وللشنطه اللي وراه وقالت بغل : اممم يعني طلع كلام البدويه صح ,, وطلعت اتحبها ومضحي بفلوسك عشانها ?! 😏
نادر : 😠
رتاج قربت من نادر لدرجه قعدت واقفه قدامه ولابستلكن بلوزه جيشيه مخربشه وسروال بخربشه الجيش والبلوزه حاطتها في اليروال جوا واكمامه للمرفق ثانيتهم وكندره كعبها اتقول مسمار ,, والسعر رافعته كعكه فوق امطنش كيف البخت وهي متأثره بافلام الاكشن متاع فندام العطيبه 😒 وواخذه في روحها مقلب والوجه باكو الوان بس هادي شكله مش خطاط 😁
المهم طالعه طرف بس اوفر بككل علي بنت ليبيه محترمه ,,ولااااااا قدام تريس اخرا  ,, نادر استحقرها خصوصا انها حاطه عطر قلب المكان بمجرد قربت منه اتقول حاطه تنك عطر 😂,,مازالت اتقاوم وادير في جو اغراءات ,,😏
المهم قربت من نادر بمسافه مش بعيده منه وقالت بصوت يفصع الرقبه : وااااااو نادر ولد ناصر بجلالة قدره يتناااازل عن جميع فلوسه عشان ينقذ زوجته المصووون ههههههههه البدوييييييه 😏
نادر ايصك علي سنونه قريب كسرهن من فرط عصبيته وقال : رتاج رتاج رتاج ,, تعرفي استهنت بقدراتك والله ,,وماكنتش متوقع منك الكره والإجرام هضا كله ,,اممممم فلوس وعارفك تعبدي الفلوس ,,بس لدرجة تخطفي ودايرة جو عصابه او مافيا ولابسة زي المجرمات ناقصك سلاح بس وتكتمل صورتك 😒 البدويه هذي اللي مش عاجبتك انا انحبها وانموت فيها وهي اللي تستاهل نادر ونادر يستاهلها ,, لاني مش رخيص انا غالي يارتاج والغالي مايعيش وايشارك حياته الا مع اللي غالي زيه 😒
رتاج حطت ايديها علي خصرها وقالت : والله ?! شكرا لذوقك.,, بس اخساره طلعت ماعندكش ذوق بكككل ,, انت اتحب هذي ,,يااااي مش لايقه عليك بككككل يابيبي ,
نادر : انتي تبي افلوسك وهذي شنطه الفلوس وتوا سلميلي مراتي عشان نعطيك الفلوس ,,مش فاضي للتفاهات ,😒
رتاج وخرت وهي ااشوفلا ولفت علي رتاج وفكت الغطاء من علي اعيونها وجواهر اول ماشافت نادر اعيونها دمعو تمتمت كأنها بتحكيلا ,,ونادر قلبه وجعه عليها وحس روحه معش عنده صبر وقال : فكوها خلاص واطلقوها 😡
رتاج للملثم : فكها له ,, حنشوفو حتصبر معاك.عالفقر والا تسيبك اللي متمسك بيها للدرجة هذي ,
نادر بعصبيه : حاجه ماتخصكش ,,😡 وفيسع خفي روحك نبي مراتي ونبي انروح بيها وااا حنطلع عليكم اجنوني يارتاج وانتي اكثر وحده تعرفيهن 😡
رتاج شافتلا بغل وقالت : خودها اشبع بيها اساسا انا اللي يهمني خذيته منك وانت حتذوق العازه والفقر واتجيني لعندي واخرتها حتكون ليا غصبن عن روحك.,, وهضا وعد من رتاج ,,  ادا السحر مانفعش فيك اللي داراته ليا الهبله سالمه فأنا اقوى من السحر بنفسه وحندمرك انت وعيلتك ومراتك الخشرة هذي حتشحت في الشوراع وتشووووف 😠
نادر بضحكة هزوة قال : اللي في يدك ديريه وخلصيني هيا فكوها ,😏
وفعلا فكو جواهر ايديها ورجليها وعلي طووول راااحت في حضن نادر اللي استقبلها بشوووق ولهفه وخوف واضحات في عيونه ونفسه ,, ورتاج لاحظت خوف نادر علي جواهر وقبل انجنت من الغيره ,, وقرلت من واحد ملثم بس شكله باين عليه كبير اشوبه مش شاب وهمستله وهو همسلها ونادر لاحظ اللي صار وخاف علي جواهر وعلي طووول مشا بيها ناحية السياره ووكبها وهمسلها : خبيبي انزلي لوطا ومهما ايسير ماترفعيش راسك فاهمه ,
جواهر بخوووف : عليش شن بدير ?
نادر بغمزه : مش نا اللي بندير افطني بس ,😉
وفتح القميص متاعه وهمس في صدره عالجهاز اللي حاطه وكان جهز تحسس وتسجيل صوت وصورة وقال : كل شي تمام ,,ابدو ,
وفي اللخظه كانت رتاج والملثم الكبير يفتحو في الشنطه وشافو من فوق رباطي الفلوس 💵💵 واعيونهم قعدن هك $ ومايفوت دقيقه الا وسيارات الشرطه 🚨ومكافحة الجريمه 🚓محاصراتهم من كل مكان ونادر ولع سياراته وتباعد من موقعه وسمح للاقي السيارات بمحاصرة رتاج وعصابتها ,, ورتتج انصدمت 😨 راحت فيها الدلوعه 😂 واللي معاهر بيقامو لقيو السلاح موجه ناحيتخم من افراد الشرطه والمكافحة وقرب طارق والضابط المسؤول علي عملية القبض ناحية نادر وقاله الضابط بعد خذا الدليل واللي هو جهاز التسجيل: صحيت يااستاذ نادر توا جا دورنا والحمدالله علي سلامة المدام ,👮
نادر وهو يسلم في الجهاز : الله يسلمك ,,بس ممكن بعد تقبضو عليهم نبي نحكي مع اللي ماتسمى ولاحظت انها همست لحد ,,
الضابط : طبعا توا تم القبض عليهم وعلي جماعتهم وتم ازاله الاقنعه البي علي وجوهم ,
وفعلا نزل نادر ومشا مع طارق اللي طبعا صاحب الفكره واللي كانت 👇
نادر قرب من رتاج وقال : ههه شفتي اخرت الطمع وين حطك ? 😏
رتاج بغلللل : انت مذبت وبلغت الشرطه ,,انت غشاش 😡
نادر بهزوة : علي اساس نلعب معتم في نقيزه نا !!😏
وشاف للراجل تللي وراها انصدم نادر واستك القيه باتها معاها ,,نادر بصدمة واضحه : مش معقووووله هضا انت ياااااا ..خلييييل 😨 حتي انت معاها ومشاركها ,!!?
خليل بحقد وقهر : اصلا انا اللي خططتلها وكانت خطتي تنجح لولا الغلط اللي درته ,,حتنزم يانادر ,,حتندم وااااجد 😡
وطبعا الشرطه خذت الشنذه ورتتج بدت تبكي وقالت : فلووووسي فلوووووسي 😭
نادر شافلهم بكبرياء وهم شالهم للبوكس او الشيلة زي مانعرفوها نحن ومعاهم جماعتهم متاعين الحشيش وقاللها : معليش ياحلوة مزورات راه ماتحطيش في بالك.😉
رتاج : 😨😭,
ونادر التفت القي طارق مبتسم😊 ونادر احضنه وخبط طارق يده علي ظهر نادر بود ومحبه وقاله نادر : شكرا ياطارق شكرا يااعز رفيق ليا ,,لولاك ماقدرت انرد مراتي ونحفظ مال اهلي ,
طارق بمحبه اخ : عيب مش بيناتنا ,,نحن خوت واللي ايسير عليا معناها صار عليا ,, ومراتك اختي ,,والحمدالله علي سلامتها 😊
نادر : الله يسلمك ,
وركبو في سياراتهم وكل واحد روح لبيته ونادر طبعا اول ماخش للفيلا القي الكل يرجا فيه في الحديقه من جده وامه واخته وخوه ومنى وولدها وراجلها خالد ,,
واول مانزلت جواهر جنها الصبايا يحضنن فيها وايحمدلها بالسلامه ,
زهرة : الحمدالله علي سلامتك ياغاليه ,,يابنت الغوالي 😭
جواهر : الله يسلمك ياعمتي ,,ربي مايحرمني منك ,
رنده وهي تحضن فيها : جوجو ,,ينعلي الحمدالله علي سلامتك شن صار معتك وشن دارولك 😭
(مغير خليها تاخذ نفسها وانتي طووول قصقصه 😒 ليبيه ماعليها ملام 😂)
جواهر بحب : الحمدالله بخير وربي مايحرمني من جمعتكن وخوفكن عليا ,,
ةخشن بيها بعد سلمت علي يونس , ومؤيد من بعيد وخشت لجناحها خذت شاور ولبست ببجاما بيتيه ورديه نق كم وجففت شعرها وخشت عليها رنده بصونيه فيها عشاء خفيف وكبايه عصير طبيعي ,,
جواهر : عليش متعبه روحج بس ?
رنده بفرحه : تعبك راحه غلاتي ,,هيا كولي وتعشي واشربي العصير هضا كله ,ونادر حيجي ايتعشا معتم مغير مايبيش عصير ,,طبعا هو اللي وصاني اليور هيسبون 😍
جواهر : نجك ليا ,, انشاءلله مانفقدك يارب ومايحرمني منه نادر ,والله نقذني منهم الكلتب حشاك ,
رنده : يارب ولا نفقدك ,,انتي الاخت اللي ماجابتها امي ,
وخش نادر بيطمن علي جواهر القيها مقمعزه عالكنبه ورنده جايبتلها العشاء وحاطته لها عالطاوله وقرب قمعز جنبها ورنده طلعت بعد شكرها نادر وقعد ايعشي في جواهر وهم اعيونهم في بعضهم وهو ماحتى تعشا العطيب😂 يتفرج علي وجهها وملامحها واعيونها وهو ايوكل فيها كأنه كلا ولا نعموشاتي 😉
المهم بعد تعشت وصلت صلاة العشاء خشو سريرهم وحضنها نادر بقوة وكأنه خايف عليها اتريح منه وغنض اعيونه وهو ايشم في ريحته اللي عشقها بجنون وهي غاصت في صدره وتعلقت بيه وغمضت اعيونها وسكتت شهرزاد عن الكلام المباح 😍😍
وافهمنها عاااد ,,هيا عاد اتطبو في تركينه ثانيه 😁
وانجو ليونس اللي اتصل بالصافي وحكاله وخبره عشان مايزعلش منه انه ماحكاله ولا شي ,,بس اهم شي ماباتو في حوشهم الا بجواهر وهضا اللي طمن الصافي وسامح يونس اللي ماخبره من الاول ,,وبعد سكر منه ,,
يونس لزهرة : هااا يابنتي شن رايك توا بعد اطمنا علي جواهر والمشكله انحلت انكملو موضوع مؤيد اللي خطبناله لازم اتحددي موعد بيش يطلع عرسه خلاص مش صغير حتى هو ,
زهرة : ونا شن ودي بس ياعمي ,, لكن قبل نبي انطلعله هو وعمر ولد اختي مع بعهم لكن منى امسكره راسها ,
يونس : انتي طلعي فرح مؤيد هو الاول وعمر ساهل خلي موضوعه شوري انا جوزت نادر وهو اعند من اختك مانوحلش فيها ,
زهرة : يارب ياعمي ,,نستأذن انخش نرقد والله اعصابي معش ايتحملن فجايع ورعايش ,,كرعيا مرقدات ,
يونس : هشي يابنتي ارقدي الحمدالله ربي ستر والنشكله انحلت بدري ,
وخش مل واخد في داره الا مؤيد يكلم في هنو عاااد 😂ورنده راقده ,,
وثاني يوم طلع صبح ايهبل وناض نادر نشيط وفرخان والقي جواهر راقده علي جنلها وشعرها نازل علي وجهها ابتسم وقعد ايباعد فيه وايتأمل فيها وباسها علي خدها وهش خذا شاور وطلع لبس وغطا جواهر ونزل لعيلته ,,القيهم يفطرو ,,
نادر : صباح الخير ,ياعيله ,
الكل : صباح النور ,
ورن فون نادر وكان طارق ,,
نادر : الووو ياصقع ,
طارق : صباح الخير يانادر ,,نبيك ضروري ,
نادر : انشاءلله خير شن في ?
طارق : ماينفعش عالفون بنحكي معاك طبيعي ,
نادر ...................

للقصة بقيه وبكره حبوباتي انكملها 😍
حلابوش منكن نموحاتي 😘

قراءة ممتعه 💋

#Hamelo ✒