أحببت بدوية (ليبية_منقولة)

الحلقة 27 والاخيرة ¹

صلن علي حبيب الله وشفيعنا يوم البعث والحساب ,,❤
نعموشاتي انشاءلله عجبتكن روايتي 😌 وكنت خفيفة الظل عليكن ,,عاوفه روحي نزوق في نص الروايه بس هكي نا انحب انعيش مع الاحداث 😁
وجماعه اللي يقرو ومايعلقو زارقه عليكن راه 😏
وهذي الحلقه تللي تراجن فيها مليشيا 😎
😘
🍀🍀🍀🍀🍀🍀🍀🍀🍀🍀🍀🍀🍀🍀

رواية #أحببت_بدويه
الحلقه (27) والأخيره ,,الجزء 1

وعدا النهار وجواهر ماتريحت كل مرة في بيت حد من عمامها اتسلم وجايبه عرم العاب للعويله ونادر ايراقب فيها من بعيد خايف عليها ورن فون الصافي
الصافي : الووو ,,ايوا نا الصافي من معاي ,,من ? معقوله !! لا حول ولا قوة الا بالله العلي العظيم ,, تسلم يافندي صحيت بارك الله فيك ,,باذن الله حنجيكم بكره ,,في امان الله ,
وسكر وهو حزين ,,
يونس : من ياحاج انشاءلله خير ?
الصافي.:. هضا الضابط المسؤول علي قضية سالمة خبرني خبارة ,,والله ماني عارف سن بنقول ,,
يونس وهو خايف : قول ياحاج ,,قول حسك شغلتني😰
الصافي : قالي ان سالمة مرت المرحوم فارس دارت مشكله في الحبس وشكلها تعاركت مع وحده قالي اسمها رتاج وهي اللي خطفت جواهر وسالمة جت بتضرب رتاج بموس فكت رتاج الموس منها  وطعنتها
وجتها الضربه علي مقتل ,,وماتت ,
يونس بصدمة : هالخبر ايسما ? اعوذ بالله من الشيطان صبايا مجرمات يقتلن عادي ومش حاسبات يوم بكره ,,لا حول الله ,
نادر خش القي الكل ساكت وطبعا كانو مقمعزين ضنا الحاج صافي ومؤيد والشياب واول ماقمعز حكاله جده انصدم بس بينه وبين نفسه قال ( زينك فكه )
هابا يانادر مش غير انت ,,عرب وااااجده تقرا تو بيطيرو من الفرحه 😂😁
ماعلينا,,
طبعا الكل اعلم وعايشه بعد عملت انصدمت وقعدت تبكي وجواهر وجعتها خيتها وقعدت معاها واصرت جواهر انهم ايديرو عزا لسالمة ,,بالرغم من اعتراض جدها بس جواهر قالت : عشان خاطر عايشه ياجدي هذي امها ,,والام غالبه مهما اتكون ,
الصافي: انتي قلبك ابيض يابنتي حد غيرك مايفرح الا افرحان وايزغرت اخرا ,,ربي يعطيك علي قصاد نيتك ويبعد عنك الحسديه واولاد الحرام  ,
(هابا ياحويج العرب فرحو واللي هناك صارت 😁)
المهم ,,
دارو ثلاث ايام عز والكل عزا عايشه وجواهر بالطريقه هذي اثبتت ان ام عايشه من العيله وماحد تبرا منها ,,وعايشه تقدر ترفع راسها وسط ناسها وهلها ,,
ماعلينا بعد ايام العزا هل النجع اقعدو ايجهزو للجلامة🐑 وينعلياااا من جو الجلاامه 😍 تعرفنه عاد ايام التجليم خصوصا اللي عندهم سعي ,,🐑🐑🐑🐑
المهم جواهر زاد التعب من الوحم وحنها ماتبيها تتعب وادير بصيره ,, ونصبو بيت كبير للجلامة ودوا السعي والجو متاعه ورنده مافاهمه شي وبعد الغدا اسمعت غناي علم ايغني والكل مجتمعين اللي ايجلم واللي يصور فيديو بالنقال وطبعا ناس كبت عليهم من كل مكان لشهرة نجع عيت الصفصاف في جو الجلامه والعزايم وفي عرب ماتجي الا لي بطونها من الاخير ,, المهم كان جو ايهبل وقبلها حاصدين زرعهم وطبعا الجو نو اشويه وجواهر لبست ردا خفيف ازرق في الكحلي وتحزمت شرقاوي بالشمله وينعليا من شكلها بالردا والتحزيمه 😍 ولبست قبقاب وكانت خيااال الردا مبوج عليها بس بخفه ولابسه تحته سوريه ورديه اتهبل ,,وبسرواله والجو كله عاد ,, المهم نادر لابس عربي وكان ايجلم ولان اول مرة ومالبسش قوانتي يده ادبرت ووجعاته وطلع عشان يبي جواهر اطلعله مرهم جايبه معاه في الشنطه طبعا دزلها عيل صغير لابس عربي وبطاقيته و داير جو فيلم عمر المختار 😁 وخش القي جواهر تهدرز مع بنات النجع وتساعد في العزايز يطحنن بالرحا ادير معاهن ,
العيل : جواهر يبيك راجلك برا 😊
جواهر : قاعد برا ياعليوه ?
علي هضا اسمه الفرخ 😁 : اها وقالك تعالي بسرعه ,
وطلع يجري ودايروحه ايمتع بكرعيه ابيلا قرصة وذن علي جريته بلا صباط 😒
المهم جواهر طلعت لقت نادر : نعم نادر تبي حاجه ?
نادر وهو مغمض اعيونه بتذبيل : ينعليا نا وخلاص
نجك ليا ياغلاي وحبي خايله حتي في الردا 😍
جواهر ابتسمت وقالت : ديما يوم الجلامه حني فوز اتلبس فيا عربي ونا انحبه ,😊
نادر قرب منها ومسك يدها من فوق حبل البيت وقال : وانا انحبك وانتي لابسته ,,😍 زولك ايهبل طالعه طرف عنوني 😍
جواهر ضحكت : هههههههه انت داز عليا عشان اتغزل بيا ولا تبي حاجه 😂
نادر : ييييي ماهو منك بعد انشوفك ننسا حتى اوجاعي ,,
ومد يده لجواهر وقال : شوفي يدي ادبرت ,
ومسكت جواهر يده وهي خايفه عليه وقالت : كذا وريني ,,لانك اول مرة اتجلم يدك مش متعوده بس,,حنجيبلك المرهم في الشنطه وندهنلك بيه ,
ومشت وخلاته ايشوفلها وبعد برمت زاد ايشوفلها والضحكه علي عيونه.,,
المهم بعد يوم مرهق ومتعب في الليل رنده تسال في جواهر : شن بديرو بالصوف هضا كله ياجواهر ?
جواهر وهي تمشط في شعرها : ايتقاسمنه صبايا النجع في الاول ينقنه ويغسلنه واينظفنه اكويييس وبعدها ينشرنه في الشمس وبعد ايقب يغزلنه عشان يقعد ناعم ونقدرو نحشووه في الوسايد والمخدات ,,
رنده : وباهي شن اديرن في بنته تهايالي مهما ينغسل بنت الحولي فيه ,😷
جواهر : هههههههههه لا اتحول ياحنه بنة الحولي ,, عاطك الخير 😁 لان بعد يبن يحشنه يعطرنه بمسك وعنبر وبودره معطرة ونا انحب بودرة رومانسي الخضرا اتهبل فيه ,, وطبعا كل بعد فترة بعد تغسلي وجوه مخدتك اتنتفيه وتحطيه في الشمس واتعطريه وتحشي مخداتك وترقدي عليهن وانتي متريحه مع ريحة اتهبل ,😍
رنده بطفوليه : نبي وحده نا ,😒
جواهر : من عيوني احلا مخده لاحلى صبيه 😉
ورن فون جواهر وكان عمكن نادر وقعد ايهدرز معاها ,,
وفي الليل وفي الوقت هض بالذات  مؤيد كان يحكي مع هناء والحاجه فوز شايله ليان فيه امية ساخنه بتكبها ومؤيد شافها ,
مؤيد بهمس : خليكي عالخط اشويه بس ,
فوز بعد شافاته قبل ماتكب الميه قالت (ياجنون الوطا ضمو ديكم جاكم الشراب الحامي )
مؤيد : 😨 عليش قلتي هكي ياحاجه 😨
فوز : بيش مانحرقش سكان الوطا اللي تحت ويطلعولي ,😏
مؤيد وهو ايتلفت ويتعوذ وشكله تخزرط : سلام قولا من رب رحيم 😨
ومشت فوز وخلت المنجوه ايتخايل وخش يجري لبيت الرجاله ورقد ونسي الغندورة اللي ترجا فيه 😂نين ملت ورقدت 😁
ومشن الايام ومر الاسبوع بسرعه وعايشه تقبلت اللي صار لأمها وطبعا جواهر معاها ماسيبتهاش ,,وخلتها تقرا قرآن.لانه هو الشي الوحيد اللي يلجأله الانسان في ضيقه وحزنه ,,
المهم رجعو نادر وعيلته وبدو في جو العرس والتوتاي ومنى مع اختها في جو التجهيز وجا يونس ,,
يونس : منى يابنتي تعالي نبيك ,
منى : ................

نزلتها واختصرت الحلقه الاخيره علي جزئين خفت الضي يبلد بينا 😔 هضا واحد وبكره انزللكن التاني ,,😊

 
             قراءة ممتعه 💚💋
#Hamelo ✒