أحببت بدوية (ليبية_منقولة)

الحلقة 7

صلن علي رسول الله ,, وماتخلنش قرايت الروايات يلهيكن عن أداء صلاتكن ,,
🌵🌵🌵🌵🌵🌵🌵🌵🌵🌵🌵🌵🌵

رواية #أحببت_بدويه
الحلقه (7)

وصلنا لعند 👈 جواهر اول مالفت وهي تلقا 🐍 جنبها وتشوفلها وقريبه منها مش بعيده وجواهر انصدمت وقعدت اتشوف للفعه وخلاص ونادر قمعز وشاف لجواهر القيها راقده بنفس وضعها تنهد بقوة سماعته جواهر بس ماقدرتش اتحرك واتلف عليه وحطت يدها ورا ظهرها وقعدت اتحرك فيها تبي نادر يفطنلها وهي خلاااص وجهها اعرق وقريب تبكي لأن اكثر شي تخاف منه ومسببلها فوبيا الزواحف بأنواعه ,,😁
المهم جواهر في حاله ونادر مجاهش نوم واللفعه بدت ترفع راسها وهي اتلف في جزئها التحتي علي شكل احلقه ومنظرها ايخوف 😖 وجواهر بدت تحرك في جسمها بشووووي للخلف ونادر لعد شافها لاحظها اتحرك قرن حواجبه وركز وهو ايشوف اللفعه امطنشه راسها ولسانها يطلع ويخش ,نادر انصدم واستك وخااف ,, وخطرها ماقلتلكنش ناااو ,, نادر اكره مايكره اللفاعي 😂
نادر بخوف : جواهر ?? جواهر قدامك لفعه ماتتحركيش ,
جواهر خلاااص اعيونها عاللفعه وخلاص وبعد حاول نادر ايقرب اللفعه لاحظت تحرك نادر غيرت وجهها شوره استك نادر ووقف وجواهر تبي تستغل الموقف ترفع الغطا وتعزقه عليها وهي اتعيط
جواهر : عااااااااااا ,, ياجدددييييي 😭
نادر كر جواهر ناحيته وحطها ورا ظهره وقعد ايدور حاجه يضرب بيها اللفعه من القهر مالقيش حاجه فاظطر يعزق غطاه حتي هو عليها وقعد يعفس عليها ,
جواهر: لاااااا تلدغك هكي اعزق عليها حيطه ,
وطلع يجري جاب خيطه كبيره وخش يجري قعد يهرس فيها نيين تامدو انه قتلها ووخر قمعز عالفراش وجواهر تررررجف ,
نادر وهو داهش : امتا خشت عليك هذي ?😓
جواهر وهي ترررجف وتبكي : من اول ماخطيت راسي عالمخده مانجيب علم نين القيتها قدامي 😭
نادر : خلاص ساهله معش تبكي ,, ربي ستر ومالسعاتك,
جواهر تبكي ونادر صعبت عليه وقرب منها بيهديها ,وحط يده علي كتفها : خلاص جواهر الحمدالله قتلتها وافتكينا منها ,
جواهر : منظرها يررعش ونا اكثر مانخاف منهن ,, لدرجة جدي كل يوم اينبه علي اهل النجع كلهم ايتظفو قدام البيوت اكويس ونحرقو في عجل سيارات عشان مايجنش للنجع 😭
نادر : غريبه مادام مهتمين بالنجع كيف جت اللفعه هذي ,,ولااا اخرا يوم عرسي ,,عليك بخت 😅
جواهر ارفعت عيونها لقاته يضحك وايهز في راسه قالت. شكرا ليك ,,لولاك نش عارفه شن صار معاي كنت مشلوله ,
نادر : بالعمس انتي اللي عزقتي عليها الغذا كان هضا ماقدرت انديرلها حاجه ,
جواهر : علييش ,, اتخاف منهن ?
نادر : بدرجة كبيره ,, مانحبهنش بكككل ,
جواهر : والله ? غريبه عيالنا مايخافوش منهن ,, لدرجة حافظين انواعهن كلهن ,😏
نادر تنرفز منها وقال : انا ماقلتش انخاف منها قتلك مانحبهااش لكن مش لدرجة ننشل منها ,نقتلها عادي ,😒
وقعدو ايتناقرو نين نعسو غصبن عنهم وفي الصبح ناضت جواهر علي اذان الديك وفطنت لروحها راقده وهي مقمهزه ومنسنده علي نادر اللي راقد مقمعز حتى هو وساند حنكه علي راس جواهر ,,انحرجت جواهر وحست بحراره والخدود Reeed 😂
وبعد تحركت جواهر من جنب نادر تململ نادر وفتح اعيونه القيها منزله راسها ومنحرجه وشعرها نازل مغطي وجهها عليه ابتسم نادر بدون وعي ورفع يده ناحية شعرها ورفع خصلات شعرها اللي نازله وحطهن ورا وذنها ,,وهو هايم فيها 😍 وجواهر انحرجت ورفعت اعيونها ناحيته لقاته ايشوفلها بحنيه ومبتسم ,وقعدو ايشوفو لبعضهم فتره نين سمعو صوت خيل تلهد ,, توترت جواهر ونادر ارتبك وقاللها : صباح الخير ,ثجواهر : صباح النور ,
جواهر وقفت ونادر وقف وقاللها : شكلنا من تهدريزتنا امبارح مافطناش لرواحنا الا ونحن راقدين ونحن مقمعزين ,,
جواهر : اها ,, اسفه شكلي وجعتك ,
طبعا لان نادر قعد ايحرك في كتفه ورايه بطريقو اتدل علي وجعه من الرقده او هو مقمعز ,
نادر بحب : لا عادي ,فداك ,بس تبي الحق حسيتك خايفه امبارح وكل اشويه اتلفتي ,
جواهر: بصراحة كنت خايفه اتكون في لفعه تانيه ,
نادر : ههههههه نا ريتك قعدتي جنبي وقعدتي مقربه مني لدرجة قريب قمعزتي في كتري ,😂
جواهر تعقدت وقالت : لا مش لهدرجه ,,😒
نادر قرب منها وهو يلمس في خصلات شعرها وقال : احلفي كدا,
جواهر بتوتر من قرب نادر : و. و.وعليش نحلف ? عااادي .عا.عادي ,
نادر حب يحرجها : باهي كنك تحشمتي ?
جواهر : مش متحشمه عادي نا ,
وقرب نادر لدرجه وجه قعد قريب من وجهها ولانه طويل منزل راسه ناحيتها وغمض اعيونه وهو ايشم في ريحت عطر شعرها اللي حبها ,,ريحة ياسمين ,,
وجواهر القلب ايدرلك والوجه انحمر وجسمها يررجف وهي مش عارفه تصرف,,لاحظت نادر رفع يده وحطها ورا راسها وقربها منه وهي تخدرررت ,ورفعت اعيونها لقاته ايشوفلها وكأنه في عالم ثاني سارح ويتحرك بدون شعور وجواهر مادارتش رده فعل مجرد اتشوفلا وهو ايشوفلها والعيون مركزات علي بعضهن وبعد خلاص قرب من هدفه ولاحظ استسلام جواهر له ,,يسمع نحنحه عاليه من برا خلتهم يقفزو مع بعضهم وانفجعو ,,وجواهر مشت لجيهه اللي فيها صاكوها وفتحاته بطلع دبش لها ونادر لبس السوريه وطلع القيه خوه مؤيد ومعاه جده يونس ,
مؤيد: اوووووو ياعريس الف مبروك وعقبالي ,
يونس : الف مبروم يانادر وعقبال مانشوف اعويلتك وطبعا جو باقي الرجاله والشباب والكل ايبارك لنادر تللي انقهر من جيتهم وفي سره قال ( عليك بخت ,,ماعرفتو اتجوني الا توا ,, مايسدش ليلة امبارح اللي تسجل في التاريخ 😒
وطبعا جاملهم اشوي ومشو لحالهم وهو خش القي جواهر مغيره دبشها ولابسه فستان احمر وعليه ورق وورد صغير اخضر بالابيض وشافون ايهبل ومخصر اشوي وطويل طبعا ,, وقعد ايشوفلها وهي تمشط في شعرها ,
وجتهم زهزهرة بصفرة الفطور وعطتها لهم وباركتلهم وحكتلا انهم بيروحو للمدينة بعد الغدا ,
وفعلا غسل نادر وجه ةتضا للصلاه وجواهر سبقاته طبعا غسلت وتوضت.واول نرة ايصلو مع بعضهم وهو ايأم بيها وبعدها فطرو,,
نادر : دبشي وين بنغير ,
جواهر وهي معش رفعت اعيونه في نادر عاللقطه اللي بدري وحست روحها منحررررجه ,,مشت للصاكو وطلعتلا دبش خذاه وبدا ايغير وهي من الربكه لفت عطاته بظهرها ونادر ضحك علي برائتها ولبس وقرب منها باسها من جبينها وقال : مافيش داعي للخشم انا زوجك وانتي مراتي ,,حشم بيناتنا لا ,
وغير نادر دبشه وطلع وهي خلاااص قلبها يرررعش وقالت : هضا كنه ? ينعلي نا كني قعدت نرجف هكي ?
وفي اللحظه هذي جنها البنات عايشه وبنات عمها التانيات ,,وباركلها صبيحيتها وخشت حنها وام نادر وخالته وجواهر الوجه حمر علي اصفر علي موف ,, وحكتلهن عاللفعه اللي خشت عليهن,
فوز : ينعليااي هشت عليكم جوااا? غريبة ياياام يوم العرس العويله تظفو النجع كله وخرق. القومه والبيت هضا بروحه نصبوه في مكان نظيف😳
جواهر : والله ياحني كيف مانحكيلك وبالماره اهي ملفوفه برا البيت في الغطا طلعها نادر بعد تامد منها ميته ,
عايشه توترت ووجها عرق ,ورنده قالت : يامااامي ,,شن شكلها كبيره ولا صغيره ,
جواهر : والله ماهي صغيره طول ذراع بنادم ,
زهرة : بنعلي ياحبايبي الحمدالله علي سلامتكم , نجوتكم كبيره ,
عايشه : الحمدالله علي نجوتكم ,,عادي بر وديما اتصير عند العرب تخش عليهم لفعه ولا عقرب ومرات حتي هااامه ,باهي اللي مانضريتو ,
جواهر بقرنت حواجب : فعلا ياخيتي الحمدالله ,
فوز وقفت وقالت : لالالا الكلام هض مايخشش راسي ,امبارح المكان نظفووه والرجاله فتشو المنطقه كلها خايفين منهن لانهن ايشمن في العظم كان اعزقوه ,وبعدين كل بوم يحرقو في العجل مستحيل ايجن برواحهن ,
زهرة باستغراب : شن قصدك ياحاجه ? حسك خوفتيني ,
فوز ارتبكت وقالت : لا يايام ماتخافيش ,, مغير مستغربه نابيدي كيف اتخش عليهم دبيبه والمكان نظيف وبارمين عليه ,
جواهر حست بالكل خاف وقالت: عادي ياحني الحمدالله انا ونادر اكويسين ,, وماصارلنا شي وقتلها نادر ,, ربي حمانا الحمدالله
الصبايا كلهن : الحمدالله ,
وفي اللحظه هذي خشت سالمة ومعاها رجعه الا نجيه مابت اتجي ,,
سالمة ورجعه اول ماخشن شافن جواهر تهدرز وتضحك انقهرن وخشن وهن مصدومات وسلمن بطروووف صوابعهن وباركلها وقمعزن ,وحكتلهن فوز اللي صار مع العرسان وياشرينتي تفجعن وحمدلها عالسلامة وطلعن الصبايا بجهزو في الغدا عااد ,
وجواهر مشت معاهن لان خلاص ايتغدو ويروحو العريس بعروسته ,وطبعا زي ماتفقو بيديرو حفله ليله وحده في فيلة العريس وحيجو هل جواهر اللي يبي يحضر مسموحله ,,
وبعد الغدا وجواهر حاضنة حنها وجدها جاها وقعدت تبكي وحاضنتهم وسالمة في بيتها اتشوف فيها وجتها رجعه ,
رجعه بغل : كيف صار يا سالمة بنت ذهب غلباتك واهي تجوزت واليوم بتروح معاهم ,
سالمة التفتت عليها وعاودت اتشوف لجواهر من بعيد وقالت : مش سالمة اللي تغلبها بنت جت اول امس
,, صبرك بس ,امبارح حظها نجاها ,, لكن مش كل مرة تسلم الجره وحياتك , هه 😏
رجعه علي مكرها وخبثها بس تخاف من سالمة لانها عارفتها خبيثه وقادره وشافتلها ولوت فمها وقالت : غير ردي بالك ,, راه يفطنلك شي حد مش كل مره تسلم الجره علي قولك 😒
وبعد اشوي عند جواهر جتها نعيمه وعايشه اللي ترررجف وباين عليها البكا والكل يحسابها.تبكي عشان جواهر بتبعد ,
فوز وهي اتملس علي ظهر عايشه : خلاص يايام بعد يومين حنمشولها غادي وتحضري حفلتها عند عربها واتباتي معاها كم يوم ,والله غالب هضا نصيب ,
نعيمة فنصت في اختها بدون مايفطنلها حد والتفتت علي جواهر وقالت : الله غالب ياحني ,,البعد واعر والفراق مر ,,وعايشه متعلقه بجواهر زي ماتعرفي ,اليوم من الصبح حتي الفطور مافطرت تصدقي ?
وقربن من جواهر اللي حضنت عايشه وتبكي وحضنت نعيمة اللي مثلت جو البما والدموع وهي اخخخ من نيتها 😤المهم بعد خلاص الكل يجهز وجواهر بدت تلبس ومعاها شنطتها جتها عايشه وهي ماسكة صونيه فيها مقروض وطبعا جواهر عشقههها المقروض ,
جواهر قرنت حواجبها وشافت للصونيه وقالت : نجك ليا ياعويشه جايبتلي مقرووض 😍
عايشه وهي تبكي وترررجف وذبعا وراها نعيمة اتراجي فيها بيش ايروحن مع بعضهن ,,وعايشه ساكته وخلاص وتبكي ,
جواهر بطيبه : يانعلي ياعويشه ماتبكيش واانقروض حناخذه وناكله عشقي هضا ,,
وخذت اول طرف وكلاته وطبعا النقروض طيبنه بالقلي ماتقولنش كيف دارن مقروض وهم في بيوت ,😒
جواهر كلت اول طرف وجتها رنده : هيا ياعروسه نرجو فيك ,اووو مقروض ,ناخذ طرف عادي ?
جواهر : خوذي صحيحه ,
ةمدت رنده لتاخذ طرف وعايشه معش تحملت طاحت منها الصوتيه وتلبز المقروض رمله وشافتلهن وقالت : سامحني يدي بلدت ,حنديرلكن غيره وانحيبه لكن في حوشكم ,
رنده طرمت شواربها وقالت : عليك بخت مش قاسملي انذوقه اليوم ,
جواهر : ههههه ساهله حنديره لكي وانعلمك طريقته ساهل بكل ,
وفعلا سلمن علي عايشه ونعيمة وروحو عيلت يوتس وجواهر رمبت مع نادر في سيارته امه من قدام واخته من ورا وخالته معاهم والباقي توزعو مؤيد معاه جده وعمر ,وخالد راجل خالتهم مع صاحد الحافله اللي حطو في الحافله دبش العروس وجهازها كله ,,
وفي الطريق جواهر شعرت بألم في بطنها ونغزات في رقبتها وقرنت حواجبها مستغربه ونادر كل شوي يسرق في نظرات ناحيتها طبعا معدل المرايا علي قيسها 😂
وزهرة اتهدرز مع نادر والبنات واختها ولاحظت جواهر ساكته ,واشوي وجواهر اتعيط و................

توقعاتكن ,,😍
خطرها بعدين مافيش حلقه راه بنرقد بدري ونوض بدري ورايا سفريه 😘
بنمشي لبشر بكره 😘😍 يعني يوم الخميس نش حنقدر انزل ,, بعد اتروح حنزل كان ماوصلت دايخه ,, كان هضا حنزل ثلاث حلقات وامري لله يوم الجمعه 😓😥

قراءة ممتعه نعموشاتي 💋

#Hamelo ✒