أحببت بدوية (ليبية_منقولة)

الحلقة 23

قبل الروايه ياريت ماتفوتنش صلاتكن ,,والحلقه اللي تفوتكن تلقنها في الالبوم ,
وبصراحة انسحنت ضحك من كمية الحقد علي رتاج والكلام اللي في الكومنتات 😂 بس اقوى تعليق ( البقرة رتاج و عاطها دا ) 😂😂 حليا وخلاص 😍 فانز متأثر بالروايه لدرجة يدعي علي الشخصيه الخياليه 😁 عاطكن الخير ,,
بعد انقوللكن مليشيا ماحد إيلوم عليا 😁😂
🎀🎀🎀🎀🎀🎀🎀🎀🎀🎀🎀🎀🎀

رواية #أحببت_بدويه
الحلقه (23)

وصلنا لعند جواهر طلبت ان ترفع الغطا من علي اعيونها ,,
وفعلا ارفعت الغطا من علي عيون جواهر,, وجواهر انصدمت من اللي شافتها وبصوت مبحوح وصدمة بانت في عيونها : رتاااااج ,😳
رتاج بضحة هزوة : ايوا ياحلوة رتاج ,, اصلا من تقدر تاخذ حقها من نادر الا انا ,,?!😏
جواهر بعد استوعبت الموقف تنهدت وتحلت بالقوة وبينت روحها مش ضعيفه وقالت : بالله اي حق بس اللي تبيه من نادر ?? ممكن نعرف شنو هو ?😒
رتاج : اكيد عندي حق عند نادر اللي الفلوس علي قلبه قد الكون ,, ومش عارف شن ايدير بيهن ,😏
جواهر : اعوذ بالله من الشيطان الرجيم ,, وكنك حاااسده وحاقده عليه بالشكل هضا ? اللي يسمهك ايقول داير الرزق بفلوسك ! 😒
رتاج بعد مشت مسافه ووقفت لفت علي جواهر وقالت : لا مش من رزقي ,,بس وانا علي ذمته كانت حالته عاديه ,,اي خير من غيره بس مش زي توا ,, 😏
جواهر شافتلا وهي مش مصدقه كميه الحقد والهبال اللي معبي رتاج وتنهدت وقالت : توا انتي عليش منقهرة ? مش سيبتيه واتجوزتي غيره عشان القيتي الفلوس الواجده عند غيره ?? توا شن جد عليك ? عليش مركزه علي ناادر ? رد بالك اتقولي انك اتحبيه لان اللي اتحب مستحيل اتسيب حبيبها ,,وخاصه لو حملت منه ,,ماتنزلش الرابط اللي يربطها بيه عشان اتكون معاها حاجه من ريحته ,😒
رتاج بابتسامه : انا بصراحه ماكنتش انحب نادر ايوا ,,معترفه بيها ,,بس كان عاجبني ماننكرش شخصيته وجماله واسلوبه جاذباتني خصوصا توا 😍 طرف باقي مش زي ونا عنده ,,كان رقيق ويحلق في لحيته بس توا اللحيه الخفافي والشناب والجسم الرياضي والشعر الناااعم 😍 بصراحه ماكنتش نحسابه وسيم الدرجة هذي ,

(ريتن كيف ذابت مع اللحيه 😁 نقطة ضعفنا ولا ? 😍 #Hamelo )

جواهو بغيرة علي نادر : ياسبحان الله يعني زمان مش عاجبك لا شكل ولا مكانة وتوا عاجبك عشان حالاته الماديه ودار لحيه ? معناتها شن شكل اللي خذيته وسيبتي عشان نادر ماتقوليش شبن بس ,😒
رتاج : بالعكس وسيم وبلحيته وشخصيته بس كان اجمل من نادر في الوقت هضكي ,,بس توا كبر وفلس وزيدها عنده اعيال من مراته الاولى ,مشاكلهم واجد ونا كنت نبي اللي يدلعني ويلبي طلباتي ,, بس لما علمت بنادر كيف قعد وخصوصا بعد شفت صورته في الجرايد ,, سيبت راجلي واطلقت منه عشان نرجع لنادر تللي حبني وعاند امه عشاني ,😏
جواهر : بس اللي اديري فيه هضا حراام ,,وبعدين انتي كل حاجه اتهمك الفلوس وبس? مافيش اهدتف في حياتك غير الطمع والفلوس وتلعبي علي الرجاله كل مرة متجوزه واحد ,,😒
رتاج : عااااادي المهم مصلحتي ,,بس لما جيت بنرد نادر ليا القيتك قدامي وعاند قدام الكل انك اهم عنده مني انا حب شبابه ,,😏
جواهر : اي حب اللي جايه تحكي عليه توا ,, انتي انسانه ماتعرفش شنو هو الحب انتي عامي اعيونك الطمع وخلاص 😬
رتاج : والله انا انسانه متحضرة وتفكيري افريي ومتفتحه ,,وبنعيش حياتي مش ندفنها زي حالاتك ,,وطبعا طموحي انسافر لكل مكان خاطري فيه ونتمتع ونفرهد ,, وهضا اللي حيسير وقريبا اخرا ,😏
جواهر : نعنجد التحضر ,,, تعرفي انك انسانه سطحيه ,,والنوع هضا من اغبى البشر ,
رتاج بعصبيه : احترمي نفسك ماتقوليش غبيه ,, شن تحسابي روحك عقاب بدويه جايبها من البر محشنه وجاهله بتقارني روحك بيا انا بنت الحضاره والعز 😏
جواهر رفعت راسها وقالت : اكيد انا بدويه ومن وسط البدو ونفتخر وبالعكس مش عار اني بدويه العا. في اللي خاشه الحضارة بالعكس ومستهتره بحياتها و
انا بدويه بس مش جاهله انا متعلمة وحافظه كتاب الله كامل وصاينة نفسي وعيلتي وزوجي ,,انا بدويه بس معتزه باصلي اهل الجود والكرم وبنت فارس ولد فارس ,, وهلي فرسان ,, انا بدويه ونعتز لاني صاينه عرضي واخلاقي ومانبيعش الغالي عشان وسخ دنيا ,, انا بدويه وليا الفخر لاني عشت في منبع الاجواد وتربيت عالعلم والتسامح والغفران وسيرة نبينا اللي واضح جدا من لبسك وتفكيرك انك ناسية دينك ونبيك ,,اللي هو شفيعك يوم الحساب ,واذا علي نادر فهو حبني انتي كنتي غلطه بالنسبه له وندم عليها ونا احتليت قلبه اللي دنستيه بطمعك وخوننك وغدرك ليه ,, نادر توا مايشوفش الا فالبدويه اللي هازيه عليها. 😏😌
رتاج غمتلها وحست روحها طلعت غلطانه وكلام جواهر جا عالوتر الحساس ,, وقربت من جواهر وهي مليانه غيض وحقد وكره لجواهر وشافتلها وهي اعيونها بعيون جواهر اللي تشوفلها بتحدي وشموخ وتضرب جواهر كف 👋نين اقريب جواهر طاحت من عالكرسي ,,وشافتلها جواهر بغللل. وقالت : معذورة ,,لأن كلام الحق وجااع 😠
ورتاج مالقت غير انها اتجهت لباب الغرفه وقبل ماتطلع التفتت علي جواهر وقالت بغل: حتشوفو اذا حبيب القلب اختارك ودفع والا يختار افلوسه ويفوتك يابنت الأجواد !!😬
وطلعت وسكرت الباب بالمفتاح وجواهر بعد مشت رتاج اقعدت تبكي وتناجي في ربها وقالت (لا إله الا انت سبحانك إني كنت من الظالمين 😢)
وقعدت اتكرر فيها وتستغفر بنيه فك اسرها وتقرا من ايات الذكر الحكيم ,,
*************************************
طبعا عند نادر اتفق عالخطه اللي قاللهم عليها طارق وكانو كل الرجاله معاه وطبعا خذا شنطة الفلوس وكانت حقيبه سفر كبيرة اللي يشوفه يحسابه بيهج من البلاد 😒
المهم اتصل بيه نفس الراجل اللي كلمه من قبل وعطاه عنوان معين وركب نادر سيارته ومشا للعنوان وقلبه يدلف دلف علي حبه 💗 وكانت الطريق طويله ووصل بعد ساعه لمكان شبه مهجور من البشر. او السيارات ,, والقي زي مصنع قديم وشكله من برا مصدي وبيبانه طايحات ونزل وكان الوقت ليل طبعا وضي سيارته ضاوي عالمصنع وينفتح باب كبير في زواية المصنع ويطلعو خمسة اشخاص وكانو ملثمين ومسلحين ونادر اول ماشفهم قال : جبت الفلوس وين زوجتي ? طلعوها زي ماتفقنا ,,
واحد من الملثمين بصوت غليظ : جبت المبلغ كامل ?
نادر بثقه : اكيد وماحوتك دبرته في المده القصيرة بس اهم شي مراتي ,,هي وين ?
الملثم قرب بياخذ شنطة الفلوس بس نادر سبقه وخذا الشنطه وحطها وراه وقال : انشوف مراتي قبل وبعدها سلم واستلم,
والتفت الملثم علي واحد من جماعته وعطاه اشاره وخش الملثم الثاني زي القوراج بس زينقو وغاب وقت بعدها طلع بجواهر وهي متربطة اعيونها وفمها ايديها ورا ظهرها واول ماشافها نادر ...................

بدون حلفان حنزل وحده ثانيه بعدين اذا فضيت 😊 وجماعة تم و مم يرحم بيكن تنحنحن وكملن باقي الكلمة بلاش بخل عاد.😒

قراءة فرهودي حناتي 😉

#Hamelo ✒