أحببت بدوية (ليبية_منقولة)

الحلقة 19

وهذي حلقه وانشاءلله تعجبكن ,,😊 وبكره انزل في الليل باهيووو 😘 جمعه وبنطلع 😁

رواية #أحببت_بدويه
الحلقه (19)

وصلنا لسالمه اللي قعدت تخرط بدون وعي منها وتكب في شوالاتها 😂😁 مش منها من اللي حطاته لها جواهر في القهوة ,,😊المهم نكملو لعند وين وصلنا 👇
سالمة بدون وعي قعدت تحكي : انتي ..انتي تبي تقتلينييي وزوجتي قبل بنتييي وديما كل حاجه لكي ,,انا ..انا نكرهك نكرهك يابنت ذهب من يومها امك خير مني في كل شي ,,اسمح منيوو واشطر منيوو وجوزت قبلييي وخذت اللي نبيه ورايدته قبلهاااا وكلهم يحبوووكي وكل شي ليكي وحتي باتك ,,حتى بعد تجوزني كان ديما يحكذ بأممممك ومانسيها ,, لبسها طعامها كلاامها بنتها كل شي يذكر فيها ومانسييها ونا اللي معاه مش معبرررني ,,
جواهر بعبرة بس بينت روحها قويه وقالت : يااااااااه هضا كله حقد ,,ليييش ليش بس ,,تي ماتت ,,ماااتت تحت الحيط والتراب ومازلتي كارهتها وماتقبليها !!
سالمة قزت زي اامجنونه والهلوسه زادت معاها ووقفت عالسرير واقعدت اتلفت يمين وييار ونتشت وشاحها وقعدت اتحك في راسها واتعمش في عيونها وقالت لجواهر : اصلا ..اا. اصلا انتي تكرهيني وماتقبلينيش و ..وديما تحكي لجدك ..و.و.هو ديما ايهزب فيااو وباتك ..حتي بعد خذاني مش ذايقني .. وايعاير فيا برفيقته اللولى ..
جواهر قربت منها وعمتكن سالمة اتنطر بعيد كانها تحق في جواهر وحش وبيفترسها ,,
جواهر: باهي احكي كيف درتي كل شي عشان خذيتي باتي احكي ,
سالمة اضحكت بهستيريه : هههههه هههههههههاااااااي اصلا انا من الاول مانبيش باتك ياغشيمة ,, انا ,, انا من يوم كنت مروووحه من المعطن وجايبه معاي شراب للحوش وشفت نااصر ,, ناصر يونس ,,ونا رايدته ومن بختي كانت معاي اللي ماتسمى مبروووكه الله لا تسامحها ولا تربحها ,
جواهر قرنت حواجبها وقالت : مبرووكه اختك ?! وعليش شن دارتلك ?
سالمة وهي اتحك في جلدها اتقول منجربه : ماهو بعد شافنا نا احسبته شافني ويبيني وبعد جا يخطب عند هلي ذلع يخطب فيها هي ,, وهي وافقت ونا حاميتلها عليه وقلتلها سمح وكان يخطبني انوافق عليه ,, لكن لكن هي انانيه اول ماخطبها وتفقت وقعدو اوتو في عرسها ,,لكن مستحيل انخليها تنزفلا مستحيييل ,
جواهر :اللي نعرفه ويعرفوه كل هل النجع انها توفت قبل زفتها بيوم ,
سالمة ضحكت اخرا( عاطها دعوة اترررعش 😖)
: ههههههاااااي لأني نابيدي اللي منعت زفتها ياغشيمة ,,مش قتلك غشيمة زي امك ذهب بالضبط ,
جواهر وهي علي اعصابها : كيف مش فاهمه ??
سالمة قمعزت وشافت لجواهر وقالت : اسمعي ياغشيمة انا درتلها سم في كباية اللبن اللي جبتها لها وكثرته لها ,, وهي من طايبتها ماقالتش اني عطيتها لبن وهم يسألو فيهر وماطلع عليها ضي الصبح الا وهي بحححح ههههههههههههه ,
جواهر خافت من طريقة كلام مرت باتها وقربت من باب الدار وقالت : و..و من قتلتي اخرا ?
سالمة وهي مبتسمة اتقول اتسمع في قرآن من راسها عاطها مايطشها 😒 شافت لجواهر وقالت : تعرفي بعد ماتت ونابيدي اقنعت بوي الله يرحمه انه حشمة قدام الناس عطا بنته وهي ماتت والمفروض ايكلم ناصر وايقوله خوذ اختها اللي هي نابيدي بيش مايقولوش عليك ازعر واخسارتك في الفرح اتريح بلاش لكن هو رفضضض ,, رفضني انا سالمة ,, اللي قتلت اختي عشانه ,
المهم فتت موضوعه ورسمت علي فارس اللي هو بووك ياحنه ,, وحتي هو فااتني وشاف لغيري ,,وتجوز امك سراقة الرجاله ,,
جواهر بلعت ريقها بخوف وحاولت تفتح باب الغرفه لأنها بجد معش تحملت تسمع اكثر من هكي وسالمة تبربر اتقول زارطه منظومه 😤
سالمة : امك هذي طبعا طولت وماشالت وطلع عندها القلب وبوك ماباش يجوز عليها وعليما درت فيه كان ايحبها ومايشوف في غيرها ةبعد فترة حملت بيك وجاباتك وهي مريضة وعلي سبله ونا توقعتها اتودع في اي لحظه لكن المشكله كانت اتحسن بدوايات من المدينه وهل النجع فرحو ونا حطيت في واسي انها مستحيل اترد صحتها وطبعا زي مادرت لمبروكه درتلها بس هي في جغووم الجياب اللي درته لها واول ماكملاته ماطقتش ساعه نين ودعت ,,ماااتت ونا فزت مرة ثانيه وعرضت علي باتي بعد فترة انه يجوزني لبوك ونربيك انتي ونكسب فيك ثواب لكن باتك حزن علي امك كم سنة وماقتنع نين في يوم  اقتنع عشانك وزر عليه جدك وناصر اللي كنت نبيه وحس بالذنب اللي رفضوني ويحسابوني عشمت فيهم ونا اللي درت كل شي بيدي بيدي يابنت ذهب ههههههههه بعد مدة تجوزني ,,لكن كان ديما يحكي بيها ولاين عليه حبه لها ونا ,,,نا تللي درت كل شي مانحصلش منه حتى كلمة حب وحده ,, وطبعا انتييييي
وقعدت سالمة اتقرب من جواهر ومتظرها مشتشت واعيونها مفنصات ودبشها حايس علي رميمتها وجواهر عرقت وخافت منها ومعش قدرت تفتح فمها ولفت جواهر بيش تفتح الباب وتدعس سالمة علي جواهر واطيحها عالوطا وتبرك عليها وجواهر اتعيييط ,😭
سالمة بغل : انتيييي خذيتي غلا باتك مني ومن بناتي ,, وكنتي كل حاجه له وعليما درت فيك بنموتك مابيتي اتموتي ,,ام سبع ارواح انتيييييي 😡
وطبعا كل شي مسجل بالفيديو صوت وصورة لأن الغرفه فيها كاميرات واللي حطهن نادر ومؤيد وعمر. وخالد والصافي وحمد  ولد الصافي وضابط شرطه وماتنسنش  خالد راجل منى. واول ماندر شاف سالمة ادعست علي جواهر طووورل راح يجري للغرفه والقيها نسكره وعلي طووول دلفها بتاكووو وخش القي جواهر اتحاول تبعد سالمة عنها وسالمه تضرب فيهر بغل وشالها نادر ودفها عالسرير وساعد جواهر وقفها والتفت علي سالمة وقال : اثحووولي منها يانعنشكلك بكككل ,ايدك هذي نقطعها لكي لو تقربيها يامجرمه 😡
سالمة حست بزي التشويش في نظرها وراسها ايطن وقالت : انا ..ا.انا كني نحس في روحي دايخه ?
نادر : مش منك من الدواء اللي حطناه لكي هلاك تعترفي علي روحك ,,وعلي قتلك لاختك وام جواهر 😡
سالمة خبطت ديها في بعضهن وهي تضحك : ههههههههههه , حي حي ماقلتلكمش من قتلت اخرا ?
جواهر منصدمه عالأأأأأخر 😰 ونادر ايصك علي سنونه وقريب يعطيها بوني يهدلها فصختها ,😡
يثسالمة قمعزت عالسرير وسقمت شفشوفتها ودبشها ومسحت علي خلقتها بيديها علي اساس تشوف في روحها باسكال مشعلاني 😒
وقالت بضحكه مجنونه : ياباتي خوذ عندم ههه وقتلت نااااصر هههههههه قتلته وحرمت زهرة منه ههههههه زي ماباش ياخذني قتلته ,هههههه
جواهر قعدت ترررعش وقالت : مستحيل اتكوني بنادمه انتي ..انتي شنوووو ?
سالمة وهي مازالت مهلووووسه وتضحك : حيته عطيته مثروده وسممتها له وهو يبي يروح واللي عتقتني دار حادث لكن ماصارله شي من الخادث اللي صاوله من السم اللي خطته له مااااات هههههههههت ماااااااات.
وسكتت علي فجاءة وشافت لجواهر ووقفت وقالت : مازلتي انتي ,,,انتي بس ونتريح منك انتي يابنت ذهب انتيييي ,,
وهي بتخنق جواهر اللي خشت في حضن نادر وعمكن نادر ايعطي سالمة كففف 👋 عاطها هف ,,😒 نين ردت طاحت عالسرير واغمى عليها ,, مرقد اللي ماعاد ناضو 😤
المهم نادر طلع بجواهر والكل في حالة صدمة وطبعا رنده كانت تلهي في عايشه كل مرة في حاجه واخر مرة قالتلها ان امها رقدت وبعد اتنوض تمشيلها ,,وفعلا عايشه صدقت ,,
المهم يونس والصافي متنكدين ومتكدرين وابضابط معاهم ومعام مساعدين اثنين وسجانه مرا طبعا في حال القبض عالسموحه اللي دايخه واللي كبت اللي هناك ,,
وخش نادر والقي الرجاله كلهم مجتمعين والصبابا في الصاله وطبعا شال زهرة لامه وحنها وكانت منى جايه ,,وزهرة علي طووول خذت جواهر في حضنها وجواهر تبكي وتبمي عالعمل الاسود اللي داراته مرت باتها واسببت في قزنها وموت كل هالناس عشان اوهامها وطمعها وحقدها وقلبها الاسوود ,,
فوز لحنيه : تعالي يايام تعالي لا تخافي ,, حسلي الله ونعم الوكيل فيها هالعقرب 😢
وجتها واهر وخشت في حضن فوز وهي منهااااره دموع وبكاء وطبعا رتده وعايشه جنهن لقن جواهر تبكي واستغربت عايشه جواهر عليش تبكي بس ماحبتش تسأل ,,
والكز متوتر ,,
عند الرجاله ,,
الصافي وهو منقهر : حسبي الله ونعم الوكيل فيها هذي مجرمه ولازم تتعاقب ,,
الظابط : اذا تسمحولي هذي لازم يقبض عليها ياحاج مع اعترافاتها اللي بالفيديو حتنحكم باما اعدام او مؤبد ,,👮
يونس : لا حول ولا قوة الا بالله العلي العظيم ,, عمري ماتوقعت في يوم أن سااالمة هذ اتكون سبب في موت ولدي وتقزين ضناه !!
نادر : ماستغربوش اللي هانت عليها اختها شقيقتها وقتلتها ماتبوهاش ايهون عليها باقي البشر ,,هذذ مريضه من عند كلامها واضح انها مررريضه ,اخخخ لو كانت راجل بس راهو قتلتها بيدي 😠
الصافي شاف لولده وشاف للضابط وقال : ديري واجبك ياحضرت الضابط هذي مجرمه واعترفت ومستحيل انعاودها للنجع والا تاعود بين هلي ,,عذي تقتل القتيل وتمشي في زنازته ,,احبسوها اعدموها احرقوها نحن متبريين منها ,
وطبعا الصبايا سمعن كل شي وعايشه تنمت الوطا تنشق وتبلعها ,,من عمايل امها ,,ونزلت راسها ,,وجواهر لاحظت نظرة انكسار في خيتها وقربت منها وخضنتها وقالت : عمرك ماتنزلي راسك اناي ماليكش ذنب اناي خيتي وحبيبتي وماتقوليش انك مذنبه عشانها ,
فوز رفعت ديها لعايشه : تعالي يايام من يوم يومك بنتي نا وربيتك علي دياتي ,,وانتي كيف حيات باتك في طيبتك وبياض نيتك ,,تعالي ياياما تعالي 😢
وعايشه احضنت حنها وقعدت تبمي والكل متأثر ومانحميلكن علي عمر بعد شاف الكبيده تبكي ,, قليبه نغزه العطيب 😁 وتمنا اتجون في حضنه هو واطبطب عليها بس مازال ماصار اللي في باله ادعله 😉
المهم في الاخظه هذي عمتكن سالمة فاقت وسمعت كلامهم كله وكانت بتهرب من عند الباب الخلفي ويرن فون حمد ولد الصافي واول مافتح
حمد : ايووواه ,, من.... كيف كيف ..لا حول ولا قوة الا بالله العلي العظيم ..وامتا صار الخبر ?باهي باه حنقوللهم ,,يستر الله ,
وسكر وهو متاثر وشاف لباته وقاله الصافي : شن في صايره حاجه في النجع ?
حمد منزل راسه وقال : نعيمة بنت خوي فارس الله يرحمه ,
وعمتكن سالمة وقفت والتفتت عليهم ,,تبي تعرفي شن في ,,
الصافي : كنها ?
حمد : عطاتك عمرها قالو خشت عليها لفعه في البيت وهي راقده ولدغتها وماتت ,
وعمتكن سالمة اتصكها عيطه قووويه نين الكل شافها وجت تجري علي حمد واتهز فيه واتقول : لااااااااااا بنتييييي ماتقولاااش ياحمد بنتي  ماتموتش بنتي مازالت حيه بنت ذهب اللي مفروض اتموت ,,خششتها عليها في بيتها نا ونجيه ورجعه بيدينه حطيناها لها هي وراجلها ومادارتلها شي ,,واااااك يابنتيييي ,اااه ينعلياااااا ياكبدي ,,,,
الصافي نسكها من ذراعها وقال بقهر : ذوووقي ياسااالمه ذوقي نار كبدك ذوقي المر اللي ذوقتيه ليا وليونس فوز وجواهر ذوووقي اللي درتيها في الرخيص اندارتلك في الغالي ذوووقي الله لا تسامحك ,
وعايشه منهاااره وتبكي والكل في حاله واول مافطنت سالمة لروحها جرت للمطبخ وخذت الموس وجت تجري شور جواهر والكل استك وكانو مش مصدقيين اللي يسير وجواهر جمدت في مكانها وقبل ماطق في جواهر دفها نادر وطاحت وجت بتوقف اخرا دعست عليها السجانه وواحد من المعاونين وفكو منها الموس وكلبشوها وشالوها وهي منهاره ,
انكلبت مانحميلكن خبر يرررعش الله يرعشها 😖
وجواهر يغما عليها ومسكها نادر وشالها بين ايديه
يونس بخوف : شيلها للمستشفى يانادر بسرعه ,😲
فوز : يانعلي يايمي بنيتي كنها ينعلي شيلوني معاها 😭
نادر طوووول شالها عالسياره وركبت معاه رنده طبعا ,, ومشا معاه مؤيد وشالوها للمستشفى واول ماكشفت عليها الدكتور طلبت تحاليل وركبولها تغذيه ونادر وخوه يرجو بره ورنده مع الممرضه اللي تركب لجواهر في الابره وكان اسمها هناء بنيه طيوبه وحلوة وقالتلها رنده : شن حالتها ?
هناء الممرضه : عندها صدمة عصبيه هكي قالت الدكتوره ,,بس نرجو في التحاليل بس ,
وبعد وقت واول ماطلعن التحاليل الدكتور شافتلهن وقالت لنادر........................

اهي حلقه وطويله ,, وفيها كل انواع الاكشن والدراما 😂 وفوني هضا طلع في الأخير  خليجي ريتن هالخبر ,,😒 بنكتب صدمة تنكتب صدمج 😂😁
بغدد وخلاص ,,

قراءة ممتعه مليشيا 💋

#Hamelo