أحببت بدوية (ليبية_منقولة)

الحلقة 18

نعموشاتي من الأخير قصة نكتب حلقتين في اليوم والله مانقدر ,, الا اذا فضيت ولقيت روحي عندي وقت نكتب حلقة ثانيه بدون ماتطلبن ,, لأن من الأول شرطت عليكن  ان التنزيل يوميا و بالحلقه 😊
ونتمنالكن قراءة ممتعه لجميع رواياتي 😘
كاتبتكن #Hamelo
⭐⭐⭐⭐⭐⭐⭐⭐⭐⭐⭐⭐⭐

رواية #أحببت_بدويه
الحلقه(18)

وصلنا لعند بدو في مد الغدا وعاطو الرجاله غداهم والصبايا حطن غداهن ومانحميلكن عالقرآن والع علي سورة البقرة والشي هضا ازعج سالمة ولاحظن الصبايا ضيقها وقالت سالمة وهد متضايقه : ياريتو اتوطن علي صوت التلفزيونو ياجواهر راسي بيطربق والصوت عالي راه ,
جواهر: حاضر يامرت باتي ,,حنوطيه ,
ووقفت ووطت التي في اشوي وزهرة اضايقت ومن طبعها اللي تكرهه او تتعقد منه اتبان فيها طووول ماتعرفش اتوراي وقالت : القرآن اكويس في الحوش وكلام الله ايريح النفسيه مغير خطي عالقرآن كان عندك ةجيعه ساع اتحول 😒
سالمه بخبث : اكيده ياحنه مغير ناو راسي واجعني من الطريقو والصوت العالي يزيد ايوجع فيا بس ياحنه 😏
فوز وهي تشرب في ميه : يايام بعد اتغدي خوذي شوية دخان مطحون معاه اشوية عنبره وشميه ياع ايحيد منك الصطار ,وادهني راسك بزيت زيتون وضمديه بمحرمه وارقدي ,, ساع بعد ترقدي واتنوضي تصبحي اتقووووليش ,😊
(نعن جد افكار العزايز هذين نظام ادمان 😒)
المهم ,, جواهر خشت للمطبخ بدير قهوة وترغوي في الشاهي واتجهز فيها  وايخش نادر جايبلها كيسة موصيته عليها من الصيدليه وفي وصفة تبيها حتعرفن شن فيها ,
نادر : تفضلي غلاي ,,اللي وصيتي عليه ,😍
جواهر خذت الكيسه وقعدت اتشوف للدواء : سلمك جياب ,, هضا هو اللي نبيه ,😊
نادر : شنو قصته الدواء هضا في شنو تبيه ?😕
جواهر : بعدين حتعرف كل شي توا خوذ صفرة الشاهي للرجاله ,
وخذا نادر الصفرة ونزل لخدها وباسها وجواهر انحرجت والوجه فراااااااوله 🍓 😍 وهمسلها وهو قريب من وجهها : انحبك جوهرتي ,,😘
جواهر شافت لعيونه وقالت : ونا انموت فيك ,, امشي هيا قبل مايخش شي حد علينا ,😍
نادر : ردي بالك من اللي قاعده جوا هذي ,
جواهر : ماتخافش عليا ,, اطمن ,
وطلع نادر وجواهر طلعت للصبايا اللي غسلن ايديهن وعايشه شالت الصفر متاع الغدا وبدت فيهن الخدامه اللي كانت في التواليت راكن تحساب الرومانسيه صارت قدامها 😒
المهم عايشه ولعت الفحم خشت عليها رنده لقت جواهر تبتسم سألتها رنده : شن تبي اديري ?😕
جواهر بنبخر الحوش ,😊
رنده وكنك اتشمي في الفحم ? 😁
جواهر : انحبها ريحة الفحم اللي يولع هكي من عند ربي ,😊
ولع الفحم حطاته في البخاره وجابت الفاصوخ والبوكبير ومعاهن ملح حصو ,, طبعا واخذتها من حنها عالنفس والعين والحسد وحركات العزايز اللي واخذه عليها جواهر من حنها ,, وبدت اتبخر وفوز بعد شماته : اقربي جاي يايام خنشمه اشوي ,,ااااه ليا زمان ماشميته ,😍
وقعدت فوز اتشم وسالمة سكرت خشمها بوشاحها وجواهر بالعاني قرباته منها وقالت : شمي يامرت بوي شمي مرات عين وصاباتك ,
وقعدت اتبخر فيها وعمتكن سالمة بتنفجر ,
سالمة بغيظ: خلااااص اشرقت يابنت كح كح كح. شيلي غااادي 😒
وقعدت جواهر اتبخر وعلت علي صوت القرآن وشربن الصبايه الشاهي وجواهر جابت قهوة لمرت باتها اللي طبعا حطتلها حبة من اللي بالي بالكن حتعرفنها شني وسعن بالكن بلاش تقصقيص 😒
ومدتلها الفنجان وشرباته عمتكن سالمة والصبايا يهدرزن وجواهر وزهرة ايشوفن لبعضهن والبسمة علي وجوهن 😏 وفوز تحكي اتقول : والله بعد حكالي الحاج يونس وقالي ولدكم اتعب وحس قتله لازم نمشو عيب ,, نحن هل والناس لبعضها ,,😊
زهرة : أكيده ياحاجة ,, ربي يزيد المحبه وماننحرمو من طلتكم ويبعد عنا الحسديه واولاد الحرام يارب ,
وطبعا الكلمة هذي لصاحبتنا هذكي 😂 الكلام لكي ياجاره ,,😁
وعمتكن سالمة بدت تدروخ وتحس في روحها مش علي بعضها وقعدت اتشوف في الصبايا مش واضحات ومره يوضحن ومره كانهن يضحكن عليها ومرة كانهن بيضربنها وقعدت تمسح في عيونها واتشوفلهن وهن اصلا يهدرزن لكن هي قعدت اتشوف في خبر. ثاني  وسالمة بدت اتعيط😭 وفوز انفجعت 😨وجواهر وزهرة ابتسمن من تحت لتحت ,😏😏
فوز : بسم الله الرحمن الرحيم كنك يامينتي شن فيك 😨
جواهر قربت من مرت باتها وقالت : بسم الله كنك ياخالتي شن فيك.?
زهرة : شكلها تعبانه ياعايشه يارنده تعالن عاونن جواهر,
وجت عايشه ورنده وانصدمن من منظر سالمة اللي قعدت اتقول جربوع 😒 تزحف وتلف علي روحها وتمسح علي وجهها وتشوف للكل بريبه وخوف وعايشه وجعتها امهاوحاولن يمسكنها مع جواهر وماحوتك شالنها لدار من الديار وحطنها فيها وقعدت جواهر ماسكتها. وهي واجعتها بينها وبين نفسها ,,
جواهر : ياخالتي بشويش تعذبي من الشيطان ,
سالمة بدون وعي : حوووولي حوووولي انتن شن تبن اديرلي ? ياعايشه فكيني منها اختك ,
عايشه والدموع في عيونها: كنك يايمي شن فيك ? كنتي اكويسه اول ماجيتي ?
جواهر غمزت لرنده وفهمت عليها وخذت عايشه من يدها  وقالت : هيا عويشه نجيبولها مية رقيه وانولعو البخاره ونبخروها امك شكلها عين ولا حاجه ,
وفعلا طلعن وسكرت جواهر الباب ووقفت قدامها وقالت : احكي يامرت بوي قولي اللي في خاطرك شن تشوفي ? وشن تبي اديريلي ? شن اتمنيلي قولي ?
سالمة بدون وعي قعدت تحكي : انتي ..انتي تبي تقتلينييي وزوجتي قبل بنتييي وديما كل حاجه لكي ,,انا ..انا نكرهك نكرهك يابنت ذهب من يومها امك خير مني في كل شي ,,اسمح منيوو واشطر منيوو وجوزت قبلييي وخذت اللي نبيه ورايدته قبلهاااا و....و.........

وقسما بالله فوني مزطني يستك ويكتب بالبطي 😭
عارفتها قصيرونه باهيووو. 😒 حنزل بعدين حلقة ثانيه. 😉ماتخافنش 💦💦 مية رقيه بخيتكن بيها خايفه عليكن من العين 😍

نحبكن وقراءة نعموشه 💋

#Hamelo ✒