أحببت بدوية (ليبية_منقولة)

الحلقة 2

حبيباتي عاشقات الروايات ,,, ماتخلنش الروايات يلهنكن عالصلاة ,,
😘😘😘😘😘😘😘😘😘😘😘😘😘

رواية #أحببت_بدويه
الحلقه (2)

واول. ماروحت جواهر من برا مشت لجدها طووول واظبطت جدها بقوة. وهي تبكي 😭 ووجها حمر
واول ماحكاله محمد قال جدها : ريت هالخبر ! وعليش ضربنك ? والله انعطابها علي خشومهن 😡
وفعلا سكت جواهر وخلاها مع مراته الكبيره واسمها (فوز) هي جدة جواهر وليه طيييبه وحنونه واعيالها متجوزين وباحفادها حتى هي ,, وهي اللي عانت جواهر و ربتها علي دياتها وعلمتها كل شي تعرفه وجواهر ماتريح الا في بيتها ومعاها ,,
المهم ,,
فوز لجواهر : قولي يايام عليش ضربنك هالمنجوهات ?😕
جواهر وهي امطبسه راسها : هن سبن امي الله يرحمها وقاللي عليها وليه باير وشينه وباتي ماكنش يبيها وان جدي هو اللي غصبه عليها ونا وجعني كلامهن في امي وقلتلهن معش تحكن عليها والا حنقولها لجدي ,, 😔
فوز بطيبه وقعدت اتملس علي ظهر جواهر : لا يايام مينتك الله يرحمها ماهي باير ,, كانت حره وشاطره ومحلاك ماديرلك مقطع ولا خبزة تنور 😋 طيابه فيهن وكان عالسماحه من قال عليها شينه ,, انتي كلك امك نسخه منها ,,ااخخخ عارفتهن هذين منقهرات منها وهي حيه وبعد ماتت وتحت الحيط والتراب مامهنياتها اللطف ياربي 😠
جواهر بقصقصه : باهي صاح باتي مانكش يبيها وجدي اللي خذاها له بالغصب ? 😟
فوز حطت يدها تحت حنكها وقالت : يكلا غصبن عنه !! والله كان ماخذاها راهو حرق علينا النجع كله من قابيته رايدها ويبيها ومن هي صغيره ,, ماتصدقيش شي ايقولنا لكي هالمسمومات ياحنه باهيو ☺
جواهر بابتسامه بانت عليها : حاضر ياحني ,, ربي ايخليك ليا وايطول بعمرك ويدوم عليك صحيحتك يارب ,☺
فوز : يارب يامينتي يارب ,, هيا سلم بنيتي اطلعي ابرمي عالقدر وشوفي الطعام شن صار فبه وكان طاب حطي جدك علي جيه خلينا انتعشو وانرقدو ☺
جواهر بطيبه ونشاط : حااااضر من عيوني ,😊
وفعلا وقفت ومشت للطنجره اللي عالنار. وفي نفس الوقت الجد صافي كان عند ولده الصغير وهزبه وهزب مراته رجعه اللي ضربت جواهر وتحلفهم واحد ايمد يده عليها ايكسره تكسير هو ورفيقته ,, وخش علي بيته التاني اللي فيه مراته نجيه والقيها ياشرينتي راقده ,,
صافي: نوضي يارميمه نووووضي بلا طروح 😡
نجيه وهي ترجف : كني ياسويدي راااقده نا شن درت ? 😨
صافي : راقده ? عاطك مرقد في سيدي مرعي قولي امين .. من قالك تضربي جواهر ياوليه كنك معاها دايره راسك براسها هاااه 😡
نجيه انقهرت وقالت : لا ياسيدي انت فاهم الموضوع مش كيف ماهو راه ! البنت هذي السانها طوويل واترد عليا و .وو . و قريب ضربتني حتى الضرب راه اسأل رجعه مرت الجارح 😒
الصافي: هه ردت عليك ? جواااهر ?? نقعد نا مانعرفش انربي بعدين 😡 والله يانجيه لو اتمدي يدك عليها ولا انجرحيها بكلام واعر ,, ماعاد تلزميني لا في بيتي ولا مع عيالك انا قلت كلمة وحلفت راه 😡
نجيه اشهقت وقالت : ههههيييييي وانهون عليك ياسيدي بعد هالسنين ايقولي عليا فارقت ونا جده ياصااافي ? 😨
صافي: انتي اللي اتجيبي فيه لروحك ونا قلت كلمتي ,, توا ارقدي انشاءلله ماعاد اتنوضي ياغضيبه 😒
وطلع وخلاها تدعي وتحرق علي راقدة الريح جواهر وييتر الله منها الوليه هذي مسمومه وسمها مايبردش ,,😫
المهم مشن الايام جواهر في حمايه جدها وعمامها الحق مايحملو فيها حاجه واتعز عليهم لانها وحيدة خوهم الغالي ,, 😔والصبايا مش كلهن امعادياتها الا المنقهرات ,,عاطهن محماط ,, المهم في يوم جا مرسول للجد صافي من واحد من دمه من المدينه وقراله المرسال واحد من اعياله ,,
طبعا ملامحظه اللي مش عارفينه ان اعيال الحاج صافي متعلمين اللي قاري اعدادي واللي قاري لعند الثانويه وكملها واللي عنده شهاده معهد كهرباء لكن اعيالهم ماشاءلله اللي مهندس واللي خريج جامعه الا البنات ماعندهنش عالقرايه ناعاد جواهر قرت للشهاده الاعداديه وبطلوها عماها لانهم خافو عليها بعد جو في جرتها مدرس مرة خطبها ومره واحد حطها في راسه بعد شافها في المدينه وخطبها اكثر من مره بس الجد الصافي عنده موال في راسه حتعرفنه بعدين ,,✋
المهم بعد قراله ولده المرسال اللي جاه رساله مكتوبه في ورقه ,,
صافي : يانهار مبروك بعد اسبوع بيجونا الاجواد والناس الباهيه ,, بيش اتوتي الضيافه بعد ايجو ياولد ,😀
ولده : حاضر يابوي ,, بس من اللي بيجونا ? 😕
الصافي وهو متكي عالمخده وايتفرج عالنجع وهو في بيته : حتعرفهم اول مايوصلو طيبين ,😊
*************************************
في بيت البطل نادر ايكلم في الفون مع طارق اللي عرف من سرق باقي الشحنه وطلع واحد منافس لهم عنده نفس الشركه ويبي يغلب نادر في السوق والسمعه ورشا صاحب السياره الكبيره. وخلاه ايهربلا الشحنه في مكان معين وطبعا طارق عنده جماعته اللي ايجيبولا اي شي يبي يعرفه ,, ومسكو صاحب السياره الكبيره ومن اول كف اعترف ,,
نادر فرح ان استرد الشحنه وماخسرش في صفقته ,, ومعاملته مع العملاء ,,
وبعد قفل الفون طلع من مكتبه والقي اخته مع امه مقمعزات مع جده اللي يحكيلهن علي موضوع والقي امه واخته متوترات وقرب منهم وقمعز ,
نادر بتسأل :انشاءلله خير كنكم متوترين ? شن في ?
امه بتوتر شافت لنادر وقالت : لاا. لالا مافيش شي ,, مغير في موضوع قديم جدك حكاه ليا والكلام هضا باتك الله يرحمه هو اللي قايله وتقدر اتقول وعد وعده باتك ,, لواحد مديون باتك له بدين يعني و..
نادر وهو مش فاهم شي : اي دين واي مديون ? مش فاهم شي ,, شن الموضوع بس كنك ياامي كنك متوتره وزي اللي في شي خايفه منه 😕
الجد يونس بثبات : امك قصدها بتقول انك توا كبير يانادر وامداداتك بعايالهم ,, وانظني جا الوقت اللي مفروض اتفرحهت واتفرحنا معاها وترتبط وتكون اسره 😐
نادر سكت وقرن حواجبه ونفسه غم عليه وحس روحه بينفجر وشافلهم وهو خلاااص علي بكه 💣
المهم معش زاد حرف وقعد سارح في موال قديم وقاطع سرحانه كلام امه اللي قالت : يانادر الله ايربحك انا ام ومشغوله عليك وعلي خوتك ومن حقي انتريح عليكم ونجوزكم واتشوف اولادكم 😔
نادر : ومش من حقي انعيش حياتي يعني😒
يونس: لعند امتا ? قولي بس لعند امتا ?? انا معش بنعيش اكثر ماعشت وامك بتفرح بيك واتشوف اولادك ,, انت الحياة واخذتك عمل وجري وسفر وخلاص ,,وناسي روحك وناسي امك اللي كملت عمرها عليك وعلي خوتك وضحت بشبابها بالرغم تقدر تنها اتعيش حياتها ,,بس ضحت عشانكم ,,ماتقرش انت تسعدها وتضحي ياسيدي وتتجوز 😒 وتفرحها ,
نادر سند مرافقه علي افخاذه وبعدها مسح بيديه علي وجه بحركه واحد منقهر وتنهد وقال : حتى لو وافقت ,,ماعنديش وحده جاهزه توا ,, خلوني بس نين نلقا اللي في بالي او عالاقل نقتنع بيها ,😒
وتنط اخته رنده وتقوله : باهي شن مواصفاتها تبيها ?😃
تخزر فيها نادر بنظره قبل طيرتها بس تنهد وسقم قمعيزته وقال : نبيها نسخه من طبعي ,😒
زهرة ورنده ويونس : 😨😨😨
نادر : كنكم استكيتو ? عادي يعني ,, نبيها متعلمه مثقفه انيقه منظمة دقيقه في كل شي ,👌والاهم تسمع الكلام وماتعاندش ,,
رنده وهي فاتحه فمها قالت : حرام عليك يااخي وين نلقوها اللي انت تبي مواصفاتها ? 😰 هذي نفس طباعك وانت الحق نادر راه 😒
نادر بابتسامه : وهضا المطلوب,, اتكون نادره ,, وخطرها نسيت وصف اخر 😏
يونس : شنو هو ?😨
نادر بنرفزه : انكون جميله ,, زي هكي 😉
وطلع لغرفته وخلاهم منقهرين من شروطه وفجاءة رد عليهم وقال وهو فوق يعني فوق الدروج اللي موجودات في الصاله طبعا ,,
نادر بسؤال: خطرها قلتولي ان في موضوع وعد ماوعد ودين باتك لواحد شن القصه ? 😕
يونس ضحك وخطرت عليه حاجه وقال: اهاا باتك الله يرحمه زمان قبل خسر في موضوع والراجل اللي نقذ باتك صبا معاه ونقذه واخر مره نقذه فيها كلفاته روحه والراجل الله يرحمه مات وعقب اعويله صغيرين وباتك قبل مايموت تعهد علي روحه قدامي وقدام هل الراجل هضا انه يتكفل بعيال المرحوم وقرايتهم واول بنت له اتكون من نصيب ولده اللي هو انت طبعا 😏
نادر قعد اشوي نين جمع الحكايه في راسه وفنص اعيونه ونزل يجري وهو لابس السروال متاع البدله والقميص مفتوح ابطمه الاولات بس وماركزش نين جا قدام جده وقال : كيف كيف كيف ? بنت من ? ونصيب من ? شن تحكي ياجدي ?😐
يونس بفرحة انتصار: والله هضا باتك الله يرحمه اللي وعد مش نا وواجبك انك تنفذ وعد باتك عشان يرتاح في تربته ,باتك ربط كلمة قدام رجاله وتريس وتعتبر ياحلو خاطب من زمان مغير جا الوقت توا بيش اننفذ ونصيحه مني جهز روحك هاليومين لاني بصراحه ماشي لهل الراجل في هاليومين نا وانت وحتى مؤيد في موضوع شاغل بالي ومهم وبالمره ننهو موضوعك 😏
علي خشت مؤيد حس ان الوضع متوتر وفي خاجه سايره بس حاول يحكي وقال: السلام عليكم ياجماعه شن في كنكم ملتمين اتقول حلف ناتو انشاءلله خير 😊
وايفنصو فيه كلهم نادر 😠ويونس 😠وزهره😠 ورنده 😠اللي قالتلا : اسسسسسسس
مؤيد: ياستر 😨
وانسحب وركب لغرفته وهو متوتروخايف من نظراتهم واول ماخش لداره قال : زعما شن في ? وكنكم فنصو فيا كلهم ? 😕 هاضوم هلي ولا متحولين ?😖 بالله ياخبر اليوم بفلوس بكره نسنعو بلاش ,😒
وخش لتواليته وخذا شاور ولبس دبشه وطلع خش سريره وفتح الاب توب كسد عليه ..
وعند نادر قعد فتره ساكت وهو ايشوف لجده وامه وقال: تمام ,,موافق ,,بس بشرط ,
يونس: قول سن شرطك ?
نادر : اذا ماعجبتنيش البنت نرفض عادي راه ,
يونس : موافق ,اصلا مرات نمشو نلقوها متجوزه ماتندري عالنصيب ,
نادر لف بيمشي لداره وقال. انشاءلله ,,
ةعدن اليومين عالمل توتر وخوف ودعء من زهرة لابنها بالهدايه ويوافق علي العروس ويتجوز ,
وبعد يومين ركبو في السياره بيمشو لرحلتهم وطبعا زهرة ورنده مشن لحوش خو زهرة يقعدو عندهم نين ايروحو الشباب وجدهم ,
وطول الطريق مؤيد وجده ايهدرزو الا نادر سارح ومتوتر ويبي ايتخيل شكل العروس بس ماعرفش وطبعا هو اللي يسوق,
واول ماوصلو للمكان خشو عالطريق الرمليه وجده يوصفلا في الطريق وماكنش في بني حديث حيشان بني قديم اشوي ومطرطشات كل حوش وحده ويالاه حلاليقسعي وزينقو ودجاج ومؤيد ونادر متوترين وخصوصا نادر قلبه بيطيح رسمي 😂
وبعد اهلبو المنطقه هذي خشو علي ارض خضراء وربيع ايهبل 😍 ومنظر خيل تسرح وسعي بعيد شوي ومنظر البيوت جنب بعضهن خيالي والاطفال اللي يجارو ورا بعضهم اول ماشافو سياره عرفوها غريبه ومن المدينه ونادر مستك وايشوف لجده اللي فرحاااان ويتفرج عالمنظر الطبيعي واعيونه دمعن. ونادر قريب يندب 😂
ومانحكيلكن علي منظر التنانير ودخاخينهن ووليه لابسه رداء مغطيه بيه راسها واطلع في خبزه التنور وتعاطي في العويله في القنان 😍 ملاحظه (القنان هو عباره عن بواقي عجينة التنور عزايزنا ايدرنه خبزه تنور صغيييره للعويله ايقولوله قنان 😂),
نرجعو لنادر اللي الدخاخين طلعن من وذانه. ووقف السياره وقال لجده اللي سارح العطيب : جدي ? جدددي ? ماتقوليش هنا هل العروس 😨
يونس بضحكه : انزل انزل سلم ولدي انسلمو قبل وبعدها نحكيلك عيب العرب اتفرج علينا 😊
ومؤيد مستك وقال : عروووس ? عروس لمن 😨
يونس : لخوك نادر عقبالك 😊
مؤيد :😨
نادر : 😤
ونزلو واول ماجا الحاج صافي وبيسلم عليهم اطب في نادر حيطه اصغيره علي جنب راسه فجخاته وانجرح والكل انصدم من الموقف اللي بعد التفتو لقيو اللي وج الحيطه هو ...............

زعما من اللي فجخ نادر ? وشن بيسير ? راجني نعموشاتي في الحلقه الجايه ,😉
وتوقعاتكن وارأكن في الحلقه 😍
قراءة ممتعه 💋

✒ #Hamelo