أحببت بدوية (ليبية_منقولة)

الحلقة 5

الصلاة ثم الصلاة ثم الصلاااااه ,,💋💋
ماتخلنش حاجه تلهيكن عليها ,,😐
🌷🌷🌷🌷🌷🌷🌷🌷🌷🌷🌷🌷🌷

رواية #أحببت_بدويه
الحلقه (5)

جواهر : حاضر ياحني حنكلمها ,
ومشت جواهر لبيت مرت باتها واول ماخشت لقت سالمة : نازله ضرب في عايشه والبنت قريب تفطس تحت ايدين امها ونعيمه اتفرج ومتشمته في اختها ,,
جواهر بشهقه : ههههيييي 😳 خااالتي !! كنك مع عويشه ? 😳
وعلي طول حاولت اتخلص اختها من ابزين امها اللي مسحت كبدها في بنتها وطبعا في سبب حتعرفنه ,,
سالمة بغل وهي تضرب في عايشه ومره مرات تزرق بضرباتها علي ظهر جوار اللي حاضنه عايشه وعاطيه بظهرها لسالمة وعايشه تبكي بصوت عالي اللي تنتشت تنتيش من امها ,,
سالمة : حووولي ياجواااهر حووولي خليني نقتلها الفااانص الكلبه نااا ماعادش تلزمني عار البنته 😬
جواهر وهي حاضنه اختها وصبت بيها ناحيه قدام البيت قالت بعطف : حرتم عليكي ياخالتي ,,عليش درتي فيها هكي بس ,, البنت افطست بين ايديك 😓
سالمة في سرها : (حرمت عليك عيشتك يابنت ذهب )وقالت بصوت عالي : لاامش حرااام,, بعد وحده ماتسمعش كلام امها واتزيد اتلاذع فيها حلاز فيها الذبح علي غير قبله اخرا 😒
جواهر وجعتها اختها وشافت لمرت باتها وطبعا اتقوللها خالتي عشان تحترم فيها بالرغم من المواجع اللذ ايجنها منها ,,
جواهر شافت لخالتها وقالت : باهي خلاص حصل خي. عويشه مازالت صغيره ,,ساع تكبر وتعقل ومعش اتعاودها صاح يااعويشه 😓
عايشه شافت لامها لقت اتفنص فيها بقوة وشافت لجواهر وهزت راسها بمعني اها ,,,
جواهر : باهي حصل خير ياخالتي وحناخذها معايا لبيت جدي لان حني تبيها اتغدا معانا ,,
نعيمة بغل وحقد : وعليش دازتك حني لعايشه بسسو? 😒
جواهر : لا مغير غدانا اليوم عصيزه وعارفين عويشه اتحبها ,, وانتي مش برانيه للعزومه يا نعيمه ,, هيا معايا كلكن وبالمره اتغيرت جو وانقيلو مع بعضنا ,😔
سالمة بحقد : لا ياحنه عدي انتي والمغضوبه برواحكن نحن تغدينا وبعدين سويدي قريب ايروح وتميد يبي ايتغدا وايتريح مانبوش انضايقو حد 😒
وفعلا اختصرت معاهن جواهر الموضوع وخذت عايشه اللي ترجف وجف من البكاء واول ماوصلن ,
الجده فوز شافتهن وشافت حاله عايشه خبطت يدها علي صدرها وقالت : هههييييي 😳 كنها اعويشه ?
وحكتلها جواهر باللي صار ,
وعايشه تبكي ,😭
فوز : لاهي خلاص يامينتي معش تبكي سادك نواح مغي. اتضري اعويناتك ,, لكن قوليلي ,, عليش اضرباتك امك 😕
عايشه ارتبكت وخافت وتوترت وقعدت تلعب بصوابع ايديها وقالت : هاه ! عشان , اا . ااااا عشان رديت عليها وعليت صوتي بدون مانقصد 😔
فوز : وعليش رديتي عليها عشان شنو 😕
عايسه بتحاول اتهرب من اسألة حنها قالت : غشان خذيت المثروده واللبن وهي كانت معقبتها وو..وو. وهكي يعني 😰
جواهر حطت يدها علي راس اختها وملست علي شعرها وقالت : عيب يااعويشه اتردي علي امك ,, وانتي عارفه ان هضا غلط وكان امك غضبت عليك حتي الله سبحانه يغضب عليك وحياتك مع تنجح فيها حاجه ,, حتي ولو اتجوزتي ودرتي اعيال اللي اديريها في امك ايردوها لكي اعيالك ,, فاهمه عليا ,
عايشه نزلت اعيونها وهي محتاره وقالت : فاهمه ياجواهر ,
جواهر : خلاص انسي توا واخر مره اديريها وهيا بيش انتغدو حني دارت اليوم عصيده علي شانك عارفتك اتحبيها ,, وفي العشيه تمشي لامك وتعتذري منها وتحبي علي راسها وماتسيبيها نين اتسامحك وترضا عنك واتنفذي اللي تبيه منك فاهمه ?
هزت عايشه راسها باها ,, وفي سرها قالت (اااااه ياجواهر كان تعرفي امي شن بديرلك ,, مش حتقوليلي هالكلام ,, لكن الله غالب انخاف منها حتي بعد انعارض مانقدرها شن اندير ياربي شن اندير بس )
وفاقت علي صوت حنها : هيا يايام وماتزعليش هابا الام تضرب واتهزب عشان مصالحك بس ,, ماتخطيش في عقلك بصيره وساع تسامحك الام حنونه وماتمنى شي لضناها
وفعلا مشت عايشه اغسلت ةجها وجت قمعزت اتغدا بس هالمره مش كيف وكالها قبل سارحه وتفكر وباين عليها التوتر ,, بس ماحبنش يسألنها يحسابنها زعلانه من امها اللي ضربتها ,
وجا الجد الصافي وخطله غدا ,, وتغدا وشرب الشاهي وقعد ايهدرز مع فوز الا البنات غسلن الماعين وخشن ايقيلن ,,
الصافي :ياحاجه وتن ارواحكن هاليومين انردو للقريه عشان اتوتن دبش جواهر الا الاثاث عربها قالولي مانجيبوش عندهم كل شي مادام جواهر بتعيش معاهم ,, 😊
فوز بقصقصه : وجواهر حتعيش معاهم في دااارو ?
الصافي : انشاءلله حيكونلها جناح خاص بيها هاللي ايديرو فيه هالايام وكل حاجه عتدها ,, وفيلا عيت ناصر كبيره وتسرح فيها الخيل ,, عليش تشرطو في حوش وحدها ,?😕
فوز : اوباهي ,, انشاءلله ربي ايكمل علي خير واتهنا بنيتنا ,, نا شن ودي ? الا انشوفها عروس وفي بيت راجلها !☺
صافي: انشاءلله ,, ماتخافيش الحاج يونس راجل من يوم يومه , وعيال ولده الله يرحمه رجاله وخاصة نادر هض ,, عيل اتحسيه فارس ويعتمد عليه ,😊
فوز : ربي يحفظه ويهنيه مع بنيتنا ,حتي هو داعيتلا مينتا اللي اطبع في جواهر زينة البنات مش شكيره فيها بنيتي زول ولون 😌
الصافي : اي والله جواهر غاليه حتى هي بنت المراحيم الغالين رحمة الله عليهم ,انكان ماندر طلع راجل والله ماهانت علي وعطيته له ,😓
وطبعا هالكلام كله جا في وذن جواهر اللي اخنقتها العبره بعد خطر عليها باتها الا امها مافتحتش فيها وبالغم من هكي اترايف عليها وتبكذ عليها بعد تحكيلها حنها عليها وعلي وصفها وشخصيتها,,لكن باتها فتحت فيه وعارفته وطبعا مات وهي في 12 من عمرها وقعدت تبكي بصوت مكتوم وواجعها حالها اللي فقدت احن شخصين في حياتها بالرغم ان جدها وحنها ربوها ويحبوها ومايحملو فيها حاجه لكن مش حيعوضوها عن حنان والديها مهما كان ✋,, الوالدين اساس الحنان والحب والسند في الدنيا ,, ايشيلو همك قبل ماتقعد مهموم وايحسو بتعبك قبل ماتتعب ويضحو براحتهم عشان راحتك 😢,, كانت جواهر كل ماتشوف بنات من جيلها مع امهاتهن تخنقها العبره ويوجعها حالها واتخيل لو امها حيه ومعاها وتحكي معاها وتمشطلها شعرها وتشوفها عروس وتفرح بيها ,لكن الله غالب كل شي مكتود من رب العالمين واذكرت جواهر وبها استغفرت وتعذبت من الشيطان ورقدت ,
ومرن ثلاث ايام وروحو عيلت الصافي للقريه مس كلهم طبعا فوز وسالمة اللي تعتبر في مكانة ام جواهر وخواتها وعمامها وصبايا عمامهن وعمة جواهر وبناتها وعمتها التانيه قعدت في النجع مع باقي العيله ,,
(اللي اتقصقص ,,عيلة الصافي عيلة كبيره جدا ,, يعني عياله وعيال خوه الله يرحمه وضنا عمه 😒)
المهم رجعن للقريه وقعدن بيجهزن جواهر حاجتها وطبعا تمشي للمدينة هي وحد من عمامها ووحده من الصبايا تمشي معاها ,,
************************************
انجو للغندور عاد ,,😉وشن ساير فيه
عند نادر واضب عالعمل وفي نفس الوقت جاب عمال ايغيرولا ديكور الجناح عشان يكون جاهز وتقدرن اتقولن امه اللي اصرت علي هكي ,,
المهم هو فرحان ةمش فرحان شعوره متلخبط لكن رايف علي عيونها وتحديها له وفي يون كان مروح ومعاه طارق صاحبه خشو لغرفة المكتب في الفيلا ويتناقشو علي مشروع في العمل ,
طارق : وين العقود اللي تبني انشيلهن معاي ?
نادر وهو ايفتش في ادراج مكتبه : تعرف سكلي خطيتهن في درج الي في دار النوم ,, اشويه بس حنجيبهن وانجي ,😮
طارق بمشاغبه : اووو شريت دار نوم جديده للعروس امالا ? 😉
نادر فنص في طارق وقال : ريح روحك خيرلك ,, اصلا انا مايهمنيش موضوعها بكل ,, لكن انت عارف امي وعنادها ,
طارق : مش مصدق بصراحه انك حتتجوز وحده عكس الصفات اللي تبيهن !
نادر وهو واقف وحاط ايديه في جيوب سرواله وسرح للحظه واذكر اعيونها وبشرتها ووجها الطفولي بعد تغملها وابتسم ,, طبعا فطنلا طارق وصفرله
وقال : اوووووي وين رحت ? لا حق موضوعك مش خاش راسي انت راه ?! شكلك ماشكل واحد مايبيها ,سكلك طحت ورسمي اخرا ,
نادر قرن حواجبه وطرم شوربه وطلع خلا طارق يضحك عليه وطبعا اول ماخش نادر لدار نومه قعد ايدور في العقود ,,وفي اللحظه هذي رنده تبي نادر في موضوع عالعرس وكانت لابسه توته بيتيه ورديه ولخصرها وسروالها راب لتحت الركبه ونص كم ورافعه شعرها كعكه فوق راسها ونازلات خصلات من شعرها علي وجهها ومتظرها ايهبببل 😍 وتندلش علي طارق اللي كان واقف عالروشن ايتفرج عالحديقه ,, ومن قوة الخشه يحسابها مداهمه 😂
رنده بدون ماتشوف للروشن اعيونها عالورقه البذ في يدها : حمدالله عالسلامة يافندي ,, هاك قالتلك ماما هذين حاجات ضروريه ضروري اتجيبهن ونمشي معاك نا اخرا عشان نعرف النوعيه و....
واستكت بعد مالقتش خوها ولفت وجهها لقت طارق ايشوفلها واعيونه مذبلات ومبتسم وساااارح فيها وهي رمشت اعيونها زي الاطفال ومازالت ماستوعبت روحها مع من قاعده ,, وبعد وصلتلها التغطيه عيطت وررراااحت 😂
رنده : عاااااااااااا 😨
طارق بعد عيطت رنده انفجع ورفع ايديه نظام استسلام وانصدم من حركتها وبعد طلعت ,
طارق لروحه : هذي من ? وكنهااا ? نعنجد جمالها الفرخه اتهببل 😍
وبعد سكت وبعدها فنص وقال : حي علمك ياطارق اكيده هذي اخت نادر ,, 😳 احترم نفسك ياخرا 😤 استغفر الله العظيم ,,معقوله انبحت في اخت صاحبي ورفيق عمري ,,سامحني ياربي ,😔
وخش نادر القيه سارح وشكله غمت عنده فقاله : اوووي اللي واخذ عقلك ? اهن القيتهن العقود ,😉
طارق بجديه : اه ,,لا مغير كنت انفكر في حاجه هكي , باهي هيت العقود واسمحلي نا ,😐
نادر : وين ? اقعد تعشا معايا اليوم 😕
طارق وهو طالع وفتح باب المكتب : لالا مايسيرش اليون مره ثانيه انشاءلله ,,هيا توصي علي شي ?
نادر بابتسامه : سلامتك ,
وطلع طارق وهو قلبه يدلف ويدربك وقريب يعزف حتي العزف ,,🎷🎶 المهم ركب في سيارته وهو عارق وحالته حاله وقال : نا كني بعد شفتها توترت وتلخبطت 😞? ممكن عشان حقير ومانزلتش اعيونك من علي اخت صاحبك اللي واثق فيك وخلاك في حوشه ! 😒اخخخ ,, بس اتهبل والله 😍
الراجل طرشق رسمي 😂✋
المهم روح ومايحسابش روحه روح بلا قلبه ❤
ونادر بعد تعشو وخش لداره وهله رقدو خذا شاور بيريح جسمه من تعب الشغل وخش سريره وهو سارح وايفكر ويذكر في اعيونها ةكلامها وحركاتها وابتسم وقال : ياعليك حاله وخلاص ,, معقوله تشغل بالي وفكري بنت ماسكرتش حتى العشرين ? ولا حتي مش نفس اللي نتخيلها ,, بس عليش نضحك علي روحي البنت جمااال من الاخير صاررروووخ 😍
وقعد ايتخيل وايخمم وايفكر وايخطط ,, شنو بالزبط ?.حتعرفن لاقدام ,,✋ اصبرن 😂
المهم مرن الايام وجهزو عيلت الحاج يونس ارواحهم عشان يمشو للبر ويطلعو فرح ولدهم وطبعا ام نادر واخته رنده وخوه مؤيد وجده يونس وخالته وراجل خالته اسمه خالد وولد خالته شاب حلو وجذاب ملامحه سمرا واعيونه سود اخر سنة تخصص هندسه معماري وبشرته حنطيه وطويل لحيته خفيفه ,,يعني طرفوووش من الاخير 😍😂 اسمه عمر ,,
المهم خالتهم اسمها منى مواصفاته قريب من اختها بس ارق من اختها وطويله اشوي ,,وعندها بنتين وعيل واحد اللي هو عمر طبعاا ,
والكل استعد للسفر وطلعو ثلاث سيارات وحده حافلة افيكو مليانه هدايا ودبش للعروس وسيارة نادر فيها امه واخته وخالته وسيارة مؤيد فيها طارق ويونس خالد والحافله ايسوق في صاحبها لانهم ماجرينها وراكب معاه عمر ,, واسقدو للبر ,
$$$$$$$$$$$$$$$$$$$$$$$$$$$$$$$
اما في البر الكل ايجهز وواتي البيوت كلهن وجهزو التموين وعزمو عربهم وجهزو شباب النجع مكان عشان تلهد فيه الخيل 🐴 وجهزو بيتين اكبار حلوهن علي بعضهن عشان الرجاله المعازيم عالفرح والكل يستعد وجواهر متوتره وخانقتها العبره وتبكي وخلاص وجهزنها البنات وصبايا عمامها وطبعا يوم اللي وصلو فيه اهل نادر كان يوم حنتها والكل يستعد وفرحان ,
طبعا استقبلوهم الكل اجمل استقبال ورنده وامها وخالتها عجبهن جو النجع والمتظر اللي اسرهن بالرغم من بعد المسافه والارهاق ,, لكن نسين التعب مع المنظر الطبيعي الارض الخضراء والنخل الشامخ والالبيوت المنظمات ومنظر الخيل اللي كل شاب في النجع ايجهز في فرسه او حصانه باللجام والسرج ولبس الخيل التقليدي عشان تلهد بيه وهض شي طبيعي بالنسبه لعاداتنا المعروفه في ملهد الخيل ,,
والرجاله استقبلو نادر وجده وخوه وراجل خالته وعمر والصبايا خشن عالصبايا ورحبن بيهن
الصافي ليونس واللي معاه : مرحبتين ومرحب بيونس واللي معاه ,
يونس : رحب بك ياالصافي تسلم ,
الصافي : انشاءلله ماتعبتوش بالواشنات في الطريق?
يونس : لا الحمدالله ماتعبناش ,
ورحب بنادر وتعرف علي خالد وعمر
ومايخلاش الامر من الذبايح وحتي قبل الفرح علي سبله يابال توا بيفرحو 😉
عند الصبايا ,,
فوز لزهرة : مرحبتين بيكن نورتنا وشرفتنا والله ,
زهرة بطيبه : بنوركن والله تسلمي ياحاجه ,
فوز لرنده : ماشاءلله تبارك الله بنيتك هذي ?
زهرة بابتسامه : اها بنيتي , واسمها رنده ,
فوز : ربي يحفظها وتفرحي بيها ,
زهرة : امين يارب تسلمي ياحاجه ,
وطبعا في صبايا مقمعزات سلمن عليهن زهرة واختها منى وبنتها رنده ومن ضمن الصبايا سالمة مرت بات جواهر ورجعه مرت عمها الصغير ونجيه مرت جدها ,, اذكرتنهن ?
المهم دزت فوز ايشه بيش اتجيب جواهر من بيت التاني اللي تجهز فيه ,, واول ماخشت جواهر اعجبت زهور واختها وبنتها بجمال جواهر وكانت جواهر لابسه فستان مخصر طويل طبعا زهري هادي بكم ضابط شافون وخاطه وشاح ابيض في الزهري مخربش ومش حاطه ولا نقطة مكاج ,,
زهرة باعجاب : بسم الله ماشااءلله تبارك الله جنيله ربي يحفظك ,😍
جواهر بعد سلمت وباست علي راس زهرة ويدها : تسلمي ياعمتي ,😶
وسلمت عالباقي وزهرة لجواهر : تعالي حبيبتي قمعزي جنبي 😊
وقمعزت جواهر جنب عمتها والصبايا ايهدرزن وخشن الشبابات بالقهوة العرببه والغريبه والمقروض ونوع اسمه الدبله او الورده زي ماتعرفن عنده اسمين ,, والصبايا انسجمن ماعاد ثلاث وحدات اكيد عرفتنهن من 😒 عاطهن جن ,,
رجعه لسالمة بهمس طبعا : ريتي بنت ذهب عليك اللي محظوظه ماحصلت الا راجل خواجات وجمااال وسمعت انه بيخليها تكمل قرايتها اخرا ,
نجية عالجيهه الثانيه لسالمة بهمس حتي هي : ولا اخرا عندهم فيلا تسرح فيها الخيل وسمعت ان الفيلا للراجل اللي بياخذها ,
سالمة : وشن بندير يعني حظهااا,😒
نجية لسالمه: هضا كله عشان شنو مرعوشه وتطاير ومافيها حاجه سمحه مفيت اعيونها الخرش الا نقشها اكبار والباقي اتقول نقش خادم ,😏
رجعه : والله بنتك نعيمة اسمح منها مضحك واوجيه كان نا منك مانخليها تجوز قبل بنتي 😏
سالمة التفتت عليهن وقالت : ماهي اهي بتجوز قبل بناتك يارجعه شن كنتي بديري ,, وبعدين نا مافيدي شي ,
نجيه : لا فيدك واااجد ,
وشافتلا سالمة بقرنت حواجب وبسؤل : زي شنوو,
وهمستلها نجيه بكلام خلا رجعه وسالمة يبتسمن ويشوفن لجواهر بنظره الله لا تروعكن 😖
المهم في الليل بعد العشاء والبنات الشبابات قعدن ايدربكن وايغنن وجواهر اتفرج عليهن وسارحه بس في نفس الوقت خايفه وحاسة باحساس خلاها مخنوقه وجتها عايشه وقالتلها : جواهر كنك ?
جواهر : ماكني شي متضايقه بس ,
وتقمعز يالاها رنده اللي مسكت يد جواهر و.....................

وكان فضيت بعدين بعد الواحد نزل حلقه باهيوو 😑
قراءة ممتعه نعموشاتي 💋

رايكن عاااد 😘

#Hamelo✒